Author
Suresh Saldanha, Sakleshpurಜಿಯೊಂ ಕಶೆಂ?
ದೆವಾನ್ ರಚ್ತಾನಾ ಹೊ ಸಂಸಾರ್
ಆಸ್ಲಲೊ ಕಿತ್ಲೊ ಸೊಭಿತ್ ಸುಂದರ್
ಮ್ಹನ್ಶಾಚ್ಯಾ ಮತ್ಲಾಬ್ ಪಣಾಕ್ ಲಾಗೊನ್
ಭರೊನ್ ಗೆಲಾ ಮೊಸ್ರಾನ್ ಅನಿ ಅಬ್ಲೆಸಾನ್
ಮಾಲ್ಗಾಡ್ಯಾಂಚೆ ಮೊರ್ನ್ ಮಾತ್ಯೆಕ್ ಪಾವ್ನ್ ಘರಾ ಪಾಂವ್ಚೆ ಭಿತರ್
ಸುರು ಜಾತಾತ್ ಝಗ್ಡಿಂ ಆಸ್ತಿ ಆನಿ ಬಾಂಗಾರಾ ಖಾತಿರ್
ಹಾಕಾ ಲಾಗೊನ್ ಬಾಬಾವ್-ಭಭಯ್ಣೊ ಜಾತಾತ್ ವಿಂಗಡ್
ಕುಟ್ಮಾಂ ಭಿತರ್ ಜಾತಾತ್ ವಿವಿದ್ ಪಂಗಡ್
ಪರ್ಸ್ ತುಜಿ ಜಡಾಯೆನ್ ಭರೊನ್ ಆಸಾ ತರ್
ಇಷ್ಟ್ - ಮಂತ್ರ್ ಗುಂವ್ತಾತ್ ತುಜೆ ಬರಾಬರ್
ಕೆದ್ನಾ ತುಜೆ ಕಡೆ ರುವಿ ನಾ ತರ್
ತುಜಿ ಸಾವ್ಳಿ ಪಡ್ತಾನಾಂಚ್ ಜಾತಾತ್ ತೆ ಫರಾರ್
ಸಯ್ರ್ಯಾಂಕ್ ದರಬಸ್ತ್ ಇನಾಮಾಂ ತುಂ ಘೆವ್ನ್ ವೆಶಿ ತರ್
ವಾರೆಂ ಗಾಲ್ನ್, ವಾಡ್ತೆಲಿಂ ತುಕಾ ದೆಂಖ್ ಕಾಡಿಸರ್
ಕಿತೆಂಚ್ ಘೆನಾಸ್ತಾನಾ ಖಾಲಿ ಹಾತಾಂನಿ ಗೆಲೊಯ್ ತರ್
ಉದಾಕ್ ಸಯ್ತ್ ಮೆಳ್ಚೆನಾಂ ತುಜಿ ತಾನ್ ಬಗಾಸರ್
ಮುಕಾರ್ ತುಜ್ಯಾ ಫುಗಾರ್ತತ್ ಗಳೊ ಬರಾಸರ್
ಪಾಟ್ಲ್ಯಾನ್ ತುಕಾ ಅಣ್ಕಿತಾತ್ ತುಜೆಂ ಪಿಂದಾಸರ್
ಕೊಣಾಕ್ ತುಂ ಬರೆಂ ಕರುಂಕ್ ಚಿಂತಾಯ್ ತರ್
ತೊಚ್ ತುಜೆಂ ನಾಂವ್ ಗಾಣಾಯ್ತಾಲೊ ಸಂಸಾರ್ ಭರ್
ಹ್ಯಾ ಮತ್ಲಾಬಿ ಸಂಸಾರಾಂತ್ ಭಾವಾ
ಜಿಯೆಂವ್ಚೆಂ ಬಾರಿ ಕಷ್ಟಾಂಚೆಂ ಜಾಲಾಂ
ಕೊಣಾವಯ್ರ್ ತುಂ ಚಡ್ ಪಾತ್ಯೆಣಿ ದವರ್ತಾಯ್
ತಾಣೆಂಚ್ ಸರ್ವಾಂ ಮುಕಾರ್ ತುಕಾ ವಿಕ್ರಪಾಕ್ ಗಾಲಾಂ
ದೆವಾ ಸರ್ವೆಸ್ಪರಾ ರಚ್ಲೊಯ್ ತುವೆಂ ಹೊ ಸಂಸಾರ್
ಚಿಂತ್ಲೆಯ್ ಕರುಂಕ್ ತುಜೆಂ ಹೆಂ ಬಿಡಾರ್
ಆಜ್ ಮನ್ಶ್ಯಾಚ್ಯಾ ಮತ್ಲಾಬಿ ಪಣಾಕ್ ಲಾಗೊನ್
ಜಾವ್ನ್ ಗೆಲಾಂ ಹೆಂ ದೆಂವ್ಚಾರಾಚೆಂ ಹೆ ಬಿಡಾರ್!
ಸುರೇಶ್ ಸಲ್ಡಾನಾ, ಸಕಲೇಶ್ಪುರ್.
**********
Jiom koxem?
devan rochtana ho somsar
aslolo kitlo sobhit sundor
mhonxachea motlab ponnak lagon
bhoron gela mosran oni oblesan
malgaddeanche morn matyek paun ghora pamvche bhitor
suru zatat zhogddim asti ani bangara khatir
haka lagon babavo-bhobhoinno zatat vingodd
kuttmam bhitor zatat vivid pongodd
pors tuji zoddayen bhoron asa tor
ixtt - montr gumvtat tuje borabor
kedna tuje kodde ruvi na tor
tuji saulli poddtananch zatat te forar
soireank dorobost inamam tum gheun vexi tor
varem galn, vaddtelim tuka denkh kaddisor
kitench ghenastana khali hatamni geloi tor
udak soit mellchenam tuji tan bogasor
mukar tujea fugartot gollo borasor
pattlean tuka onnkitat tujem pindasor
konnak tum borem korunk chintai tor
toch tujem namv gannaitalo somsar bhor
hea motlabi somsarant bhava
jiemvchem bari koxttanchem zalam
konnauyr tum chodd patyenni dourtai
tannench sorvam mukar tuka vikropak galam
deva sorvespora rochloi tuvem ho somsar
chintley korunk tujem hem biddar
az monxeachea motlabi ponnak lagon
zaun gelam hem demvcharachem he biddar!
Suresh Saldanha, Sakleshpur
Leave a comment