Author
Suresh Saldanha, Sakleshpurವಡ್ಲಿಮಾಂಯ್ಚೆ ರುದಾನ್.
ನಿದಾನಾಕಾ ಪುತಾ, ಆನಿ
ಜೆಂಬೆನಾಕಾ ಪುತಾ
ಆನಿ ಏಕಾ ಘಂಟ್ಯಾ ಮ್ಹಣಾಸರ್
ಜಾಂಬಾಯ್ ಕಾಡಿನಾಕಾ ಪುತಾ.
ಪಾಂಚ್ ಖಣ್ ತೇರ್ಸ್ ಪುತಾ
ಕರ್ ತುಂ ಭಕ್ತಿಪಣಿ.
ತೆದ್ನಾಂ ಮರಿ ಮಾಂಯ್ ತುಕಾ
ಭರ್ತೆಲಿ ಬೆಸಾಂವಾನಿ
ಲಾಂಬ್ ವೇಳ್ ಮಾಗ್
ದಿಂಬ್ಯೆರ್ ಪಡೊನ್ ಮಾಗ್
ತೆದ್ನಾಂ ಸರ್ಗಿಂಚೊ ಬಾಪ್
ಮಾಖ್ತಲೊ ತುಕಾ ಆಚರ್ಯಾನಿಂ
ವಚ್ ವಚ್ ಪುತಾ
ಇಗರ್ಜೆಕ್ ತುಂ ವಚ್
ಆಮ್ಚ್ಯಾ ಸರ್ವಾಂಚ್ಯಾ ಗರ್ಜಾಂ ಖಾತಿರ್
ಜೆಜು ಕಡೆ ಮಾಗ್
ಘಂಟೊಬರ್ ಮೊಬಾಯ್ಲ್
ತುಜೆಂ ಸಾಯ್ಲೆಂಟಾರ್ ದವರ್
ದೀಷ್ಟ್ ತುಜಿ , ಜೆಜುಚ್ಯಾ
ಪಾಂಚ್ ಘಾಯಾಂಚೆರ್ ದವರ್
ಶಿಕ್ ಶಿಕ್ ಪುತಾ
ಬರೆಂ ಕರ್ನ್ ಶಿಕ್
ವ್ಹಡ್ ಜಾವ್ನ್ ಪುತಾ
ತುಜ್ಯಾ ವ್ಹಡಿಲಾಂಕ್ ಸಾಂಬಾಳ್
ನಾಕಾ ನಾಕಾ ಪುತಾ
ವಾಯ್ಟ್ ಸವಯ್ ತುಕಾ.
ಸೊರೊ ಸಿಗ್ರೆಟ್ ನಾಕಾ ಪುತಾ
ಪಾಡ್ ಇಷ್ಟಾಂಚಿ ದೋಸ್ತಿ ನಾಕಾ
ಘೆರೆ ಘೆರೆ ಪುತಾ
ದೆವಾಚೆಂ ಬೆಸಾಂವ್ ಘೆರೆ
ತೊ ಸರ್ಗಿಂಚೊ ಬಾಪ್
ರಾಕೊನ್ ಸಾಂಬಾಳುಂದಿ ತುಕಾ
ಜಿಯೆ ಜಿಯೆ ಪುತಾ
ಬರಿ ಜೀಣ್ ಜಿಯೆ.
ಮೆಲ್ಯಾ ಉಪ್ರಾಂತ್ ಆತ್ಮೊ
ತುಜೊ ಸರ್ಗಾರ್ ಆಸ್ತಲೊ ಪಳೆ!
ಸುರೇಶ್ ಸಲ್ಡಾನ್, ಸಕಲೇಶ್ಪುರ್
**********
Voddlimamyche rudan.
Nidanaka puta, ani
jembenaka puta
ani eka ghonttea mhonnasor
zambai kaddinaka puta.
Panch khonn ters puta
kor tum bhoktiponni.
Tednam mori mam-i tuka
bhorteli besamvani
lamb vell mag
dimbyer poddon mag
tednam sorgincho bap
makhtolo tuka achoreanim
voch voch puta
igorjek tum voch
amchea sorvanchea gorzam khatir
jezu kodde mag
ghonttobor mobail
tujem sailenttar dour
dixtt tuji , jezuchea
panch ghayancher dour
xik xik puta
borem korn xik
vhodd zaun puta
tujea vhoddilank samball
naka naka puta
vaitt souy tuka.
Soro sigrett naka puta
padd ixttanchi dosti naka
ghere ghere puta
devachem besamv ghere
to sorgincho bap
rakon samballundi tuka
jie jie puta
bori jinn jie.
Melea uprant atmo
tuzo sorgar astolo polle!
Suresh Saldanha, Sakleshpur
Leave a comment