ಹಜಾರಾಂಚೊ ವಿಳಾಪ್

ಉಟ್ಲೆಂ ವಾದಾಳ್ ಚಿಂತಿನಾಸ್ತಾಂ

ಆಯ್ಲೆಂ ಆನ್ವಾರ್ ಕಿತೆಂಚ್ ಲೆಕಿನಾಸ್ತಾಂ

ಶೆವ್ಟಾಲ್ಯಾಂವ್ ಆಜ್ ಪಾತಾಳಿಂ

ಕಾಲ್ ಉಪ್ಕಾರ್ ಕೆಲ್ಲ್ಯಾಕ್ ಆಜ್

ಪಾಟಿಂ ಒಳ್ಕಾನಾಸ್ತಾಂ!

ಪದ್ವಿ ವ್ಹಡ್ ಸ್ವೀಕರ್ಸುನ್

ಆಪ್ಣಾಕ್‍ಚ್ಚ್ ವರ್ತೆಂ ಮೋಲ್ ಬಾಂಧುನ್

ಹಂಕಾರಾನ್ ಉಡ್ಕಾಣಾ ಘಾಲ್ಚ್ಯಾ ಆಮ್ಕಾಂ

ಕಸಲೆಂ ದೌರ್ಭಾಗ್ಯ್‍ಪಣ್!

ಹಿಶಾರೊ ನಾಸ್ತಾಂ ಆಯ್ಲೆಂ ಮರಣ್!

ಜಿಕ್ಲೊ ಸಂಸಾರ್ ಆಮಿ ಪಯ್ಶ್ಯಾಂಚೊ

ಆಯ್ವಜ್ ವ್ಹಡ್ ತರೀ ಸಂಕೊ ಬೊಟಾನಿ ಮೆಜ್ಚೊ

ಚಿಂತ್ಲೆ ನಾ ಜಲ್ಮಾವೆಳಿಂ

ದೆಂವ್ಚಾರ್ ಒಂಪಿತ್ ಮ್ಹಣ್

ಮಧೆಗಾತ್ ನೆರಾಚೆಂ ಭಿಂ.

ಖೊಟ್ಯಾ ಸಂಗಿಂ ಬೊರೆ ಭರ್ಸಲ್ಯಾಂವ್

ಲಾನಾನಿಂ ನೆಗಾರ್ಲೆಂ ತರ್

ವ್ಹಡಾಂಕ್ ಮಾನ್ವಲ್ಯಾಂವ್

ಮಾಲಿ ಆಯ್ಲೊ ಕಳಿತ್ ನಾಸ್ತಾಂ

ರಾಜ್ ಪದ್ವೆಕ್ ಆಮ್ಚ್ಯಾ ಘಾಲುಂಕ್ ಅಂತ್ಯ್

ಹಂಕಾರಾನ್ ಆಸ್ಲೆಲ್ಯಾಂಕ್ ಖೊಟ್ಯಾ

ಸಂಗಿಂ ದಿಲೊ ಸುಖಾಂತ್ಯ್!

ಸನ್ನು ನಿಡ್ಡೋಡಿ

**********

Hozarancho villap

uttlem vadall chintinastam

ailem anvar kitench lekinastam

xeuttaleamv az patallim

kal upkar kel'leak az

pattim ollkanastam!

podvi vhodd svikorsun

apnnak‍chch vortem mol bandhun

honkaran uddkanna ghalchea amkam

kosolem dourbhagy‍ponn!

hixaro nastam ailem moronn!

jiklo somsar ami poixeancho

aivoz vhodd tori sonko bottani mejcho

chintle na zolmavellim

demvchar ompit mhonn

modhegat nerachem bhim.

Khottea songim bore bhorsoleamv

lananim negarlem tor

vhoddank manvoleamv

mali ailo kollit nastam

raz podvek amchea ghalunk onty

honkaran asleleank khottea

songim dilo sukhanty!

Sannu Niddodi