Author
Suresh Saldanha, Sakleshpurಸಾಂಗ್ ಮ್ಹಾಕಾ
ಸಾಂಜೆಚ್ಯಾ ವೆಳಾರ್ ಎಕ್ಸುರೊ
ಬಸುನ್ ಆಸ್ತಾನಾ
ವಾಟ್ಸುರ್ಯಾಬರಿ ಯೇವ್ನ್
ದಾರಾರ್ ರಾವ್ಲೆಂಯ್
ನಯನಾಂಕ್ ನಯನಾ ಭೆಟ್ತಾನಾ
ಮೊಬಾಯ್ಲ್ ಸಂಕೊ ದೀವ್ನ್
ದಾಂವಾತ್ ಗೆಲೆಂಯ್
ಅಂದ್ಕಾರಾಂತ್ ಬುಡ್ ಲ್ಲ್ಯಾ ಮ್ಹಾಕಾ
ದಿವ್ಟೊಣಿ ಜಾಂವ್ಕ್ ಪಾವ್ಲೆಂಯ್
ಮೋಗ್ ನೆಣಾರಿ ಜಾಲ್ಲ್ಯಾ ಮ್ಹಾಕಾ
ಮೊಗಾಚೆಂ ಲಿಸಾಂವ್ ಶಿಕಯ್ಲೆಂಯ್
ದೀಸ್ ರಾತ್ ತುಕಾ ರಾಕುನ್
ರಾವಾಶೆಂ ಕೆಲೆಂಯ್
ಹಾಸೊನ್ ಹಾಸೊನ್ ಕಾಳ್ಜಾಂತ್
ಮ್ಹಜ್ಯಾ ಜಾಗೊ ಘೆತ್ಲೊಯ್
ದೀಸ್ ವೆತಾ ವೆತಾಸ್ತಾನಾ
ಉಲೊಣೆಂ ತುಂವೆಂ ಉಣೆಂ ಕೆಲೆಂಯ್
ನಿಬಾ ವಯ್ರ್ ನಿಬಾಂ ದೀವ್ನ್
ಚುಕಾರಿ ಮಾರಿತ್ ಗೆಲೆಂಯ್
ಭಲಾಯ್ಕೆಚೆಂ ನೀಬ್ ದೀವ್ನ್
ವೆಗ್ಗಿಂ ನಿದೊಂಕ್ ಲಾಗ್ಲೆಂಯ್
ಹರ್ಯೆಕ್ ಘಡಿ ತುಕಾ ನಿಯಾಳುನ್
ರಡ್ಚ್ಯಾಪರಿಂ ಕೆಲೆಂಯ್
ಸಾಂಗ್ ಮ್ಹಾಕಾ ಸಾಂಗ್
ಆಜ್ ಪುಣೀ ಸಾಂಗ್ ಮೊಗಾ
ಕಸಲ್ಯಾ ಪಾತ್ಕಾಕ್ ಮ್ಹಾಕಾ
ಅಸಲಿ ಸಜಾ ದಿಲಿಯ್?
ಮೊಗಾಚೆಂ ಲಿಸಾಂವ್ ಶಿಕವ್ನ್
ಆತಾಂ ಖಂಯ್ಸರ್ ಲಿಪ್ಲಾಂಯ್?
ಖರೊ ಮೋಗ್ ಕೆಲ್ಲ್ಯಾಕ್ ಕಸಲೆಂ
ಇನಾಮ್ ತುಂವೆಂ ದಿಲೆಂಯ್.
ದೀಸ್ ಅನಿ ರಾತ್ ತುಕಾಚ್
ನಿಯಾಳುನ್ ಆಸಾಂ
ಹರ್ಯೆಕ್ ಮಿನುಟಾಂನಿ ಮೊಬಾಯ್ಲಾ
ವಯ್ರ್ ದೀಶ್ಟ್ ಗಾಲ್ನ್ ಆಸಾಂ
ಮನ್ ತುಜೆಂ ಬದ್ಲುನ್ ಫೊನ್
ಮ್ಹಾಕಾ ಕರ್ತಾಯ್ ಮ್ಹಣ್
ಆಶೆಚೆಂ ಕೀರ್ಣ್ ಕಾಳ್ಜಾಂತ್ ಮ್ಹಜ್ಯಾ
ಜಳವ್ನ್ ತುಕಾ ರಾಕತ್ ಆಸಾಂ!
ಸುರೇಶ್ ಸಲ್ಡಾನ್, ಸಕಲೇಶ್ಪುರ್
**********
Sang mhaka
sanjechea vellar eksuro
bosun astana
vattsureabori yeun
darar raulem-i
noinank noina bhett'tana
mobail sonko diun
damvat gelem-i
ondkarant budd l'lea mhaka
divttonni zaunko paulem-i
mog nennari zal'lea mhaka
mogachem lisamv xikoilem-i
dis rat tuka rakun
ravaxem kelem-i
hason hason kallzant
mhojea zago ghetloi
dis veta vetastana
ulonnem tumvem unnem kelem-i
niba voir nibam diun
chukari marit gelem-i
bholaikechem nib diun
veggim nidonk laglem-i
horyek ghoddi tuka niallun
roddcheaporim kelem-i
sang mhaka sang
az punni sang moga
kosolea patkak mhaka
osoli soza diliy?
mogachem lisamv xikoun
atam khoimsor liplam-i?
khoro mog kel'leak kosolem
inam' tumvem dilem-i.
Dis oni rat tukach
niallun asam
horyek minuttamni mobaila
voir dixtt galn asam
mon tujem bodlun fon
mhaka kortai mhonn
axechem kirnn kallzant mhojea
zolloun tuka rakot asam!
Suresh Saldanha, Sakleshpur
Leave a comment