Author
Glamy Kallianpur
ಪೊಕ್ರಿ ತುಜ್ಯಾ ದೊಳ್ಯಾಂನಿ
ಸಪ್ಣಾಚೆಂ ರಾವ್ಳೆರ್ ಹಾಂವ್ ಬಾಂದ್ತಲಿಂ
ತುಜ್ಯಾ ಕಾಳ್ಜಾ ಮೈದಾನಾರ್
ತಣ್ ಜಾವ್ನ್ ಹಾಂವ್ ಕಿರ್ಲಾತಲಿಂ
ತುಜ್ಯಾ ಮೆಟಾಂಚ್ಯಾ ಆವಾಜಾಕ್
ಭಗ್ಣಾಂ ಧರ್ಣ್ ಭಿಂಯಾನ್ ಕಾಂಪ್ತೆಲಿ
ವೊಡ್ತಾ-ಝಾಡಾಂ ವಯ್ಲಿಂ ಫುಲಾಂ ಶಿಂಪುನ್
ವೆಂಗೆಂತ್ ತುಕಾ ಸ್ವಾಗತ್ ಕರ್ತೆಲಿಂ
ಮೊಗಾ ತುಜ್ಯಾ ತಾಳ್ಯಾಕ್
ಸುಕ್ಣಿಂ ಸಾವ್ಜಾಂ ಮೊಗಾರ್ ಪಡೊಂದಿತ್
ಮೊಳ್ಬಾ ವಯ್ಲಿಂ ತಾರಾಂ
ತುಜ್ಯಾ ಯೆಣ್ಯಾಕ್ ರಾಕೊನ್ ರಾವೊಂದಿತ್
ಮೊತಿಯಾಂ ಸಾರ್ಕ್ಯೊ ತುಜ್ಯೊ ಹಾಸೊ
ಮ್ಹಜ್ಯಾ ಜಿಣ್ಯೆ ಥಳಾರ್ ಶಿಂಪೊಂದಿ
ಜಾಲಾ ಮ್ಹಾಕಾ ಮೋಗ್ ತುಜೆರ್
ಸಂಸಾರ್ ಸರಾಸರ್ ತೊ ಬಾಳ್ವೊಂದಿ
ಗ್ಲ್ಯಾಮಿ, ಕಲ್ಯಾಣ್ಪುರ್
**********
Moga dhog
pokri tujea dolleamni
sopnnachem rauller hamv bandtolim
tujea kallza moidanar
tonn zaun hamv kirlatolim
tujea mettanchea avazak
bhognnam dhornn bhimyan kampteli
voddta-zhaddam voilim fulam ximpun
vengent tuka svagot kortelim
moga tujea talleak
suknnim sauzam mogar poddondit
mollba voilim taram
tujea yenneak rakon ravondit
motiam sarkeo tujeo haso
mhojea jinnye thollar ximpondi
zala mhaka mog tujer
somsar sorasor to ballvondi
Glyamy Kallianpur
Leave a comment