Author
Suresh Saldanha, Sakleshpurದೆವಾಕ್ ರಾಗ್ ಆಯ್ಲಾ
ಮೊಡಾಂ ನಾಂತ್ ಪಾವ್ಸ್ ನಾ
ಪಾವ್ಸಿಲ್ಯಾ ದಿಸಾಂನಿ
ಸುಕಿ ಧಾಡ್ ಉದಾಕ್ ನಾ
ಆಮ್ಚ್ಯಾ ಶೆತಾಂನಿ
ಜೀವ್ಘಾತ್ ಕರಿತ್ ಆಸಾತ್ ರೈತ್
ಮತಿಚ್ಯಾ ವಿರಾರಾಯೆಂನಿ
ಆಯ್ಕಾತಾನಾ ಕಾಳಿಜ್ ಕೊಸ್ಳಾತಾ
ಹಿ ದುಃಖಾಚಿ ಕಾಣಿ
ಸ್ಮಾರ್ಟ್ ಸಿಟಿಕ್ ಲಾಗುನ್
ರುಕಾಂಕ್ ಕುರಾಡ್ ಪಡ್ತಾನಾ.
ಮೊಳ್ಬಾ ಮ್ಹಣಾಸರ್ ಉಂಚಾಯೆಚಿಂ
ಬಾಂದ್ಪಾ ತಿಂ ಉಬಿ ಜಾತಾನಾ
ಕೊರೊಡೊಂ ವಾಹನಾಂಚೊ ಧುಂವೊರ್
ಮಾರ್ಗಾರ್ ವೊಂಕ್ತಾನಾ
ವಿಕಾಳ್ ವಾರೆಂ ತೆಂ ಸೆವ್ನ್ ಲಾಖೊಂ
ಲೊಕಾಚಿ ಭಲಾಯ್ಕಿ ವಿಬಾಡ್ತಾನಾ.
ಆದಿಂ ಆಮಿ ಚಲೊನ್ ವೆತೆಲ್ಯಾಂವ್
ದಾ ಬಾರಾ ಮೈಲಾಂ
ಆತಾಂ ಮೆಟಾ ಮೆಟಾಂಕ್ ಆಸಾತ್
ಹಜಾರ್ ಬಸ್ಸಾಂ, ರೈಲಾಂ
ಆದಿಂ ಪುರಾಸಣ್ ಜಾತಾನಾ
ವೆಂಗ್ತೆಲ್ಯಾಂವ್ ರುಕಾಚ್ಯಾ ಸಾವ್ಳೆಕ್
ಆತಾಂ ವೆಂಗ್ತಾಂವ್ ಮೊಲಾದಿಕ್ ವಿದೇಶಿ ಚತ್ರ್ಯಾಂಕ್
ಆದಿಂ ಮಾಲ್ಗಡೆ ಲಾಯ್ತೆಲೆ ರೂಕ್ ಝಡಾಂ
ಮೊಗಾಚ್ಯಾಂಚ್ಯಾ ಉಗ್ಡಾಸಾಕ್
ಸದಾಂನೀತ್ ಉದಾಕ್ ವೊತುನ್
ಮಾಗ್ತೆಲೆ ತಾಂಚ್ಯಾ ಅತ್ಮ್ಯಾಕ್
ಆತಾಂ ಗಿರೆಸ್ತ್ಕಾಯ್ ದಾಕಂವ್ಕ್,
ಬಾಂದ್ತಾತ್ ವೊಡ್ ವೊಡ್ ಫೊಂಡ್
ವಿಸ್ರೊನ್ ಗೆಲ್ಯಾತ್ ದೆವಾಚೊ ಆನಿ ಪ್ರಥ್ವೆಚೊ ಭಾಂದ್
ದೆವಾಕ್ ರಾಗ್ ಆಯ್ಲಾ,
ಪ್ರಥ್ವೆಚೆರ್ ಆತ್ಯಾಚಾರ್ ಚಡ್ಲಾಂ
ಐಶಾರಾಮಾಕ್ ಲಾಗುನ್ ಮನಿಸ್
ಮನ್ಜಾತೆಕ್ ಸರಿ ಜಾಲಾ.
ದೆವಾನ್ ರಚ್ಲೆಲ್ಯಾ ಪ್ರಥ್ವೆಚೆರ್
ಟೆಕ್ನೋಲೊಜಿ ಮ್ಹಳ್ಳೊ ಭುತ್ ಗುಸ್ಲಾ
ರಾಗಾನ್ ದೆವಾನ್ ಧರ್ತೆರ್
ದುಕೊಳಾಚೊ ಶಿರಾಪ್ ವೊತ್ಲಾ.
ಸುರೇಶ್ ಸಲ್ಡಾನ್, ಸಕಲೇಶ್ಪುರ್
**********
Devak rag aila
moddam nant paus na
pausilea disamni
suki dhadd udak na
amchea xetamni
jiughat korit asat roit
motichea virarayemni
aikatana kalliz kosllata
hi duHkhachi kanni
smartt sittik lagun
rukank kuradd poddtana.
Mollba mhonnasor unchayechim
bandpa tim ubi zatana
koroddom vahonancho dhumvor
margar vonktana
vikall varem tem seun lakhom
lokachi bholaiki vibaddtana.
Adim ami cholon veteleamv
da bara moilam
atam metta mettank asat
hozar bossam, roilam
adim purasonn zatana
vengteleamv rukachea saullek
atam vengtamv moladik videxi chotreank
adim malgodde laitele ruk zhoddam
mogacheanchea ugddasak
sodamnit udak votun
magtele tanchea otmeak
atam girestkai dakounko,
bandtat vodd vodd fondd
visron geleat devacho ani prothvecho bhand
devak rag aila,
prothvecher ateachar choddlam
oixaramak lagun monis
monzatek sori zala.
Devan rochlelea prothvecher
tteknoloji mholl'llo bhut gusla
ragan devan dhorter
dukollacho xirap votla.
Suresh Saldanha, Sakleshpur
Leave a comment