ಹಾಂವ್ ಆನಿ ತುಂ

ಪಯ್ಶಿಲ್ಯಾ ಗಾಂವಾಂತ್, ಮ್ಹಜಿ ಆನಿ ತುಜಿ, ಆಚಾನಾಕ್ ಜಾಲಿ ವಳಕ್..

ಅಮ್ಚೆ ಮಧೆಂ ಕಿತೆಂ ತರೀ ಆಸಾ, ತಶಿ ಜಾಲಿ ಝಳಕ್,

ತೆನ್ನಾ, ಭಿರಾಂಕುಳ್ ವಾರೆಂ ವಾಳ್ಳೆಂ,

ಪ್ರಶಾಂತ್ ದರ್ಯೊ ಹಾಲ್ಲೊ, ಲ್ಹಾರಾಂಚಾ ನಾಚಾಕ್!

ವೊಣದಿ ಆಪ್ಟಾಶೆಂ ಭೊಗ್ಲೆಂ, ಹ್ಯಾ ಜಿವಾಕ್,

ಜಾಲ್ಯಾರಿಯಿ,

ತುಜೊ ಹಾತ್ ಮ್ಹಜೆರ್ ಆನಿ ಮ್ಹಜೊ ತುಜೆರ್!

ಸಮಾಜೆಚೆ ದೊಳೆ, ವಾಟಾರ್ನ್ ಪಳಯಿಲ್ಲಿ ದೀಷ್ಟ್, ತೊಪ್ಚಿ ಭಾಲಿ,

ಕೆನ್ನಾಂಗಿ ತಿಂ ಸವಾಲಾಂ ಬೊಬೊ ಜಾಲ್ಲಿಂ,

ತ್ಯಾ ಭಿರಾಂಕುಳ್ ಕಿಂಕ್ರಾಟಿನಿ, ಭೆಷ್ಟಾಯ್ಲೆಂ ಆಮ್ಕಾಂ,

ಹಾಸ್ಲಿಂ ಮುಕಮಳಾಂ ಥೊಡಿಂ ಪಳೆವ್ನ್ ಆಮ್ಕಾಂ,

ತಾಂಚೆ ಆವ್ತಾರ್ ಪಳೆವ್ನ್, ದೇವ್‌‌ಯ್ ಹಾಸ್ಲೊ.

ಹ್ಯಾ ಹಾಸ್ಯಾಂ ಮಧೆಂ

ತುಜೆ ದೊಳೆ ಮ್ಹಜೆರ್ ಆನಿ ಮ್ಹಜೆ ತುಜೆರ್!

ಆನ್ಯಾಯಾಚೆರ್ ನ್ಯಾಯಾಚೆಂ, ಆನಿ ತಿಚೆರ್ ನಿತಿಚೆಂ,

ವಾಯ್ಟಾಚೆರ್ ಬಯಾಚೆಂ, ಜಯ್ತ್ ಲಾಭ್ಲೆಂ,

ಬಾವ್ಲಲೆಂ ಜಿವಿತ್ ಪರ್ತ್ಯಾನ್ ಫುಲ್ಲೆಂ!

ಭಾಂದ್ಪಸಾಂತ್ಲಿ ಪಾವ್ಲಾಂ ಮುಕಾರ್ ಸರ್ಲಿಂ,

ವ್ಹಡಿಲಾಂಚಿಂ ಬೆಸಾಂವಾಂ ಧಾರಾಳ್ ಮೆಳ್ಳಿಂ.

ಸರ್ವ್ ಸವಾಲಾಂಕ್ ಬಿಗಾಂ ಪಡ್ಲಿಂ,

ಹ್ಯಾ ಸರ್ವ್ ಘಡಿಯಾನಿ,

ತುಂ ಮ್ಹಜೊ ಆನಿ ಹಾಂವ್ ತುಜಿಂ ಜಾಲಿಂ!

ನಿಶಾಲ್ ಕೊರ್ಡೆಲ್

**********

Hamv ani tum

poixilea gamvant, mhoji ani tuji, achanak zali vollok..

Omche modhem kitem tori asa, toxi zali zhollok,

ten'na, bhirankull varem vall'llem,

proxant doreo hal'lo, lharancha nachak!

vonnodi apttaxem bhoglem, hea jivak,

zaleariyi,

tuzo hat mhojer ani mhozo tujer!

somajeche dolle, vattarn polloyil'li dixtt, topchi bhali,

ken'nangi tim sovalam bobo zal'lim,

tea bhirankull kinkrattini, bhexttailem amkam,

haslim mukomollam thoddim polleun amkam,

tanche autar polleun, devo‌‌y haslo.

Hea haseam modhem

tuje dolle mhojer ani mhoje tujer!

aneayacher neayachem, ani ticher nitichem,

vaittacher boyachem, zoit labhlem,

baulolem jivit portean ful'lem!

bhandposantli paulam mukar sorlim,

vhoddilanchim besamvam dharall mell'llim.

Sorv sovalank bigam poddlim,

hea sorv ghoddiani,

tum mhozo ani hamv tujim zalim!

Nishal Vinitha Dsouza