Alwy Pernal ಲಿಖ್ಣೆಂ ನಾಂವಾನ್ ಬೊರೊಂವ್ಚೊ ಆಲ್ವಿನ್ ದಾಂತಿ ಪೆರ್ನಾಲ್, ಫಾತಿಮಾ ಮಾಯೆಚಿ ಫಿರ್ಗಜ್ ಪೆರ್ನಾಲ್ಚೊ. ಆಪ್ಲೆಂ M.A., B.Ed ಶಿಕಾಪ್ ಸಂಪೊವ್ನ್ ಆತಾಂ ಶಿಕ್ಶಕಾಚೊ ವಾವ್ರ್ ಕರುನ್ ಆಪ್ಲ್ಯಾ ಕುಟ್ಮಾ ಸಾಂಗಾತಾ ಪೆರ್ನಾಲಾಂತ್ ವಸ್ತಿ ಕರುನ್ ಆಸಾ. 1987 ವ್ಯಾ ವರ್ಸಾ ಸಾತ್ವೆಂತ್ ಆಸ್ತಾನಾ ಜೆಜುರಾಯ್ ಪತ್ರಾ ಮುಕಾಂತ್ರ್ ಬರೊಂವ್ಕ್ ಆರಂಭ್ ಕೆಲ್ಲ್ಯಾ ಆಲ್ವಿನ್ ದಾಂತಿನ್ ಉಪ್ರಾಂತ್ ಸಾಹಿತ್ಯಾಂತ್ ಘುಂವೊನ್ ಪಳೆಂವ್ಕ್ ನಾ. ಆಲ್ವಿನ್ ದಾಂತಿನ್ ಕೊಂಕ್ಣೆಂತ್ಲ್ಯಾ ಹರ್ ಪ್ರಕಾರಾಂನಿ ಮುಳ್ಳ್ಯಾಬರಿ ವಾವ್ರ್ ಕೆಲಾ. ಎದೊಳ್ ಪರ್ಯಾಂತ್ ತಾಣೆಂ ೨೦೦ಚ್ಯಾಕಿ ಚಡ್ ಕವಿತಾ ಲಿಖ್ಲ್ಯಾಂತ್, ಸಭಾರ್ ಹೆರ್ ಭಾಸಾಂಚ್ಯಾ ಕವಿತಾಂಕ್ ತರ್ಜುಮೊ ಕೆಲ್ಯಾಂತ್. ವೊದ್ದು ವಾರಂಟ್ ನಾಂವಾಖಾಲ್ ಏಕ್ ಬೂಕ್ ಪರ್ಗಟ್ಲಾ. 80 ಚ್ಯಾಕೀ ಚಡ್ ಲೇಖನಾಂ, 4 ಮಟ್ವ್ಯೊ ಕಾಣಿಯೊ, 15 ವಿಡಂಬನಾ, 20 ಲಲಿತ್ ಪ್ರಬಂದ್ ಆನಿ 6 ನಾಟಕ್ ತಾಣೆ ಲಿಖ್ಲ್ಯಾತ್. ರಾಕ್ಣೊ, ಉಜ್ವಾಡ್, ದಿವೊ ಪತ್ರಾಂನಿ ಆಸಾ ಕೆಲ್ಲ್ಯಾ ಸಾಹಿತಿಕ್ ಸ್ಪರ್ದ್ಯಾಂನಿ ಇನಾಮಾಂ ತಾಣೆಂ ಆಪ್ಣಾಯ್ಲ್ಯಾಂತ್. 2011 ವ್ಯಾ ವರ್ಸಾ ಮೈಸೂರಾಂತ್ ಚಲ್‍ಲ್ಲ್ಯಾ ದಸರಾ ಕವಿಗೋಷ್ಟಿಂತ್ ತಾಣೆ ಭಾಗ್ ಘೆತ್ಲಾ. ಪ್ರೇರಣಾತ್ಮಕ್ ಭಾಷಣಾಂ ದಿಂವ್ಕ್ ಮಾತ್ರ್ ನಂಯ್ ಆಸ್ತಾಂ ಸಭಾರ್ ಫಿರ್ಗಜಾಂನಿ ತಶೆಂಚ್ ಸಂಘ್ ಸಂಸ್ಥ್ಯಾಂನಿ ಸಂಪನ್ಮೂಳ್ ವ್ಯಕ್ತಿ ಜಾವ್ನ್ ಹೆರಾಂಕ್ ತೊ ಪ್ರೇರಣ್ ಜಾಲಾ. ಟಿ.ವಿ. ರ್ ತೊ ಏಕ್ ಉತ್ತೀಮ್ ನಿರೂಪಕ್ ಜಾವ್ನ್ ನಾಂವಾಡ್ಲಾ. ತಾಣೆ ಪ್ರಸ್ತುತ್ ಕೆಲ್ಲಿಂ ಕಾರ್ಯಕ್ರಮಾಂ ನಮ್ಮ ಟಿ.ವಿ.ರ್ "ಯಾಯಾ ಮಯಯಾ", ದಾಯ್ಜಿ ಟಿ.ವಿ.ರ್ "ಆಮಿ ದೊಗಿ ಸೆಜಾರಾ" ತಶೆಂಚ್ 6 P.M. Live And Debate Hour [ Kannada ] ಬೊವ್ಚ್ ಫಾಮಾದ್ ಜಾಲ್ಯಾಂತ್. ಬಿಂದಾಸ್ ಪೆರ್ನಾಲ್ ನಾಂವಾಖಾಲ್ ಕೊಂಕಣಿ ಸ್ಕಿಟ್ ಗ್ರೂಪ್ ತಾಣೆ ಘಡ್ಲಾ. ಪೆರ್ನಾಲ್ಚೆಂ ಫಿರ್ಗಜ್ ಪತ್ರ್ ಫಾತಿಮಾಚೊ ತಾಳೊ ಹಾಚೊ ಸ್ಥಾಪಕ್ ಸಂಪಾದಕ್ ಜಾವ್ನ್ ತಾಣೆ ಆಪ್ಲಿ ಸೆವಾ ದಿಲ್ಯಾ. ಎಕ್ ಉತ್ತೀಮ್ ಯುವ ಮುಖೆಲಿ ತಶೆಂಚ್ ಉಂಚ್ಲೊ ಕಾರ್ಯ್ ನಿರ್ವಾಹಕ್ ಜಾವ್ನಾಸ್ಚ್ಯಾ ಆಲ್ವಿನ್ ದಾಂತಿ ಪೆರ್ನಾಲಾಕ್ ಆಂಕ್ರಿ ಪಂಗಡ್ ಸರ್ವ್ ಬರೆಂ ಮಾಗ್ತಾ ಆನಿ ತಾಚೆ ಥಾವ್ನ್ ಜಾಯ್ತೊ ಸಾಹಿತಿಕ್ ವಾವ್ರ್ ಜಾಂವ್ದಿ ಮಣೊನ್ ಆಶೆತಾ. 

