ಮೋಗ್

ವರ್ತ್ಯಾ ಆನಂದಾನ್ ಕಾಳಿಜ್ ಫುಲ್ಲಾಂ

ಮೊಗಾ ಸುಗಂಧ್ ಜಿಣ್ಯೆಂತ್ ಪಾಚಾರ್ಲಾ

ಸುಂದರ್ ಭೊಗ್ಣಾನ್ ಜಿವಿತ್ ಸಜ್ಲಾಂ

ಜಿಣ್ಯೆ ತಾರುಂ ಮೊಗಾನ್ ನೆಸ್ಲಾಂ.

ರಾಕುನ್ ರಾವ್ಲಲಿಂ ಹಜಾರೊಂ ವೊರಾಂ ಆಯ್ಚ್ಯಾನ್ ಸಂಪ್ಲಿಂ

ದಿಸಾ ರಾತಿಚಿಂ ಜರ್ಜರಿತ್ ಭೊಗ್ಣಾಂ ಮೊಗಾಂತ್ ಜಿರ್ಲಿಂ.

ತುಜ್ಯಾ ಹಾಸ್ಕುರ್ಯಾ ವದನಾಚ್ಯಾ ಎಕಾಚ್ ಉತ್ರಾನ್

ನಿದೆಕ್ ಅಡ್ಕಳ್ಚಿಂ ಪಿಶಿಂ ಚಿಂತ್ನಾ ವಾರ್ಯಾರ್ ಉಬ್ಲಿಂ

ಏಕ್ ಜಾಲ್ಯಾಂವ್ ಆಜ್ ಮೊಗಾ ಮಿಲಾನಾಂತ್

ದೆವಾ ಸ್ರಷ್ಠೆಚ್ಯಾ ಸೊಭಿತ್ ಭೊವಾರಾಂತ್.

ನಾ ಆತಾಂ ಗಡ್ ಹ್ಯಾ ವರ್ತ್ಯಾ ಸಂತೊಸಾಕ್

ಮೆಳ್ಚಿ ನಾ ತಡ್ ಹ್ಯಾ ವಾಳ್ಚ್ಯಾ ಮೊಗಾಕ್

ವೆಂಗೆಂತ್ ಆರಾವ್ನ್,

ಗೊಪಾಂತ್ ಘೆವುನ್ ಸದಾಂ ಸಾಂಬಾಳ್ತಾಲೊಂ

ನಿಸ್ಕಳ್ ಮೊಗಾಕ್ ಋಣಿ ಜಾವ್ನ್

ಲಗ್ನಾ ಭೆಸಾಂತ್ ಎಕ್ವಟ್ತಲೊಂ.

ಆಲ್ತಾರಿ ಸಾಮ್ಕಾರ್ ದಿಂಬಿಂ ಘಾಲುನ್

ಬೊಟಾಕ್ ತುಜ್ಯಾ ಮುದಿ ಶಿವವ್ನ್

ಸಾಕ್ರಾಮೆಂತ್ ಸಾತ್ವೊ ವೆಂಗಿಂಚ್ಚ್ ಆಪ್ಣಾಯ್ತಲೊಂ.

ಸನ್ನು ನಿಡ್ಡೋಡಿ

**********

Mog

vortea anondan kalliz ful'lam

moga sugondh jinnyent pacharla

sundor bhognnan jivit sojlam

jinnye tarum mogan neslam.

Rakun raulolim hozarom voram aichean somplim

disa ratichim zorzorit bhognnam mogant jirlim.

Tujea haskurea vodonachea ekach utran

nidek oddkollchim pixim chintna varear ublim

ek zaleamv az moga milanant

deva sroxtthechea sobhit bhovarant.

Na atam godd hea vortea sontosak

mellchi na todd hea vallchea mogak

vengent araun,

gopant ghevun sodam samballtalom

niskoll mogak rinni zaun

logna bhesant ekvott'tolom.

Altari samkar dimbim ghalun

bottak tujea mudi xivoun

sakrament satvo venginchch apnnaitolom.