Author
Elsu Hirganತುಂ ಯೆಂವ್ಚ್ಯಾ ವೆಳಾಕ್
ಚಂದ್ರೆಮ್ ಆಜ್ ವೆಗಿಂಚ್ ಉದೆಲಾ,
ನೆಕೆತ್ರಾನಿಂ ಪಣ್ತ್ಯೊ ಪೆಟಯ್ಲ್ಯಾತ್
ರುಕ್-ಝಡಾಂ ಶಾಂತ್ ವಾರ‍್ಯಾಕ್ ಧಲ್ತಾತ್,
ರಾತ್ ತರಿ ಸುಕ್ಣಿಂ ಗಾಂವ್ಚ್ಯಾಕ್ ಜಾಗಿಂ ರಾಕ್ತಾತ್.
ರುಕಾಂನಿ ಫುಲಾಂ ಸೊಭಿತ್ ಸಜ್ಲ್ಯಾಂತ್,
ತುಂ ಯೆಂವ್ಚ್ಯಾ ವಾಟೆರ್ ಚಡಿತ್ ಝಡ್ಲ್ಯಾಂತ್
ಫಾಲ್ಯಾಂಚಿಂ ಮೊಗ್ರಿಂ ಆಜ್‍ಚ್ ಫುಲ್ಲ್ಯಾಂತ್,
ಪರ್ಮಳಾ ಸವೆಂ ತುಂ ಯೆಂವ್ಚ್ಯಾ ವೆಳಾಕ್ ಆಯ್ತಿಂ ರಾವ್ಲ್ಯಾಂತ್.
ಭಾಂಗಾರ್ ಮ್ಹಜೆಂ ಯೆತಾ ಮ್ಹಣೊನ್,
ಪ್ರಕೃತಿ ಆಯ್ತಿ ಜಾಲ್ಯಾ ಮ್ಹಜೆ ಸಂಗಿಂ ಮೆಳೊನ್.
ಪಾವ್ಸಾಕ್ ಸಾಂಗ್ಲಾಂ ಹಾಂವೆ ನಾಕಾ ಮ್ಹಣೊನ್,
ಝಗ್ಲಾಣ್ಯಾನ್ ಕಾಡ್ಲ್ಯಾ ರಜಾ ಘಡ್ಗಡ್ಯಾ ಸಂಗಿ ಮೆಳೊನ್..
ಹ್ಯಾ ಪ್ರಶಾಂತ್ ರಾತಿಂ ತುಂ ಮಾಜ್ರಾ ಮೆಟಾನಿಂ ಯೆತಲೆಂಯ್,
ಕಿಚಿಲ್ಯೊ ಘಾಲ್ನ್ ಮ್ಹಾಕಾ ಚಿಡಾಯ್ತಲೆಂಯ್.
ಧರುಂಕ್ ಯೆತಾನಾ ಚಿಂಮ್ಟೆ ಕಾಡ್ನ್ ಧಾಂವ್ತಲೆಂಯ್,
ಪುರೊ ಜಾಲ್ಲೆಂಚ್ ಯೇವ್ನ್ ವೆಂಗೆಂತ್ ಮ್ಹಾಕಾ ಪೊಟ್ಲುನ್ ಧರ್ತಲೆಂಯ್.
ಎಲ್ಸು ಹಿರ್ಗಾನ್
*********************
Tum yemvchea vellak
chondrem' az veginch udela,
neketranim ponnteo pettoileat
ruk-zhoddam xant varoeak dholtat,
rat tori suknnim gamvcheak zagim raktat.
Rukamni fulam sobhit sojleant,
tum yemvchea vatter choddit zhoddleant
faleanchim mogrim azch ful'leant,
pormolla sovem tum yemvchea vellak aitim rauleant.
Bhangar mhojem yeta mhonnon,
prokriti aiti zalea mhoje songim mellon.
Pausak sanglam hamve naka mhonnon,
zhoglannean kaddlea roza ghoddgoddea songi mellon..
Hea proxant ratim tum majra mettanim yetolem-i,
kichileo ghaln mhaka chiddaitolem-i.
Dhorunk yetana chim'mtte kaddn dhamvtolem-i,
puro zal'lench yeun vengent mhaka pottlun dhortolem-i.
Elsu Hirgan
Leave a comment