ಕಿತ್ಯಾಕ್?

ತೆನ್ಕಾ ಕುಶಿನ್ ಥಾವ್ನ್ ವಾಳೊನ್ ಆಯ್ಲೆಲೆಂ ವಾರೆಂ

ಕುಡಿಕ್ ಥಂಡಾಯ್ ದೀವ್ನ್ ಮತಿಕ್ ಮಾರ್ತಾನಾ

ಕಾಳ್ಜಾಚಿ ಉಡಿ ಚಡಿತ್ ಜಾವ್ನ್, ತುಕಾ ಚಿಂತುನ್

ದೊಳೆ ಮ್ಹಜೆ ಬಿಜೊಂಕ್ ಲಾಗ್ಲೆ ಕಿತ್ಯಾಕ್?

ಉಬ್ಗೊಣ್ ಮಾಕಾ ಆಸ್ಲೆಲಿ ಜಿಣ್ಯೆ ವಾಟೆರ್ ಚಮ್ಕತಾನಾ

ತುಜೊ ಉಡಾಸ್ ದಿತಾಲೊ ಆಧಾರ್ ಮೆಟಾಂ ಕಾಡ್ತಾನಾ

ಚಮ್ಕಾಲ್ಲಿ ವಾಟ್, ಕಾಡ್‍ಲ್ಲಿಂ ಮೆಟಾಂ, ಜರೊನ್ ಗೆಲಿಂ ತರೀ

ಉಡಾಸ್ ತುಜೊ ಮಾಜ್ವೊಂವ್ಕ್ ಪಾವ್ಲಿನಾಂತ್ ಕಿತ್ಯಾಕ್?

ತುಕಾ ಚಿಂತುನ್ ಲಿಖ್ಲೆಂ ಅಪಾರ್

ಆತಾಂ ಮಾತ್ರ್ ಪಾನಾಂ ಪಿಂಜುನ್ ಕೊಯ್ರ್ ಸಬಾರ್

ತುಕಾ ಚಿಂತುನ್ ಲಿಖ್ಲೆಲ್ಯಾ, ಸಬ್ದಾಂ ಪಾಟ್ಲೊ ತೊ ಉಡಾಸ್

ಆಜೂನೀ ಜಿವೊಚ್ ಉರ್ಲಾ ಸಮ್ಜಾನಾ ಕಿತ್ಯಾಕ್?

ರಿಕ್ಕು ಕಿರೆಂ

**********

Kiteak?

tenka kuxin thaun vallon ailelem varem

kuddik thonddai diun motik martana

kallzachi uddi choddit zaun, tuka chintun

dolle mhoje bizonk lagle kiteak?

ubgonn maka asleli jinnye vatter chomkotana

tuzo uddas ditalo adhar mettam kaddtana

chomkal'li vatt, kadd‍l'lim mettam, zoron gelim tori

uddas tuzo majvounko paulinant kiteak?

tuka chintun likhlem opar

atam matr panam pinzun koir sobar

tuka chintun likhlelea, sobdam pattlo to uddas

azuni jivoch urla somzana kiteak?

Rikku Kirem