Kishoo Barkur ಲಿಖ್ಣೆಂ ನಾಂವಾನ್ ಬರಂವ್ಚೊ ಕಿಶೋರ್ ಕುಮಾರ್ ಪೀಟರ್ ಗೊನ್ಸಾಲ್ವಿಸ್ ಗಾಂವಾಂತ್ ಬಾರ್ಕೂರ್ಚೊ. ಸಭಾರ್ ವರ್ಸಾಂ ಥಾವ್ನ್ ಕೊಂಕ್ಣಿ ಸಾಹಿತ್ಯಾಚ್ಯಾ ವಿವಿಧ್ ಪ್ರಕಾರಾಂನಿ ಜಾಯ್ತೊ ಆನ್ಭೊಗ್ ಆಸ್ಚ್ಯಾ ಕಿಶೂನ್ ಕವಿತಾ, ಮಟ್ವ್ಯೊ ಕಾಣಿಯೊ ಆನಿ ವೈಗ್ಯಾನಿಕ್ ವಿಶಯಾಂ ವಯ್ರ್ ಜಾಯ್ತೆಂ ಸಾಹಿತ್ಯ್ ಲಿಖ್ಲಾಂ. ಎಕ್ ಬೊರೊ ಗಾವ್ಪಿ ಜಾವ್ನಾಸ್ಚ್ಯಾ ಕಿಶೂಕ್ ಸಂಗೀತ್, ನಾಟಕ್ ತಶೆಂಚ್ ಸಿನೆಮಾ ಶೆತಾಂತ್ ವಿಶೇಷ್ ಆಭಿರೂಚ್. ಧಾಕ್ಟ್ಯಾ ದೆವಾಚಿಂ ಭುರ್ಗಿಂ (ಕವಿತಾ ಸಂಗ್ರಹ್), ರುಪ್ಣಿಂ (ಮಟ್ವ್ಯಾ ಕಾಣಿಯಾಂಚೊ ಸಂಗ್ರಹ್) ತಾಚೆಂ ಬುಕಾರುಪಾರ್ ಪರ್ಗಟ್ ಜಾಲ್ಲೆಂ ಸಾಹಿತ್ಯ್. ಪಾಶಾರ್ ಜಾಲ್ಲ್ಯಾ ವರ್ಸಾಂನಿ ಜಾಯ್ತ್ಯಾ ಕೊಂಕ್ಣಿ ಆಲ್ಬಮಾಂ ಖಾತಿರ್ ತಾಣೆ ಪದಾಂ ಬರಯ್ಲ್ಯಾಂತ್. ತಾಚ್ಯಾ "ರುಪ್ಣಿಂ" ಬುಕಾಕ್ ಕರ್ನಾಟಕ ಕೊಂಕಣಿ ಸಾಹಿತ್ಯ ಆಕಾಡೆಮಿ ಥಾವ್ನ್ ಪುಸ್ತಕ್ ಪುರಸ್ಕಾರ್ ಫಾವೊ ಜಾಲಾ. ಇಂಗ್ಲೀಷ್ ತಶೆಂಚ್ ಕನ್ನಡಾಂತ್ ಜಾಯ್ತೆಂ ಸಾಹಿತ್ಯ್ ತಾಣೆಂ ಲಿಖ್ಲಾಂ. ಕವಿತಾ ಟ್ರಸ್ಟ್ ಹಾಚೊ ಟ್ರಸ್ಟಿ, ಕಾರ್ಯದರ್ಶಿ ಜಾವ್ನ್ ವಾವ್ರ್ ದೀವ್ನ್ ಪ್ರಸ್ತುತ್ ಹ್ಯಾ ಸಂಸ್ಥ್ಯಾಚೊ ಅಧ್ಯಕ್ಷ್ . ದಾಯ್ಜಿ ವರ್ಲ್ಡ್ ಮಾದ್ಯಮ್ ಸಂಸ್ಥ್ಯಾಚೊ ನಿರ್ದೇಶಕ್ ತಶೆಂ ಉಡುಪಿ ದಾಯ್ಜಿ ವರ್ಲ್ಡ್ ಘಟಕಾಚೊ ಮುಕೆಲಿ ತೊ ಜಾವ್ನಾಸಾ.

ಉರ್ಭೆವಂತಾಂಕ್ ಆನಿ ತರ್ನ್ಯಾ ತಾಲೆಂತಾಂಕ್ ಬರ್ಪೂರ್ ಪಾಟಿಂಬೊ ದಿಂವ್ಚ್ಯಾ ಕಿಶೂ ಬಾರ್ಕೂರ್ ಹಾಕಾ ಆಂಕ್ರಿ ಪಂಗಡ್ ಸ್ವಾಗತ್ ಕರ್ತಾ ಆನಿ ಮುಖ್ಲ್ಯಾ ತಾಚ್ಯಾ ಸಾಹಿತ್ಯ್ ಪಯ್ಣಾಕ್ ಸರ್ವ್ ಬೊರೆಂ ಮಾಗ್ತಾ.