P.J.Karugalnade, Barkur ಲಿಖ್ಣೆಂ ನಾಂವಾನ್ ಬೊರೊಂವ್ಚೊ ಪಿಯುಸ್ ಜೇಮ್ಸ್ ಡಿ’ಸೋಜಾ ಬಾರ್ಕೂರ್ ಸಾಂ ಪೆದ್ರುಚ್ಯಾ ಫಿರ್ಗಜೆಚೊ. ಗಾಂವಾಂತ್ Diploma in Electrical Engineering ಕರುನ್ ಆತಾಂ ದುಬಾಯಾಂತ್ ಆಪ್ಲೊ ವಾವ್ರ್ ಕರುನ್ ಆಸಾ.

1979 ಇಸ್ವೆ ಥಾವ್ನ್ ಬೊರೊಂವ್ಕ್ ಆರಂಭ್ ಕೆಲ್ಲೊ ಪಿಯುಸ್ ಜೇಮ್ಸ್ ಡಿ’ಸೋಜಾ ಬಾರ್ಕೂರ್ ಆಜ್ ಕೊಂಕ್ಣೆಂತ್ಲ್ಯಾ ಉಂಚ್ಲ್ಯಾ ಕವಿಂಚ್ಯಾ ಪಂಗ್ತೆಂತ್ ಸೊಭ್ತಾ. 200 ಚ್ಯಾಕಿ ಚಡ್ತಿಕ್ ಕವಿತಾಂ, 7 ವಿವಿಧ್ ವಿಶಯಾಂಚೆರ್ ಲೇಖನಾಂ, 2 ಮಟ್ವೆ ನಾಟಕ್ ತಾಣೆಂ ಲಿಖ್ಲ್ಯಾತ್. ಏಕ್ ಉತ್ತೀಮ್ ನಟ್ ಜಾವ್ನಾಸ್ಚ್ಯಾ ತಾಣೆಂ ಎದೊಳ್ ಗಾಂವಾಂತ್ ಆನಿ ದುಬಾಯ್ ಸಭಾರ್ ನಾಟಕಾಂನಿ ನಟನ್ ಕೆಲಾಂ.ಆಪ್ಲ್ಯಾ ಕವಿತಾಂಚೊ ಪುಂಜೊ "ನಿಮಾಣಿ ಸೈರಿಕ್" ಬುಕಾ ರುಪಿಂ ಪರ್ಗಟ್ ಕೆಲಾ. ಸಾಹಿತಿಕ್ ಸ್ಪರ್ದ್ಯಾಂನಿ ಜಾಯ್ತಿಂ ಇನಾಮಾಂ ತಾಣೆಂ ಜೊಡ್ಲ್ಯಾಂತ್.

ಸಾಹಿತಿಕ್ ಮಾತ್ರ್ ನಹಿಂ ಆಸ್ತಾಂ ಪಿಯುಸ್ ಜೇಮ್ಸ್ ಡಿ’ಸೋಜಾನ್ ಜಾಯ್ತೊ ಸಾಮಾಜಿಕ್ ವಾವ್ರ್ ದುಬಾಯಾಂತ್ ಕೆಲಾ. ಕರಾವಳ್ ಮಿಲನ್ ಸಂಘಟನ್ ಹಾಂತುಂ ಆಧ್ಯಕ್ಷ್ ಜಾವ್ನ್ ದೋನ್ ವರ್ಸಾಂ, ಮಹಾ ಕಾರ್ಯದರ್ಶಿ ಜಾವ್ನ್ 12 ವರ್ಸಾಂ ಆಶೆಂ 20 ವರ್ಸಾಂಚಿ ಲಾಂಬ್ ಸೇವಾ ಹ್ಯಾ ಸಂಘಟನಾಕ್ ತಾಣೆಂ ದಿಲ್ಯಾ. ದಾಯ್ಜಿ ದುಬಾಯ್ ಸಂಘಟನಾಂತ್ 18 ವರ್ಸಾಂ ಸೇವಾ ದೀವ್ನ್ ದೋನ್ ವರ್ಸಾಂ ಖಜಾನ್ದಾರ್ ಜಾವ್ನ್ ತಾಣೆ ವಾವ್ರ್ ದಿಲಾ ಮಾತ್ರ್ ನಂಯ್ ಆಸ್ತಾಂ ದುಬಾಯ್ ಸೈಂಟ್ ಮೇರಿಸ್ ಇಗರ್ಜೆಚೊ ಕಾರ್ಯಕರ್ತ್ ಜಾವ್ನ್ ಧಾ ವರ್ಸಾಂಚಿ ಸೇವಾ ತಾಣೆ ದಿಲ್ಯಾ. ಆಂಕ್ರಿ ಪಂಗಡ್ ತಾಕಾ ಸ್ವಾಗತ್ ಕರ್ತಾ ಆನಿ ತಾಚೆ ಥಾವ್ನ್ ಆನಿಕೀ ಜಾಯ್ತೊ ಸಾಹಿತಿಕ್ ವಾವ್ರ್ ಜಾಂವ್ದಿ ಮುಣೊನ್ ಆಶೆತಾ.

**********

P.J.Karugalnade, Barkur likhnnem namvan boromvcho piyus jems ddi’soza barkur sam pedruchea firgojecho. Gamvant Diploma in Electrical Engineering korun atam dubayant aplo vaur korun asa.

1979 isve thaun borounko arombh kel'lo piyus jems ddi’soza barkur az konknnentlea unchlea kovinchea pongtent sobhta. 200 cheaki choddtik kovitam, 7 vividh vixoyancher lekhonam, 2 mottve nattok tannem likhleat. Ek ut'tim' nott zaunaschea tannem edoll gamvant ani dubai sobhar nattokamni notton kelam.Aplea kovitancho punzo "nimanni soirik" buka rupim porgott kela. Sahitik spordeamni zaitim inamam tannem zoddleant.

Sahitik matr nohim astam piyus jems ddi’sozan zaito samajik vaur dubayant kela. Koraull milon songhotton hantum adhyokx zaun don vorsam, moha karyodorxi zaun 12 vorsam axem 20 vorsanchi lamb seva hea songhottonak tannem dilea. Daiji dubai songhottonant 18 vorsam seva diun don vorsam khozandar zaun tanne vaur dila matr nom-i astam dubai sointt meris igorjecho karyokort zaun dha vorsanchi seva tanne dilea. Ankri pongodd taka svagot korta ani tache thaun aniki zaito sahitik vaur zamvdi munnon axeta.