Author
Sannu Niddodiಆವಯ್
ನೋವ್ ಮಹಿನೆ ಗರ್ಬಾಂತ್ ವಾವವ್ನ್
ಜಲ್ಮಾತಚ್ ವೆಂಗೆಂತ್ ಆರವ್ನ್
ವಿಘ್ನಾ-ಆನ್ವಾರಾಂತ್ಲೆಂ ಸದಾಂಚ್ ರಾಕುನ್
ಸಾಂಬಾಳ್ನ್ ಧರ್ತಾ ಆವಯ್.
ಕುಡಿಚ್ಯಾ ಬಳಾಕ್ ಪಾನೊ ಚಿವೊವ್ನ್
ವೆಳಾ, ವೆಳಾ ಭುಕ್ ಥಾಂಬವ್ನ್
ನೆಣ್ತುಲ್ಯಾ ಬಾಳಾಚ್ಯೆ ಕಷ್ಟ್ ಸಮ್ಜುನ್
ಮೊಗಾನ್ ಪೊಸ್ತಾ ಆವಯ್.
ಆಪ್ಣಾಚಿ ಕೂಡ್ ಸಂಸಾರಿಂ ಜರವ್ನ್
ವೊತಾ ಧಾವೆಕ್ ಘಾಮ್ ವಾಳೊವ್ನ್
ದೆವಾಲಾಗಿಂ ಸದಾಂಚ್ ಬರೆಂ ಮಾಗುನ್
ಜತನ್ ಘೆತಾ ಆವಯ್.
ಜೊಕ್ತೆಂ ಲಿಸಾಂವ್ ವೆಳಾರ್ ಶಿಕವ್ನ್
ಬರ್ಯಾ ವಾಯ್ಟಾಚಿ ಸಮ್ಜಣಿ ದಿವುನ್
ಮುಕಾರಿಂ ಜೊಕ್ತೊ ಫುಡಾರ್ ದಾಕವ್ನ್
ಖುಶೆನ್ ಭುಲ್ತಾ ಆವಯ್.
ಮೋಗ್ ತಿಚೊ ಪಾಟಿಂ ದಿಯಾ
ಹಾತ್ ಧರುನ್ ಸಂಗಿಂ ಚಲ್ಯಾ
ಸಂತೊಸಾನ್, ಹಾಸೊವ್ನ್ ಜಿಯೆಯಾ
ತಿ ತುಜಿ ಏಕ್ಲಿಚ್ ಆವಯ್
ಸನ್ನು ನಿಡ್ಡೋಡಿ
**********
Auy
novo mohine gorbant vauvn
zolmatoch vengent aroun
vighna-anvarantlem sodanch rakun
samballn dhorta auy.
Kuddichea bollak pano chivoun
vella, vella bhuk thamboun
nenntulea ballachye koxtt somzun
mogan posta auy.
Apnnachi kudd somsarim zoroun
vota dhavek gham' valloun
devalagim sodanch borem magun
zoton gheta auy.
Zoktem lisamv vellar xikoun
borea vaittachi somzonni divun
mukarim zokto fuddar dakoun
khuxen bhulta auy.
Mog ticho pattim dia
hat dhorun songim cholea
sontosan, hasoun jieya
ti tuji eklich auy
Sannu Niddodi
Leave a comment