ಕುಟ್ಮಾ ಕಾಣಿ

ಖಾಂದ್ಯಾರ್ ಬಸೊವ್ನ್

ಗಾಂವ್ ಬೊಂವ್ಡಾವ್ನ್

ಮೋಗ್ ದಿಂವ್ಚೊ ಆಬಾ.

ಕಾಣ್ಯೊ ಗುಂತುನ್

ಸಪ್ಣಾ ಪಾಳ್ಣೆಂ ಧಲವ್ನ್

ನಿದೊಂವ್ಚಿ ಮಾಂಯ್.

ಲಾನ್ಪಣಾಲೆ ದೀಸ್

ಮಾಯಾಮೊಗಾನ್

ವೊಳ್ಳೆಲಿ ಮಾಣ್ಕುಲಿ ವೋಂಯ್!

ತುರ್ಬೆಂತ್ ವಾಜವ್ನ್

ಸಂಗೀತ್ ಶೆತಾಂತ್

ವಿಶ್ವಾಸಾಚೊ ಸ್ವಾಸ್

ಫುಂಕ್ಚೊ ಪಪ್ಪಾ.

ಪಾಸ್ಳೆಂತ್ ಆರಾವ್ನ್

ಪಾಲ್ವಾಂತ್ ಲಿಪೊವ್ನ್

ಮಾಮ್ಮಿಚೊ ಮೋಗ್

ಖೆಳ್ತಾಲೊ ಅಪಾಲಿಪಾ!

ಆಯ್ತಾರಾಚ್ಯಾ ದೊತೊರ್ನಿಕ್

ಆಪವ್ನ್ ವರ್ಚೊ ಬಾಪ್ಪು.

ಮಾಮ್ಮಿಚ್ಯಾ ಆಡಾರಾಂ ಮಾರಾಂಕ್

ಆಡ್ ಯೆಂವ್ಚಿ ಆಕಯ್.

ಮ್ಹಜ್ಯಾ ಜಿಣ್ಯೆ ಕಾಣ್ಯೆಂತ್

ಹಿಂ ದೊಗಾಂಯ್

ಭೋವ್ ಮೊಗಾಚಿಂ ಮಾನಾಯ್!

ಇಲ್ಲೆಂ ಫುಗೊನ್

ಮೊಸರ್ ಪಾಂವ್ಚೆಂ ಭಯ್ಣ್.

ಪಾಂತ್ಯೊ ವೊಡುನ್

ಚಿಡಾವ್ನ್ ಧೊಸ್ಚೆ ಭಾವ್.

ಕುಟ್ಮಾ ಪಾಕ್ಯಾರ್ ಸೊಭ್ತಾಲೊ

ಪೊಕ್ರಿಪಣಾಚೊ ನೆಣ್ತೊ ದೋವ್!

ದೀಸ್ ಧಾಂವ್ತಾನಾ

ವರ್ಸಾಂ ಉಬ್ತಾನಾ

ಹಾಂವ್ ವಾಡ್ಲಿಂ

ಪೂಣ್ ಉಗ್ಡಾಸ್ ಮಾಜ್ವೊನಾ.

ದೊಳ್ಯಾ ಖಾಂಚಿನಿ

ದುಖಾ ಮೊತ್ಯಾಂ ದೆಂವ್ತಾತ್

ಲ್ಹಾನ್ಪಣಾಲಿ ಕುಟ್ಮಾ ಕಾಣಿ ಆಂವ್ಡೆತಾನಾ!

ಗ್ಲ್ಯಾಮಿ, ಕಲ್ಯಾಣ್ಪುರ್.

**********

Kuttma kanni

khandear bosoun

gamv bomvddaun

mog dimvcho aba.

Kanneo guntun

sopnna pallnnem dholoun

nidomvchi mam-i.

Lanponnale dis

mayamogan

voll'lleli mannkuli vom-i!

turbent vazoun

songit xetant

vixvasacho svas

funkcho poppa.

Pasllent araun

palvant lipoun

mam'micho mog

khelltalo opalipa!

aitarachea dotornik

apoun vorcho bappu.

Mam'michea addaram marank

add yemvchi akoi.

Mhojea jinnye kannyent

him dogam-i

bhovo mogachim manai!

il'lem fugon

mosor pamvchem bhoinn.

Panteo voddun

chiddaun dhosche bhavo.

Kuttma pakear sobhtalo

pokriponnacho nennto dovo!

dis dhamvtana

vorsam ubtana

hamv vaddlim

punn ugddas majvona.

Dollea khanchini

dukha moteam demvtat

lhanponnali kuttma kanni amvddetana!

Glyamy Kallianpur