ಮೌನ್ ಮೋಗ್

ಅಂತ್ ನಾತ್ಲೆಲೆಂ ಮೌನ್ ತುಂ

ಕಶೆಂ ಸಮ್ಜೊಂ ತುಕಾ ಹಾಂವ್

ಹ್ಯಾ ಕುಡಿಚೊ ಸ್ವಾಸ್ ತುಂ

ಕಶೆಂ ಜಿಯೆಂವ್ ತುಜೆ ವಿಣೆಂ ಹಾಂವ್?

ಫುಲೊನ್ ಯೆಂವ್ಚೊ ಬೊಂಗೊ ತುಂ

ಸರ್ವಾಂಕ್ ತೊಪ್ತಾ ತುಜಿ ತಿ ಸೊಭಾಯ್

ಎಕಾ ಥರಾಚಿ ಭಿರಾಂತ್ ಮ್ಹಾಕಾ

ಕೊಣಿ ತುಕಾ ಹುಮ್ಟುನ್ ವ್ಹರಿತ್‍ಗಾಯ್?!

ಅಮಾಸೆಚಾ ರಾತಿಚೆಂ ಚಾನ್ನೆಂ ತುಂ

ಕಳಿತ್ ನಾಂ ತುಕಾ ತುಜೊ ಪ್ರಕಾಸ್

ವಿಚಾರ್ನ್ ಪಳೆ ಕಾಲ್ಚೆ ರಾತಿಲಾಗಿಂ

ಕಳಿತ್ ಜಾತೆಲೆಂ ತುಜೆಂ ಮೋಲ್

ದರ್ಯಾ ತಡಿಕ್ ಮಾರ್ನ್ ವೆಚೆಂ ಲ್ಹಾರ್ ತುಂ

ತುಜ್ಯಾ ಸ್ಪರ್ಶಾಕ್ ರಾಕೊನ್ ಆಸಾಂ

ಆಪ್ಟುನ್ ಮಾಕಾ ಗೆಲೆಂಯ್ ಪಾಟಿಂ

ಪರತ್ ಯೆತೆಲೆಂಯ್ ಮ್ಹಣ್ ರಾಕೊನ್ ಆಸಾಂ

ರಿಕ್ಕು ಕಿರೆಂ

**********

Moun mog

ont natlelem moun tum

koxem somzom tuka hamv

hea kuddicho svas tum

koxem jiemv tuje vinnem hamv?

fulon yemvcho bongo tum

sorvank topta tuji ti sobhai

eka thorachi bhirant mhaka

konni tuka humttun vhorit‍gai?!

omasecha ratichem chan'nem tum

kollit nam tuka tuzo prokas

vicharn polle kalche ratilagim

kollit zatelem tujem mol

dorea toddik marn vechem lhar tum

tujea sporxak rakon asam

apttun maka gelem-i pattim

porot yetelem-i mhonn rakon asam

Rikku Kirem