Author
Suresh Saldanha, Sakleshpurಯೆ ಚೆಡ್ವಾ
ಯೆ ಚೆಡ್ವಾ,
ಸಂಸಾರ್ ಭುಲ್ಲಾಗೊ ಸೊಭಾಯೆಕ್ ತುಜ್ಯಾ
ಹಾಂವ್ ಭುಲ್ಲಾಂಗೊ ಗುಣಾಂಕ್ ತುಜ್ಯಾ
ಕಾನಾರ್ ಮೊತಿಯಾಂ, ಕಪಾಲಾರ್ ಸ್ಟಿಕ್ಕರ್
ಗೊಮ್ಟ್ಯಾರ್ ನೆಕ್ಲೆಸ್, ನಾ ಲಿಪ್ ಸ್ಟಿಕ್ ವೊಂಠಾರ್
ಮೂಗುತಿ ನಾಕಾರ್, ಗಾಲಾರ್ ಡಿಂಪಲ್,
ತೊಂಡಾರ್ ನಾ ಪೌಡಾರ್, ಎಕ್ದಮ್ ತುಂ ಸಿಂಪಲ್
ಹಾತಾಂತ್ ಕಾಂಕ್ಣಾಂ, ಮಾಜ್ರಾ ಸಾರ್ಕೆ ಸೊಭಿತ್ ದೊಳೆ
ಪಾಯಾಂತ್ ಪಾಯ್ಜಾಣಾಂ, ಲಾಂಬ್ ಕೆಸಾಂಕ್ ಸೊಭ್ತಾತ್ ಮೊಗ್ರ್ಯಾಕಳೆ
ಪಾಯಾಂಕ್ ಲಾನ್ ವಾಣೊ, ಬೊಟಾಂಕ್ ಭಾಂಗಾರಾ ಮುದಿ
ಹರ್ದ್ಯಾರ್ ತಾಂಬ್ಡಿ ಬಾಜು, ಆಂಗಾರ್ ರಸ್ಮಾ ಸಾಡಿ
ಮಾಣ್ಸುಗೆಚಿ ಚಾಲ್, ಅಪುರ್ಭಾಯೆಚೆಂ ಉಲೊವ್ಣೆಂ
ಸರ್ವಾಂಕ್ ಮೊಗಾಚೆಂ, ಜಾಲಾಂಯ್ ಮ್ಹಜ್ಯಾ ಕಾಳ್ಜಾಚೆಂ ಪಾಳ್ಣೆಂ
ಮೊಗಾಚಿ ದೇಖ್, ತೊಂಡಾರ್ ಸೊಭಿತ್ ಹಾಸೊ,
ಗುಣಾಂಕ್ ತುಜ್ಯಾ ಮೆಚ್ವೊನ್, ಜಾಲಾಂ ಹಾಂವ್ ತುಜೊ ಪಿಸೊ
ಹೆಂ ಪುರಾ ತುಜೆಥಂಯ್ ದೆಖ್ತಾನಾ, ಕಾಳ್ಜಾಂತ್ ಭರ್ತಾತ್ ಉಮಾಳೆ
ಯೆಗೊ ಲಾಗಿಂ ಯೆ ಮ್ಹಜ್ಯಾ, ಬಾಂದ್ತಲೊಂ ಪೆಂಕ್ಡಾಕ್ ತುಜ್ಯಾ ನೆವಾಳೆಂ
ನವ್ಯಾ ವರ್ಸಾಂತ್ ಹಾಡಯ್ತೊಲೊಂ ತುಕಾ ದುವಾಳೆ
ಮಾಗಿರ್ ಬಸೊನ್ ಖಾವ್ಯಾಂ ಆಮಿ ಮೊಗಾಚೆ ಅವಾಳೆ.
ಸುರೇಶ್ ಸಲ್ಡಾನ್, ಸಕಲೇಶ್ಪುರ್
**********
Ye cheddva
ye cheddva,
somsar bhul'lago sobhayek tujea
hamv bhul'lango gunnank tujea
kanar motiam, kopalar sttikkor
gomttear nekles, na lip sttik vontthar
muguti nakar, galar ddimpol,
tonddar na pouddar, ekdom' tum simpol
hatant kanknnam, majra sarke sobhit dolle
payant paizannam, lamb kesank sobhtat mogreakolle
payank lan vanno, bottank bhangara mudi
hordear tambddi bazu, angar rosma saddi
mannsugechi chal, opurbhayechem ulounnem
sorvank mogachem, zalam-i mhojea kallzachem pallnnem
mogachi dekh, tonddar sobhit haso,
gunnank tujea mechvon, zalam hamv tuzo piso
hem pura tujethoim dekhtana, kallzant bhortat umalle
yego lagim ye mhojea, bandtolom penkddak tujea nevallem
novea vorsant haddoitolom tuka duvalle
magir boson khaveam ami mogache ovalle.
Suresh Saldanha, Sakleshpur
Leave a comment