Author
Suresh Saldanha, Sakleshpurಮೊಗಾ
ನಿಳ್ಯಾ ಗಗನಾರ್
ದಾಂವ್ಚ್ಯಾ ಕುಪಾಂನಿ
ಲಿಪ್ಚ್ಯಾ ಚಂದ್ರೆಮಾಪರಿಂ
ಮೊಗಾರ್ ಆಮಿ ಆಸ್ತಾನಾ,
ಆಸ್ ಲ್ಲ್ಯಾಂವ್ ಆಮಿ
ಕಾಜುಚ್ಯಾ ಬಿಯೆಪರಿಂ
ಎಕಾಮೆಕಾಕ್ ಲಾಗುನ್
ಅಂಬ್ಯಾಂತ್ಲ್ಯಾ ಪಾರಿಪರಿಂ
ಎಕಾಮೆಕಾಕ್ ವೆಂಗುನ್
ಪೊಣ್ಸಾಚ್ಯಾ ಪಾಂಕಾಬರಿ
ಎಕಾಮೆಕಾಕ್ ಘಡ್ಸುನ್.
ತುಜ್ಯಾ ವೆಗ್ಳಾಚಾರಾನ್ ಮೊಗಾ
ಜಾಲಾಂ ಹಾಂವ್
ಪಾಕಾಟೆ ನಾತ್ ಲ್ಲ್ಯಾ ಸುಕ್ಣ್ಯಾಪರಿಂ
ಮೊಂವ್ ನಾತ್ ಲ್ಲ್ಯಾ ಪೆಲೆಪರಿಂ
ಘಡಾಯ್ ನಾತ್ ಲ್ಲ್ಯಾ ಕೆಂಳ್ಬ್ಯಾಪರಿಂ
ಗೊಡ್ಸಾಣ್ ನಾತ್ ಲ್ಲ್ಯಾ ಕಾಜುರಾಪರಿಂ
ಸದಾಂನೀತ್ ಯಾದ್ ತುಜಿ ಧೊಸ್ತಾ,
ಆದ್ಲೆಂ ಚಿಂತಾನಾ ಕಾಳಿಜ್ ಲಾಸ್ತಾ
ತುಜೆಂ ವಿಣೆಂ ಜಿವಿತ್ ನಾಕಾ ಮ್ಹಣ್ ದಿಸ್ತಾ
ರಾಕೊನ್ ಆಸಾಂ ಮೆಳ್ತಲೆಂಯ್ ಮ್ಹಣ್
ಹ್ಯಾ ನತಾಲಾಂ ಫೆಸ್ತಾಕ್
ಸುರೇಶ್ ಸಲ್ಡಾನ್, ಸಕಲೇಶ್ಪುರ್
**********
Moga
nillea gogonar
damvchea kupamni
lipchea chondremaporim
mogar ami astana,
as l'leamv ami
kazuchea bieporim
ekamekak lagun
ombeantlea pariporim
ekamekak vengun
ponnsachea pankabori
ekamekak ghoddsun.
Tujea vegllacharan moga
zalam hamv
pakatte nat l'lea suknneaporim
momv nat l'lea peleporim
ghoddai nat l'lea kemllbeaporim
goddsann nat l'lea kazuraporim
sodamnit yad tuji dhosta,
adlem chintana kalliz lasta
tujem vinnem jivit naka mhonn dista
rakon asam melltolem-i mhonn
hea notalam festak
Suresh Saldanha, Sakleshpur
Leave a comment