ಬಾಝಿಗರ್

ಮಾರ್ಲಿ ಏಕ್ ದೀಸ್ ಕಾಲೇಜಿಕ್ ಚಕ್ಕರ್

ಮತಿಂತ್ ಆಸ್‌ಲ್ಲೆಂ ಏಕ್‌ಚ್ ನಾಂವ್ ಅಮರಶ್ರೀ ಥಿಯೇಟರ್

ತೀನ್ ಗಂಟ್ಯಾಚೆಂ ತೆಂ ಹಿಂದಿ ಪಿಕ್ಚರ್

ನಾಂವ್ ತ್ಯಾ ಫಿಲ್ಮಾಚೆಂ "ಬಾಝಿಗರ್".

ಗಾಂವ್ ಆಮ್ಚೊ ಮಿಜಾರ್

ಸುಟ್ಲ್ಯಾಂವ್ ಸಕಾಳಿಂಚ್ಯಾ ನೋವ್ ವ್ಹರಾರ್

ಚಿಂತ್ಲೆಂ ವೆಚೆಂ ಮ್ಹಣ್ ಚಾರ್ಲಿಚ್ಯಾ ಬೈಕಾರ್

ಪೂಣ್ ಬಸ್ತಾನಾಂಚ್ ಟಯರ್ ಜಾಲೆಂ ಪಂಕ್ಚರ್.

ರಜಾ ವಿಬಾಡ್ ಜಾಲಿ ನೇ ಮ್ಹಣಾಲೊ ಚಾರ್ಲಿ

ಡೋಂಟ್ ವರ್ರಿ ಮೈ ಫ್ರೆಂಡ್ಸ್ ಮ್ಹಣಾಲೊ ಫೆಡ್ಡಿ

ಬೈಕ್ ನಾತ್ಲ್ಯಾರ್ ಬಸ್ಸ್ ಆಸಾ ಮ್ಹಣಾಲೊ ನೊಬ್ಬಿ

ಥಿಯೇಟರಾಕ್ ಪಾವ್ಲ್ಯಾರ್ ಪುರೊ ಮ್ಹಣಾಲೊ ಎಡ್ಡಿ.

ಚಡ್ಲ್ಯಾಂವ್ ಆಮಿಂ ಎಕಾ ಲೋಕಲ್ ಬಸ್ಸಾರ್

ಜಾಲೊ ಅನ್ಭೋಗ್ ಗೆಲ್ಲೆ ಪರಿಂ ಎಕಾ ಸೈಕಲಾರ್!

ಲಾಗ್ಲೊ ಏಕ್ ಗಂಟೊ ಪಾವೊಂಕ್ ಥಿಯೇಟರಾಕ್

ಕಿತೆಂ ಕರ್ಚೆಂ? ಹೊಚ್ಚ್ ಜಾವ್ನಾಸ್’ಲ್ಲೊ ಆಮ್ಚೊ ಗ್ರಾಚಾರ್!

ಉರ್ಲಿ ಆಮ್ಚಿ ತಿಂಡಿ ಚಾರ್ಲಿಚ್ಯಾ ಬೈಕಾರ್

ಪರ್ತ್ಯಾನ್ ಕಾಣ್ಘೆಯಾಂ ಮ್ಹಳ್ಯಾರ್ ಪರ್ಸಾಂತ್ ಪಯ್ಶೆ ಕಾಬಾರ್!

ತಿಂಡಿ ಮರೊಂದಿ ಮ್ಹಣ್ ರಿಗ್ಲ್ಯಾಂವ್ ಥಿಯೇಟರಾ ಭಿತರ್

ಆದ್ಲೆ ದಿಸಾಚ್ ಟಿಕೆಟ್ ಕಾಡ್ಲೆಲ್ಯಾನ್ ಪಳೆಂವ್ಕ್ ಮೆಳ್ಳೆಂ "ಬಾಝಿಗರ್".

ಅಶೆಂ ಜಾಲಿ ಆಮ್ಚಿ ಸವಾರಿ ಪಳೆಂವ್ಕ್ "ಬಾಝಿಗರ್"

ಫಾಂತ್ಯಾರ್ ಜಾಲಿ ಜಾಗ್ ಕೊಂಬ್ಯಾನ್ ಘಾಲ್ತಾನಾ ಸಾದ್

ಪಳೆಲೆಂ ಹಿಶಿನ್ ತಿಶಿನ್ ಆಸ್’ಲ್ಲೊಂ ನಿದ್ಚ್ಯಾ ಖಟ್ಲ್ಯಾರ್

"ಅಯ್ಯೋ ಆಸ್’ಲ್ಲೊಂಗಿ ಹಾಂವ್ ಎಕಾ ಸಪ್ಣಾಂತ್"!

ಗ್ಲ್ಯಾನಿಶ್ ಮಾರ್ಟಿಸ್, ಅಲಂಗಾರ್.

**********

bajhigor

marli ek dis kalejik chokkor

motint as‌l'lem ek‌ch namv omoroxri thiettor

tin gontteachem tem hindi pikchor

namv tea filmachem "bajhigor".

Gamv amcho mizar

suttleamv sokallinchea novo vhorar

chintlem vechem mhonn charlichea boikar

punn bostananch ttoir zalem ponkchor.

Roza vibadd zali ne mhonnalo charli

ddontt vorri moi frendds mhonnalo fedd'ddi

boik natlear boss asa mhonnalo nobbi

thiettorak paulear puro mhonnalo edd'ddi.

Choddleamv amim eka lokol bossar

zalo onbhog gel'le porim eka soikolar!

laglo ek gontto pavonk thiettorak

kitem korchem? hochch zaunas’l'lo amcho grachar!

urli amchi tinddi charlichea boikar

portean kanngheyam mhollear porsant poixe kabar!

tinddi morondi mhonn rigleamv thiettora bhitor

adle disach ttikett kaddlelean polleunko mell'llem "bajhigor".

Oxem zali amchi sovari polleunko "bajhigor"

fantear zali zag kombean ghaltana sad

pollelem hixin tixin as’l'lom nidchea khottlear

"oyeo as’l'longi hamv eka sopnnant"!

Glanish Martis, Alangar