**********

Alwy Pernal likhnnem namvan boromvcho alvin danti pernal, fatima mayechi firgoz pernalcho. Aplem M.A., B.Ed xikap sompoun atam xikxokacho vaur korun aplea kuttma sangata pernalant vosti korun asa. 1987 vea vorsa satvent astana jezurai potra mukantr borounko arombh kel'lea alvin dantin uprant sahiteant ghumvon polleunko na. Alvin dantin konknnentlea hor prokaramni mull'lleabori vaur kela. Edoll poreant tannem 200cheaki chodd kovita likhleant, sobhar her bhasanchea kovitank torzumo keleant. Vod'du varontt namvakhal ek buk porgottla. 80 cheaki chodd lekhonam, 4 mottveo kannio, 15 viddombona, 20 lolit probond ani 6 nattok tanne likhleat. Raknno, ujvadd, divo potramni asa kel'lea sahitik spordeamni inamam tannem apnnaileant. 2011 vea vorsa moisurant choll'lea dosora kovigoxttint tanne bhag ghetla. Preronnatmok bhaxonnam divonko matr nom-i astam sobhar firgozamni toxench songh somstheamni somponmull vyokti zaun herank to preronn zala. Tti.Vi. R to ek ut'tim' nirupok zaun namvaddla. Tanne prostut kel'lim karyokromam nom'mo tti.Vi.R "yaya moiya", daiji tti.Vi.R "ami dogi sezara" toxench 6 P.M. Live And Debate Hour [ Kannada ] bouch famad zaleant. Bindas pernal namvakhal konkonni skitt grup tanne ghoddla. Pernalchem firgoz potr fatimacho tallo hacho sthapok sompadok zaun tanne apli seva dilea. Ek ut'tim' yuvo mukheli toxench unchlo kary nirvahok zaunaschea alvin danti pernalak ankri pongodd sorv borem magta ani tache thaun zaito sahitik vaur zamvdi monnon axeta.