Author
Suresh Saldanha, Sakleshpurತರ್ನಾಟ್ಪಣ್
ತರ್ನಾಟ್ಪನಾಚ್ಯಾ ಹುಂಬ್ರಾರ್ ಆಮಿ ಚಲ್ತನಾ,
ನೋವ್ ಮಹಿನೆ ಗರ್ಭಾಂತ್ ವಾವೊನ್
ತಡ್ವೊಂಕ್ ಸಕಾನಾತ್ ಲ್ಲಿ ದೂಕ್ ತಿ ಘೆವುನ್
ಪಡ್ತಾನಾ ಧರುನ್, ನೀದ್ ಖಳೊನ್, ಉಪಾಶಿ ರಾವುನ್
ಉಲಂವ್ಕ್, ಚಲುಂಕ್ ಶಿಕಾಯ್ತಾತ್ ಆಮ್ಚೆ ಹಾತ್ ಧರುನ್
ಪ್ರಾಯ್ ಆಮ್ಕಾಂ ಭರ್ತಾನಾ, ಮುಕ್ಲೆಂ ಕಿತೆಂಚ್ ದಿಸಾನಾ
ವ್ಹಡಿಲಾಂನಿ ಕಿತೆಂಯ್ ಸಾಂಗ್ತಾನಾ, ಮತಿಕ್ ಆಮ್ಚ್ಯಾ ನಾಟ್ವಾನಾ
ಈಶ್ಟ್- ಮಂತ್ರ್ ಮ್ಹಣುನ್ ಆಮಿ ಮಜ಼ಾ ಮಾರ್ತಾನಾ
ಕಳಿತ್ ನಾ ಆಮ್ಕಾಂ ರಾತ್ ಭರ್ ತಿ ಆಮ್ಚಿ ವಾಟ್ ಮೆಜ್ತಾನಾ
ತರ್ನಾಟ್ಪನಾಚ್ಯಾ ಹುಂಬ್ರಾರ್ ಆಮಿ ಚಲ್ತನಾ
ಹುನ್ ಹುನ್ ರಗತ್ ಆಮ್ಚ್ಯಾ ಶಿರಾಂ ಶಿರಾಂನಿ ವಾಳ್ತಾನಾ
ಉಡಾಸ್ ಆಮಿ ಕರ್ನಾಂವ್ ಆಮ್ಚ್ಯಾ ವ್ಹಡಿಲಾಂಚೊ
ಆಮ್ಚ್ಯಾ ಪಾಸತ್ ಜಿವಿತ್ ಭರ್ ಸಾಕ್ರಿಫಿಸ್ ಕರ್ತೆಲ್ಯಾಂಚೊ
ಸಕಾಳಿಂ ವೊಚೊನ್ ಯೆತಾ ಮ್ಹಣ್ ಗೆಲ್ಲೊ, ಸಾಂಜೆರ್ ಪಳೆತಾನಾ
ರಸ್ತ್ಯಾ ಅವ್ಗಾಡಾಕ್ ಮಾರ್ಗಾರ್ ಮರಣ್ ಪಾವ್ತಾನಾ
ಸಾಂಗಾ ಮ್ಹಾಕಾ ಕಶೆಂ ಜಾಯ್ತ್ ತಾಂಚ್ಯಾ ವ್ಹಡಿಲಾಂಕ್
ಕಿತ್ಲೆಂ ದೂಕ್ ಭೊಗಾತ್ ತಾಚ್ಯಾ ಕುಟ್ಮಾಚ್ಯಾಂಕ್
ಜಿವಿತ್ ಜಾವ್ನಾಸಾ ಉದ್ಕಾ ವಯ್ರ್ ಅಸ್ ಲ್ಲ್ಯಾ ಗುಳ್ಯಾ ಪರಿಂ
ಕೆದ್ನಾಂ ಕಿತೆಂ ಜಾತಾ ಆಮ್ಕಾಂ ಕೆದಿಂಚ್ ಕಳಿತ್ ನಾ
ತರ್ನಾಟ್ಪನಾಚ್ಯಾ ಹುಂಬ್ರಾಕ್ ಲಾಗೊನ್ ಜಿವಿತ್ ವಿಬಾಡ್ತಾನಾ
ಕಶೆಂ ಜಾಯ್ತ್ ವ್ಹಡಿಲಾಂಚೆಂ ಕಾಳಿಜ್ ಪೆಟೆಕ್ ಆಮ್ಚ್ಯಾ ಖಾಂದ್ ದಿತಾನಾ.
ಸುರೇಶ್ ಸಲ್ಡಾನ್, ಸಕಲೇಶ್ಪುರ್
**********
Tornattponn
tornattponachea humbrar ami choltona,
novo mohine gorbhant vavon
toddvonk sokanat l'li duk ti ghevun
poddtana dhorun, nid khollon, upaxi ravun
ulounko, cholunk xikaitat amche hat dhorun
prai amkam bhortana, muklem kitench disana
vhoddilamni kitem-i sangtana, motik amchea nattvana
ixtt- montr mhonnun ami mozo಼a martana
kollit na amkam rat bhor ti amchi vatt mejtana
tornattponachea humbrar ami choltona
hun hun rogot amchea xiram xiramni valltana
uddas ami kornamv amchea vhoddilancho
amchea pasot jivit bhor sakrifis korteleancho
sokallim vochon yeta mhonn gel'lo, sanjer polletana
rostea ovgaddak margar moronn pautana
sanga mhaka koxem zait tanchea vhoddilank
kitlem duk bhogat tachea kuttmacheank
jivit zaunasa udka voir os l'lea gullea porim
kednam kitem zata amkam kedinch kollit na
tornattponachea humbrak lagon jivit vibaddtana
koxem zait vhoddilanchem kalliz pettek amchea khand ditana.
Suresh Saldanha, Sakleshpur
Leave a comment