ವ್ಹಡ್ಲೆಂ ಫೆಸ್ತ್

ಆದಿಂ ಮ್ಹಾಕಾ ವ್ಹಡ್ಲೆಂ ಫೆಸ್ತ್

ಮ್ಹಣ್ತಾನಾ ಭೋವ್ ಸಂತೊಸ್

ರಾಕುನ್ ರಾವ್ತಾಲಿಂ ಹ್ಯಾ ಫೆಸ್ತಾಚ್ಯಾ ಯೆಣ್ಯಾಕ್

ಜಮೊಂವ್ಕ್ ಮ್ಹಜಿ ಪಯ್ಶ್ಯಾ ಚಿರಿ!

ರಾಂದ್ತಾಲಿ ಮಾಮ್ಮಿ ರುಚಿಕ್ ರಾಂದಾಪ್

ಕುಂಕಾಡ್, ದುಕೊರ್ ಆನಿಂ ಬೀಫ್

ಸಾಂಗಾತಾ ಪೊಳೆ-ಪಾನ್ಪಳೆ

ಬರಾಬರ್ ವಾಯ್ನ್ ಆನಿಂ ಸೊರೊ.

ನವೆಂ ನೆಸಾಣ್ ನೆಸೊನ್

ಮೆಟಾಂ ವೆಗ್ಗಿಂ ವೆಗ್ಗಿಂ ಕಾಡುನ್

ವೆತಾಲ್ಯಾಂವ್ ಬೆಸ್ಪಾಕ್

ಕರುಂಕ್ ಆರಾಧನ್

ಯೆತಾಲಿ ಸಾಂತ್

ಭ್ಹುಲೊಂವ್ಕ್ ನೆಣ್ತ್ಯಾ ಆಮ್ಕಾಂ

ಖಾವ್ನ್ ಇಲ್ಲೆಂ ಐಸ್‍ಕ್ರೀಮ್

ಪಿಸ್ವತಾಲಿಂ ಆಮ್ಚಿಂ ಮನಾಂ

ಹೆಣೆಂ ಘರಾ ಆಬ್-ವೊಡ್ಲಿ ಮಾಂಯ್

ದಿತಾಲಿಂ ಫೆಸ್ತಾಕ್ ಖರ್ಚುಂಕ್ ಪಯ್ಶೆ

ವ್ಹಯ್ ದೀಸ್ ತೆ ಸಂತೊಸಾಚೆ

ದೀಸ್ ತೆ ಖುಶಾಲಾಯೆಚೆ

ಆತಾಂ ಪಳಂವ್ಕ್ ಮೆಳಾನಾ ತೊ ಸಂತೊಸ್

ನಾಂ ತೊ ವ್ಹಡ್ ಸಂಭ್ರಮ್

ನಾಂ ತಿ ಖರಿ ಭಕ್ತ್

ನಾಂವಾ ತೆಕಿದ್ ಆತಾಂ ಫೆಸ್ತ್!

ಜೊವಿ, ಪೆರಂಪಳ್ಳಿ

**********

Vhoddlem fest

adim mhaka vhoddlem fest

mhonntana bhovo sontos

rakun rautalim hea festachea yenneak

zomounko mhoji poixea chiri!

randtali mam'mi ruchik randap

kunkadd, dukor anim bif

sangata polle-panpolle

borabor vain anim soro.

Novem nesann neson

mettam veggim veggim kaddun

vetaleamv bespak

korunk aradhon

yetali sant

bhhulounko nenntea amkam

khaun il'lem ois‍krim'

pisvotalim amchim monam

hennem ghora ab-voddli mam-i

ditalim festak khorchunk poixe

vhoi dis te sontosache

dis te khuxalayeche

atam pollounko mellana to sontos

nam to vhodd sombhrom'

nam ti khori bhokt

namva tekid atam fest!

Jovi Perampalli