Author
Roshan DSouza, Boliyeಮ್ಹಜಿ ಗೊರಿ,
ತುಜಿ ಕಾಳಿ!
ತಾಚಿ ಗೊಂವಾಂಳಿ
ಮ್ಹಜ್ಯಾಂತ್ ದೂದ್ ವ್ಹಾಳಾನಾ
ತುಜ್ಯಾಂತ್ ಉಭಿರ್ ಜಳ್ಕಾನಾ
ತಾಚ್ಯಾಂತ್ ಪೀಟ್ ಯೀ ಮ್ಹೊಳಾನಾ!
ಕಾತಿಚಾ ರಂಗಾಕ್
ಮೋಲ್ ಬಾಂದ್ಪ್ಯಾಂಕ್
ಮೆಳ್ಳಾಂ ದಿಸ್ತಾ ಚೂಕ್ ಶಿಕಾಪ್,
ಧವೆಂ ವರ್ತೆಂ
ಕಾಳೆಂ ಮ್ಹೆಳೆಂ
ಆಂಬೊರ್ ಗೊಂವಾಳೆಂ!
ಬದ್ಲುಂಕ್ ರಂಗ್,
ಘಶ್ಟಿ ಮ್ಹಣ್ ತೊಂಡಾಕ್ ಗೊಬೊರ್!
ಜಾಯ್ರಾತಾಂ ಹಜಾರ್
ಬದ್ಲುಂಕ್ ರಂಗ್ ದಿಶ್ಟಿಕ್
ಅಳ್ಸುಂಕ್ ಕಾಳ್ಜಾಂತ್ ಮೊಸೊರ್
ಕಿತ್ಯಾಕ್ ನೆಗಾರ್ ?
ಧವೆಂ ಲಾಂಕುಡ್
ಉಜ್ಯಾಂತ್ ಜಳೊನ್
ಗೊಬೊರ್ ಪಾಫುಡ್ನ್
ಜಾತಾ ಕಾಳೊ ಇಂಗ್ಳೊಚ್
ಗೊರಿ ಆಸ್ಲ್ಯಾರೀ ಕೂಡ್
ಖಾಲ್ತೊ ಜಾವುನ್
ಹಂಕಾರ್ ಪಾಫುಡ್ನ್
ಜಾ ಬೊಳೊ ವೆಗ್ಳೊಚ್
ಕಾಳೊ ರಂಗ್ ವಾಯ್ಟಾಕ್
ಸಮಾಸಮ್ ಕೊಣೆಂ ಕೆಲ್ಲೆಂ
ಮನ್ಶಾನಿಂಚ್ ಫಾಯ್ದ್ಯಾಕ್
ಅಶೆಂ ಮ್ಹಣ್ ಘಡ್ ಲ್ಲೆಂ
ರಂಗಾ ಖಾತಿರ್ ಹಾಂಗಾ
ಸಬಾರ್, ಜಗಡ್ನ್ ಮೆಲೆ
ಮಾತಿಯೆನ್ ಮಾತ್ರ್
ಸಕ್ಡಾಂಕ್ ಸಮಾಸಮ್ ಜಿರಯ್ಲೆಂ
ನಾಕಾ ತಫಾವತ್
ಕಾತಿಚ್ಯಾ ರಂಗಾಂತ್
ರಿಗಯ್ ಹೆಂ ಸತ್
ಮಾತ್ಯಾಚ್ಯಾ ಮೆಂದ್ವಾಂತ್
ಎಕಾಚ್ಚ್ ರಂಗಾಂತ್
ವಸ್ತುರಾಂಯ್ ಸೊಭಾನಾಂತ್
ಹಿ ಉತ್ತೀಮ್ ಮನ್ಶಾಜಾತ್
ಕಶಿ ತರ್ ಸೊಭಾತ್ ?
- ರೋಶನ್ ಡಿ’ಸೋಜಾ, ಬೊಳಿಯೆ
Sharmila Dsouza
Nice poetry. Congratulations. May your thoughts form many more poems. Keep writing. Best wishes
Reply
Sonal
Very nice Roshan, keep it up . So beautifully written
Reply
Felcy lobo
Superb
Reply