ಹರ್ಯೆಕಾ ದಿಸಾ ಹಾಂವ್ ತುಕಾ ದೆಖ್ತಾನಾ

ಕಾಳಿಜ್ ಮ್ಹಜೆಂ ಘಾಲ್ತಾ ಉಡ್ಕಾಣಾಂ

ತುಜಿ ಏಕ್ ನದರ್ ತೀ ಮ್ಹಜೆರ್ ಪಡ್ತಾನಾ

ತೊಂಡಾಂತ್ ಮ್ಹಜ್ಯಾ ಉತಾರ್ ಸುಟ್ಲೆಂ ನಾಂ

ಜಲ್ಮಾಥಾವ್ನ್ ಆಜ್ ಪರ್ಯಾಂತ್ ಅಶೆಂ ಜಾಲ್ಲೆಂ ನಾಂ

ಕೆದ್ನಾಂಯ್ ಮ್ಹಜ್ಯಾ ಜಿವಿತಾಂತ್ ಅಶೆಂ ಘಡ್ಲೆಂ ನಾಂ

ತುಕಾ ಚಿಂತುನ್ ಮೊಗಾ ಮ್ಹಾಕಾ ನೀದ್ ಪಡ್ಲಿ ನಾಂ

ತುಜೆ ಬಗರ್ ಮ್ಹಜೆಂ ಜಿವಿತ್ ಸುಫಳ್ ಜಾಂವ್ಚೆಂ ನಾಂ

ಆಯ್ತಾರಾಚ್ಯಾ ಮಿಸಾಂತ್ ಹಾಂವ್ ತುಕಾ ದೆಖ್ತಾನಾ

ಪಾದ್ರಿ ಕಿತೆಂ ಸಾಂಗ್ತಾ ಮ್ಹಜ್ಯಾ ಕಾನಾಂಕ್ ರಿಗ್ಲೆಂ ನಾಂ

ತುಜ್ಯಾಚ್ ಚಿಂತ್ನಾನಿಂ ಭರೊನ್ ಹಾಂವ್ ರಸ್ತ್ಯಾರ್ ಚಲ್ತಾನಾ

ಇಷ್ಟಾನ್ ಮ್ಹಾಕಾ ಉಲೊ ಕೆಲ್ಲೆಂ ಮ್ಹಜ್ಯಾ ಕಾನಾಂಕ್ ಪಡ್ಲೆಂ ನಾಂ

ಸ್ವಪ್ಣಾಂತ್ ಮ್ಹಾಕಾ ಧೊಸ್ತಾಯ್ ಕಿತ್ಯಾಕ್ ತುಂ ಮ್ಹಜಿ ಜಿಣಿ ಜಾವ್ನ್ ಯೇ

ಮರ್ತಾ ಪರ್ಯಾಂತ್ ತುಜೊ ಮೋಗ್ ಕರ್ತಾಂ ಮ್ಹಜಿ ರಾಣಿ ಜಾವ್ನ್ ಯೇ

ತುಜ್ಯಾ ಯೆಣ್ಯಾಕ್ ಕಾಳ್ಜಾಂತ್ ಭಾಂದ್ಲಾಂ ಹಾವೆಂ ಏಕ್ ರಾವ್ಳೆರ್

ಮ್ಹಜೆಂ ನಾಂವ್ ತುಕಾ ದೀಂವ್ಕ್ ಅಶೆತಾಂ ಮ್ಹಜಿ ಪತಿಣ್ ಜಾವ್ನ್ ಯೇ

ಜೀವನ್ ಜಾನ್ಸನ್ ಕೊಪ್ಪ

**********

laram

horyeka disa hamv tuka dekhtana

kalliz mhojem ghalta uddkannam

tuji ek nodor ti mhojer poddtana

tonddant mhojea utar suttlem nam

zolmathaun az poreant oxem zal'lem nam

kednam-i mhojea jivitant oxem ghoddlem nam

tuka chintun moga mhaka nid poddli nam

tuje bogor mhojem jivit sufoll zamvchem nam

aitarachea misant hamv tuka dekhtana

padri kitem sangta mhojea kanank riglem nam

tujeach chintnanim bhoron hamv rostear choltana

ixttan mhaka ulo kel'lem mhojea kanank poddlem nam

svopnnant mhaka dhostai kiteak tum mhoji jinni zaun ye

morta poreant tuzo mog kortam mhoji ranni zaun ye

tujea yenneak kallzant bhandlam havem ek rauller

mhojem namv tuka diunko oxetam mhoji potinn zaun ye

Jeevan Johnson, Koppa