ನೊಟಾಂಚೊ ಮಾಟ್!

ಪುಂಜಾಯ್ಲೆಂ! ಪುಂಜಾಯ್ಲೆಂ! ಪುಂಜಾಯ್ಲೆಂ!

ಸಬಾರ್ ವರ್ಸಾಂ ಖರ್ಶೆವ್ನ್

ಆಪ್ಲೆಂ ಸಗ್ಳೆಂ ಬಳ್ ಆರಾವ್ನ್

ನಶ್ವರ್ ದಿರ್ವೆಂ ಪುಂಜಾಯ್ಲೆಂ

ಮನ್ಶ್ಯಾಕ್ ಲಾಗ್‍ಲ್ಲೆಂ ಪಯ್ಶ್ಯಾ ಪಿಶೆಂ

ಸರ್ಕಾರಾನ್ ಖಿಣಾನ್ ಸುಟಯ್ಲೆಂ!

ಥೊಡ್ಯಾನಿ೦ ಪುಂಜಾಯ್ಲೆಂ

ಜಾಂವ್ಚ್ಯಾಕ್ ಗಿರೆಸ್ತ್

ಲೆಕಾ ಭಾಯ್ರ್ ಪುಂಜಾವ್ನ್

ಜಾಯ್ತೆ ಜಾಲೆ ಪಿಡೆಸ್ತ್

ಕೊರೊಡಾಂಚ್ಯಾ ಖೆಟಿಂತ್

ಆಜ್ ಹಜಾರಾಂಚೊ ನೋಟ್ ಮಾತ್ರ್ ಅನಾಥ್!

ವೋಟ್ ಜೊಡ್ಲೆಲ್ಯಾನಿಂ ಕೆಲೊ

ನೊಟಾಂಚೊ ಮಾಟ್

ದುಬ್ಳ್ಯಾ ದಾಕ್ಟ್ಯಾ ಪೆಂಕ್ಟಾಕ್

ಹರ್ಶೆಂಚಿ ಸಳ್ಗೆ ಖೊಟ್

ಪಯ್ಶ್ಯಾ ಕಾಟಾ ವಯ್ರ್

ಪಿಶ್ಯಾಂಚೊ ಡೊಂಬರಾಟ್.!

ಪುಂಜಾಯ್ಲೆಂ! ಪುಂಜಾಯ್ಲೆಂ! ಪುಂಜಾಯ್ಲೆಂ!

ಥೊಡ್ಯಾನಿಂ ಹಜಾರಾನಿಂ

ಜಾಯ್ತ್ಯಾನಿಂ ಲಾಖಾನಿಂ

ಆಕ್ರೇಕ್ ಫಾಯ್ದೊ ಜೊಡ್ಲೊ

ಸರ್ಕಾರಾನ್ ಕೊರೊಡಾನಿಂ!

ಜೊವಿ, ಪೆರಂಪಳ್ಳಿ

***********

Nottancho matt!

punzailem! punzailem! punzailem!

sobar vorsam khorxeun

aplem sogllem boll araun

noxvor dirvem punzailem

monxeak lag‍l'lem poixea pixem

sorkaran khinnan suttoilem!

thoddeani0 punzailem

zamvcheak girest

leka bhair punzaun

zaite zale piddest

koroddanchea khettint

az hozarancho nott matr onath!

vott zoddleleanim kelo

nottancho matt

dubllea dakttea penkttak

horxenchi sollge khott

poixea katta voir

pixeancho ddomboratt!

punzailem! punzailem! punzailem!

thoddeanim hozaranim

zaiteanim lakhanim

akrek faido zoddlo

sorkaran koroddanim!

Jovi Perampalli