ಎಕ್ಸುರ್ ಪಣ್

ಎಕ್ಸುರ್ ಪಣ್ ಎಕ್ಸುರ್ ಪಣ್,

ಕಿತ್ಯಾ ಪಾಸೊನ್ ಹೆಂ ಎಕ್ಸುರ್ ಪಣ್,

ಹಾಚೆ ಥಾವ್ನ್ ಯೆತಾ ತೆಂ ನಿರಾಸ್ ಪಣ್,

ಆನಿಂ ನಾಸ್ ಕರ್ತಾ ಮನ್ಶಾಚೆಂ ಜಿವಿತ್ ಪಣ್.

ಮನಿಸ್ ವೆಂಗ್ತಾ ಮಾಧ್ಯಮಾಂಕ್

ಅಮಾಲ್ ಪಿಯೊವ್ಣ್ಯಾಕ್,

ಆರಾಯ್ತಾ ತೊ ಫಟ್ಕಿರ್ಯ್ಯಾ ಮೊಗಾಕ್,

ವೆಂಗ್ತಾ ತೊ ಲೈಂಗಿಕ್ ಖುಶಲ್ಕಾಯೆಕ್,

ಕಾರಣ್ ಕಿತೆಂ ಹ್ಯಾ ಸರ್ವಾಕ್?

ಮನ್ಶಾಕ್ ನಾಂ ವೇಳ್ ತಾಚ್ಯಾ ಪೆಲ್ಯಾ ಖಾತಿರ್,

ನಾಂ ವೇಳ್ ಭುರ್ಗ್ಯಾ ಪಾಸತ್,

ನಾಂ ವೇಳ್ ಪ್ರಾಯ್ವಂತಾ ಖಾತಿರ್,

ಸಕ್ಕಡ್ ಮೆತೆರ್ ಆಪ್ಲ್ಯಾಚ್ ಸಂಸಾರಾಂತ್.

ಸಕ್ಕಡ್ ಆಶೆತಾತ್ ವಡ್ಪಣಾ ಖಾತಿರ್,

ಧಾಂವ್ತಾತ್ ಪಯ್ಶಾಂ ಪಾಟ್ಲ್ಯಾನ್,

ಆಂವ್ಡೆತಾತ್ ಆಸ್ತಿ ಪಾಸೊನ್,

ಪೂಣ್ ನಾ ಮರ್ಯಾದ್ ಹೆಂ ಸರ್ವ್ ನಾತ್ಲಲ್ಯಾಕ್.

ವ್ಹಯ್ ದೆವಾ ತುವೆಂ ಮನ್ಶಾಕ್ ರಚ್ಲೆಂಯ್

ಎಕಾಮೆಕಾ ಪಾಸೊತ್,

ಪೂಣ್ ಆಜ್ ಮನಿಸ್ ಆಸಾ ದೆಂವ್ಚಾರಾ ಖಾತಿರ್,

ನ್ಹಂಯ್ ತೊ ತುಜೆಂ ಪಾಸೊನ್

ತುವೆಂ ರಚ್ಲಾಂ ಮನ್ಶ್ಯಾ ಪಾಸೊನ್,

ಕಿತ್ಯಾ ದೆವಾ ಹೆಂ ಎಕ್ಸುರ್ ಪಣ್?

ವಿನಿಶ ಫೆರ್ನಾಂಡಿಸ್, ಶಿರ್ವಾಂ.

**********

Eksur ponn

eksur ponn eksur ponn,

kitea pason hem eksur ponn,

hache thaun yeta tem niras ponn,

anim nas korta monxachem jivit ponn.

Monis vengta madhyomank

omal piounneak,

araita to fottkiryea mogak,

vengta to loingik khuxolkayek,

karonn kitem hea sorvak?

monxak nam vell tachea pelea khatir,

nam vell bhurgea pasot,

nam vell praivonta khatir,

sokkodd meter apleach somsarant.

Sokkodd axetat voddponna khatir,

dhamvtat poixam pattlean,

amvddetat asti pason,

punn na moread hem sorv natloleak.

Vhoi deva tuvem monxak rochlem-i

ekameka pasot,

punn az monis asa demvchara khatir,

nhoim to tujem pason

tuvem rochlam monxea pason,

kitea deva hem eksur ponn?

Vinisha Fernandes, Shirva