ಆವಯ್

ಮಾಂಯ್ ಉಗ್ಡಾಸ್ ತುಜೊ ಧೊಸ್ತಾ

ತುಜ್ಯಾ ಮೊಗಾಕ್ ಹಾಂವ್ ಲಾಲೆತಾಂ

ತುಜ್ಯಾ ಯಾದಿನ್ ಹಾಂವ್ ಪರ್ಗಾವಾಂತ್ ಕರ್ಪತಾಂ

ತುಜೆ ಥಂಯ್ ಯೇವ್ನ್ ವೆಂಗುಂಕ್ ತುಕಾ ಆಶೆತಾಂ

ಮಾಕಾ ಜಲ್ಮ್ ದಿತಾನಾ ಸೊಸ್ಲಿ ದೂಕ್ ತುವೆಂ ಸಬಾರ್

ಹಾತಿಂ ಘೆತಾನಾ ಮ್ಹಾಕಾ ಹಾಸೊ ಹಾಡ್ಲೊಯ್ ತೊಂಡಾರ್

ತುಜ್ಯಾ ಮೊಗಾಕ್ ತಾಳ್ ಕರ್ಚೊ ಮೋಗ್ ದುಸ್ರೊ ನಾಂ

ತುಜಿ ಸಾರ್ಕಿ ಆವಯ್ ಹ್ಯಾ ಸಂಸಾರಾಂತ್ ಮ್ಹಾಕಾ ದುಸ್ರಿ ಮೆಳ್ಚಿನಾಂ

ನೆಣ್ತ್ಯಾ ಮತಿಂತ್ ತುಜ್ಯಾ ಉತ್ರಾಂಕ್ ಗಣ್ಣೆ ಕರುಂಕ್ ನಾಂ

ಜಾಣ್ತೊ ಜಾತಾನಾ ಹಾಂವ್ ತುಜ್ಯಾ ಸಂಗಿ ರಾವೊಂಕ್ ಸಕ್ಲೊನಾಂ

ತುಜ್ಯಾ ದೊಳ್ಯಾನಿಂ ಭರ್‌ಲ್ಲಿಂ ದುಖಾಂ ಹಾಂವ್ ಆಜೂನ್ ವಿಸ್ರೊಂಕ್ ನಾಂ

ತುಜ್ಯಾ ವಿಣೆಂ ಹ್ಯಾ ಸಂಸಾರಾಂತ್ ಹಾಂವ್ ಎಕ್ಸುರೊಂ ಜಿಯೆಂವ್ಕ್ ಸಕ್ಚೊನಾಂ

ಜೀವನ್ ಜಾನ್ಸನ್ ಕೊಪ್ಪ

**********

auy

mam-i ugddas tuzo dhosta

tujea mogak hamv laletam

tujea yadin hamv porgavant korpotam

tuje thoim yeun vengunk tuka axetam

maka zolm' ditana sosli duk tuvem sobar

hatim ghetana mhaka haso haddloi tonddar

tujea mogak tall korcho mog dusro nam

tuji sarki auy hea somsarant mhaka dusri mellchinam

nenntea motint tujea utrank gonn'nne korunk nam

zannto zatana hamv tujea songi ravonk soklonam

tujea dolleanim bhor‌l'lim dukham hamv azun visronk nam

tujea vinnem hea somsarant hamv eksurom jieunko sokchonam

Jeevan Johnson, Koppa