ಯೇ ಮೊಗಾ

ಪಯ್ಶ್ಯಾಂನಿಂ ಕಿತೆಂಯ್ ಘೆಂವ್ಕ್ ಸಕ್ತಾಂವ್ ಆಮಿಂ ಮೋಗ್ ಕೆದಿಂಚ್ ಘೆಂವ್ಕ್ ಜಾಯ್ನಾ

ತಶೆಂಚ್ ಮರಣ್ ಅಮ್ಕಾಂ ಕೊಣಾಕ್ ಕೆದ್ನಾಂಯ್ ಸಾಂಗೊನ್ ಯೇನಾ

ಘಾಯ್ ಕೊಣಾಕ್ ಜಾತಾ ತಿ ದೂಕ್ ತಾಕಾಚ್ ಕಳ್ತಾ ದುಸ್ರ್ಯಾಂಕ್ ತೀ ಕಳ್ಚಿನಾ

ಜಿವಿತಾಂತ್ ಮ್ಹಜ್ಯಾ ಕೊಣಾಯ್ಕಿ ಹಾಂವ್ ಕೆದ್ನಾಂಯ್ ದುಕೊಂವ್ಚಿಂ ನಾಂ

ಯೇ ಮೊಗಾ ಯೇ ದಿಸಾನ್ ದೀಸ್ ಕಾಳಿಜ಼್ ಮ್ಹಜೆಂ ವೆತಾ ಬಾವೊನ್

ತುಂವೆ ಯೆಂವ್ಚಿ ವಾಟ್ ಪಳೆವ್ನ್ ದೊಳೆ ರಾವ್ಲ್ಯಾತ್ ತುಕಾ ರಾಕೊನ್

ಫಾಯ್ದೊ ನಾ ರಡೊನ್ ಕಿತ್ಯಾಕ್ ಹಾಂವೆಂ ಅಶೆಂ ಕೆಲೆಂ ಮ್ಹಣ್

ಖಂಡಿತ್ ಯೆತಲೊಯ್ ಮ್ಹಣ್ ತುಜಿ ವಾಟ್ ರಾಕ್ತಾಂ ಜಾಗೆಂ ರಾವೊನ್

ನೀಜ್ ಮೋಗ್ ಮ್ಹಜೊ ಕರ್ತಾಲೊ ತೊ ಪಳಯ್ಲೆಂ ಹಾವೆಂ ತಾಚ್ಯಾ ದೊಳ್ಯಾನಿಂ

ಮೋಗ್ ಕರ್ತಾಂ ಮ್ಹಣ್ ತೋ ಸಾಂಗ್ತಾಲೊ ಪುಣ್ ಘೆತ್ಲೆಂ ಹಾವೆಂ ಫೊಕಾಣಾನಿಂ

ಆಜ್ ತುಂ ಅಸ್ಲಲೊಯ್ ಜಾಲ್ಯಾರ್ ಮ್ಹಜೆಂ ಜಿವಿತ್ ಸೊಭಯ್ತೊ ಫುಲಾಂನಿಂ

ಉಗ್ಡಾಸ್ ತುಜೊ ಯೆತಚ್ ಮೊಗಾ ತುಂ ಯೆತಾಯ್ ಮ್ಹಜ್ಯಾ ಸ್ವಪ್ಣಾಂನಿಂ

ಆಜ್ ತುಜಿ ಮಾಕಾ ಜಾಪ್ ಮೆಳ್ಳ್ಯಾ ಪುಣ್ ಆಯ್ಕೊಂಕ್ ನಾಂ ಹಾಂವ್ ಹ್ಯಾ ಸಂಸಾರಾಂತ್

ಗರೀಬ್ ಮ್ಹಣ್ ತುವೆಂ ಮ್ಹಾಕಾ ದುಕಯ್ಲೆಂಯ್ ಪುಣ್ ಹಾವೆಂ ತುಕಾ ಕೆದ್ನಾಂಯ್ ದುಕಂವ್ಕ್ ನಾಂ

ತುಜ್ಯಾ ಪಾಂಯಾಂಕ್ ಪಡೊನ್ ಮೊಗಾಚಿ ಭಿಕ್ ಮಾಗ್ಲಿ ತೆಂ ತುಕಾ ದಿಸೊಂಕ್ ನಾಂ

ತುಂ ಮ್ಹಜೊ ಪಯ್ಲೊ ಮೋಗ್ ಪುಣ್ ತುಕಾ ವಾಯ್ಟ್ ಹಾಂವ್ ಮಾಗ್ಚೊ ನಾಂ

ಮ್ಹಾಕಾ ಲಾಗೊನ್ ರಡನಾಕಾ ಮ್ಹಜ್ಯಾ ಪಾಸೊತ್ ಜೀವ್ ದೀನಾಕಾ

ಚಿಂತುನ್ ದೆದೆಸ್ಪರ್ ಜಾಯ್ನಾಕಾ ತುಂ ಜಾವ್ನಾಸ್ಲೆಂಯ್ ಮ್ಹಜಿ ಖುಶಾಲ್ಗಾಯ್

ಸೊಧ್ಲ್ಯಾರ್ ಪಾಸೊನ್

ಮೆಳ್ಚೊಂನಾ ಆತಾಂ ಸೊಧುನ್ ಭೊವನಾಕಾ

ಸರ್ಗಾ ಥಾವ್ನ್ ಬೊರೆಂ ಮಾಗ್ತಲೊಂ ಮೊಗಾ ತುಂ ದುಖಿ ಜಾಯ್ನಾಕಾ

ಜೀವನ್ ಜಾನ್ಸನ್, ಕೊಪ್ಪ

**********

Ye moga

poixeamnim kitem-i gheunko soktamv amim mog kedinch gheunko zaina

toxench moronn omkam konnak kednam-i sangon yena

ghai konnak zata ti duk takach kollta dusreank ti kollchina

jivitant mhojea konnaiki hamv kednam-i dukomvchim nam

ye moga ye disan dis kallizo಼ mhojem veta bavon

tumve yemvchi vatt polleun dolle rauleat tuka rakon

faido na roddon kiteak hamvem oxem kelem mhonn

khonddit yetoloi mhonn tuji vatt raktam zagem ravon

niz mog mhozo kortalo to polloilem havem tachea dolleanim

mog kortam mhonn to sangtalo punn ghetlem havem fokannanim

az tum osloloi zalear mhojem jivit sobhoito fulamnim

ugddas tuzo yetoch moga tum yetai mhojea svopnnamnim

az tuji maka zap mell'llea punn aikonk nam hamv hea somsarant

gorib mhonn tuvem mhaka dukoilem-i punn havem tuka kednam-i dukounko nam

tujea pamyank poddon mogachi bhik magli tem tuka disonk nam

tum mhozo poilo mog punn tuka vaitt hamv magcho nam

mhaka lagon roddonaka mhojea pasot jivo dinaka

chintun dedespor zainaka tum zaunaslem-i mhoji khuxalgai

sodhlear pason

mellchomna atam sodhun bhounaka

sorga thaun borem magtolom moga tum dukhi zainaka

Jeevan Johnson, Koppa