Author
Sannu Niddodiಮೊಗಾ ಬಾಂಧಾಂತ್
ಪ್ರಕ್ರತೆಚ್ಯಾ ಸುಂದರ್ ಬಂದ್ರಾರ್
ಮೊಗಾಚ್ಯಾ ಸೊಭಿತ್ ತಾರ್ವಾರ್
ಬಾಂದ್ಲಾಂ ಆಮಿಂ ಜಿಣ್ಯೆ ರಾವ್ಳೆರ್
ಬಾಂಧ್ ಹೊ ತುಟಾನಾತ್‍ಲ್ಲೊ
ಕಾಳ್ಜಾ ಉಜೊ ಪಾಲ್ವನಾತ್‍ಲೊ
ಎಕಾಮೆಕಾ ವೆಂಗುನ್ ರಾವ್‍ಲ್ಲೊ
ಆಮಿಂ ದೊಗಾಂ ಹ್ಯಾ ಸಂಸಾರಿಂ
ಫುಡಾರಾಚಿಂ ಸ್ವಪ್ಣಾಂ ಆಮ್ಚೆ ಭಂವಾರಿಂ
ಹಾತಾಕ್ ಹಾತ್ ದೀವ್ನ್ ಪಯ್ಣ್ ಮೊರಾಸರಿ
ಸುವಾದಿಕ್ ಸಾಂಗಾತ್ ಪರ್ಮಳ್ ದಿಂವ್ಚೊ
ಭುಲ್ಲಾ ತೊ ಸುರ್ಯೊ ಪ್ರಕಾಸ್ ಫಾಂಕ್ಚೊ
ವೇಳ್ ಹೊ ಮನಾಂ ಹಾಸವ್ನ್ ಖೆಳ್ಚೊ
ಧರ್ತಿ ಜರ್ ವೆಂಗುನ್ ರಾವ್ಲಿ ಕಾಳ್ಕ್ಯಾ ಅಂಧ್ಕಾರಾಕ್
ಕೂಡ್ ಹಿ ಪಾವ್ಲಿ ತರೀ ಪವಿತ್ರ್ ತಂಬಾಕ್
ಮೋಗ್ ಹೊ ಅಂತರ್ಚೊ ನಾಂ ಬಾಳಾ ಸಾಸ್ಣಾಚ್ಯಾ ಸಾಸ್ಣಾಕ್.
ಸನ್ನು ನಿಡ್ಡೋಡಿ
**********
Moga bandhant
prokrotechea sundor bondrar
mogachea sobhit tarvar
bandlam amim jinnye rauller
bandh ho tuttanatl'lo
kallza uzo palvonatlo
ekameka vengun ravol'lo
amim dogam hea somsarim
fuddarachim svopnnam amche bhomvarim
hatak hat diun poinn morasori
suvadik sangat pormoll dimvcho
bhul'la to sureo prokas fankcho
vell ho monam hasoun khellcho
dhorti zor vengun rauli kallkea ondhkarak
kudd hi pauli tori povitr tombak
mog ho ontorcho nam balla sasnnachea sasnnak.
Sannu Niddodi
Leave a comment