ಜೀವ್ಘಾತ್

ಏ ಮನ್ಶಾ ರಚ್ಲೆಂ ದೆವಾನ್ ತುಕಾ ವರ್ತ್ಯಾ ಮೊಗಾನ್

ಆನಿಂ ಭರ್ಲೊ ತುಕಾ ತಾಚ್ಯಾ ಶೆಗುಣಾನ್

ಕಿತ್ಯಾಕ್ ತುಜೊ ಮೊಲಾಧಿಕ್ ಜೀವ್ ಹೊಗ್ಡಾಯ್ತಾಯ್

ತುವೆಂ ಮೋಗ್ ಕೆಲ್ಲೊ ಮನಿಸ್ ತುಕಾ ಮೆಳೊಂಕ್ ನಾಂ ಮ್ಹಣ್

ಪಾಂಯಾಂಕ್ ಘಾಲ್ಚೆ ಮೊಚೆ ಘೆತಾನಾ ಶೆಂಭರ್ ಪಾವ್ಟಿಂ ಚಿಂತಾಯ್

ಮೊಬೈಲಾಕ್ ತುಜ್ಯಾ ಲ್ಹಾನ್ ಭುರ್ಗ್ಯಾ ಪರಿಂ ಜತನ್ ಘೆತಾಯ್

ಮಹಿನ್ಯಾನಿಂ ಜರ್ಚೆ ಮೊಚೆ ಆನಿ ಮಹಿನ್ಯಾನಿಂ ಹೊಗ್ಡಾಂವ್ಚ್ಯಾ ಮೊಬೈಲಾಕ್ ದಿಂವ್ಚೊ ಮಾನ್

ಅಪ್ಲ್ಯಾ ಜಿವಾಕ್ ಕಿತ್ಯಾಕ್ ತುಂ ದೀನಾಂಯ್

ತುವೆಂ ಹೊಗ್ಡಯಿಲ್ಲ್ಯಾ ಮೊಗಾ ಖಾತಿರ್ ಜೀವ್ಘಾತ್ ಕೆಲ್ಯಾರ್

ತ್ಯಾ ಮೊಗಾಕ್ ಕಿತೆಂಚ್ ಫರಕ್ ಪಡಾನಾ

ತುಕಾ ಜಲ್ಮ್ ದಿಲ್ಲ್ಯಾ ತ್ಯಾ ಆವಯ್ಚೆ ದೂಖ್

ತುಜ್ಯಾ ಥಾವ್ನ್ ಥಾಂಬೊಂಕ್ ಜಾಂವ್ಚೆಂ ನಾಂ

ಧರ್ವಡ್ನಾಕಾ ಏ ಮನ್ಶಾ ಕಸ್ಲೊಯ್ ನಿರ್ಧಾರ್ ಘೆತಾನಾ

ಥಂಡ್ ಮತಿಂತ್ ಬಸೊನ್ ಚೀಂತ್ ತುವೆಂ ಘೆತ್‌ಲ್ಲೊ ನಿರ್ಧಾರ್ ಸಾರ್ಕೊ ವಾ ನಾಂ

ಜರ್ ತರ್ ತುಕಾ ಸಮ್ಜವ್ನಾಂ ತರ್ ತುಜ್ಯಾ ವ್ಹಡಿಲಾಂ ಕಡೆ ವಿಚಾರ್ ಕರ್

ಮ್ಹಜಿ ಗಜಾಲ್ ಆಶಿ ಆಸಾ ಮ್ಹಾಕಾ ಕಿತೆಂ ಕರಿಜೆ ಮ್ಹಣ್ ಸಮ್ಜಾನಾಂ.

ಜೀವನ್ ಜಾನ್ಸನ್ ಕೊಪ್ಪ

**********

Jiughat

e monxa rochlem devan tuka vortea mogan

anim bhorlo tuka tachea xegunnan

kiteak tuzo moladhik jivo hogddaitai

tuvem mog kel'lo monis tuka mellonk nam mhonn

pamyank ghalche moche ghetana xembhor pauttim chintai

moboilak tujea lhan bhurgea porim zoton ghetai

mohineanim zorche moche ani mohineanim hogddamvchea moboilak dimvcho man

oplea jivak kiteak tum dinam-i

tuvem hogddoyil'lea moga khatir jiughat kelear

tea mogak kitench forok poddana

tuka zolm' dil'lea tea auyche dukh

tujea thaun thambonk zamvchem nam

dhorvoddnaka e monxa kosloi nirdhar ghetana

thondd motint boson chint tuvem ghet‌l'lo nirdhar sarko va nam

zor tor tuka somzounam tor tujea vhoddilam kodde vichar kor

mhoji gozal axi asa mhaka kitem korije mhonn somzanam.

Jeevan Johnson, Koppa