ಕಾಟ್ ಪುಲ್

ಕಾಟ್ ಫುಲ್,

ಹಾಂವ್, ಕಾಟ್ ಜಾಲ್ಯಾರ್ ಕಿತೆಂ ಜಾಲೆಂ?

ಸೊಭಿತ್ ರಂಗ್ ಮ್ಹಾಕಾಯ್ ಆಸಾ ಆಂಗಾರ್.

ಫುಲೊನ್ ಆನಿ ಧಲೊನ್ ಹಾಂವ್‍ಂಯ್ ಆಸಾಂ,

ಮ್ಹಜ್ಯಾಚ್ಚ್ ಮ್ಹನಾಕ್ ಧಾಧೊಸ್ ಕರ್ತಾಂ ಹಾಂವ್.

ಚಲಿ ತರೀ ಮಾತ್ಯಾರ್ ದವರಿನಾ,

ಬೆಜಾರ್ ಮ್ಹಕಾ ನಾಂ.

ದಿವ್ಳಾಂನಿ ಪ್ರವೇಶ್ ನಾಂ ತರೀ

ಖಂತ್ ಮ್ಹಾಕಾ ನಾ.

ಹಾಂವ್ ಸೊಭ್ತಾಂ ಮ್ಹಜ್ಯಾ ಸಂಸಾರಾಂತ್.

ಭ್ರಮರ್ ಹಜಾರ್ ಉಭೆ ಪಂಕ್ತಿರ್.

ಸಕಾಳ್ ಪಳೆವ್ನ್ ಫುಲ್ತಾಂ ತರೀ.

ಸುರ್ಯಾಕ್ ಹಾಂವ್ ಭುಲ್ಲ್ಯಾಂ.

ಮ್ಹಜ್ಯಾ ಜಿವಾ ಭಿತರ್ ಹಜಾರ್ ಆಟಾವಿಟೆ.

ಭ್ರಮರ್ ಮಾತ್ರ್ ಸಮ್ಜೊಂಕ್.

ಸಂಸಾರ್ ಸಸಾರ್ ಕರ್ತಾ ಮ್ಹಾಕಾ.

ಕಲಾಕಾರ್ ತರೀ ಪಿಂತ್ರಾಯ್ತ್ ಕಶೆಂ.

ರಾನಾಂ-ಮೊಲ್ಯಾನಿಂ ದೀಷ್ಟ್ ಚರಯ್ತ್ ಕಶಿ?

ಆತಾಂತಾಂ.

ಶೆರಾಂತ್ ಉದ್ಗಾರ್ ಉಟ್ಲಾ ಖಂಯ್.

"ಕಿತ್ಲೆಂ ಸೊಭಾಯೆಚೆಂ ಫುಲ್" ಮ್ಹಣ್ ರಾನಾಂತ್.

ಪುಣ್, ಅಪ್ಲ್ಯಾ ಮನ್ಶಾಂನಿಂ ಉಚಾರ್ಲಿಂ ತಿಂಚ್ಚ್ ಉತ್ರಾಂ.

"ಕಾಟ್" ತೆಂ ಫುಲ್.

ದುಖ್ಲೆಂ ಮ್ಹಜ್ಯಾ ಮ್ಹನಾಕ್?

ಹಾಂವ್ ಸೊಭಿತ್ ರಂಗಾನ್.

ಸಾಕ್ಸ್ ದೀತ್ ಸಗ್ಳೆಂ ಹೆಂ ವನ್.

ಜೀಣ್ ಹಿ ಮ್ಹಜಿ, ಹೆಂಚ್ಚ್ ಕಾಮ್,

ಮನಿಂ ರಡೊನ್, ಪಾಕ್ಳ್ಯಾಂನಿಂ ಸೊಭೊನ್,

ಸುಗಂಧ್ ಸುವಾದ್ ಪಾಚಾರ್ತಾಂ "ಕಾಟ್" ಜಾವ್ನ್,

ಸಕಾಳಿಂ ಥಾವ್ನ್ ಸಾಂಜ್, ಥಂಡ್ ವಾರ್ಯಾರ್ ಧಲೊನ್,

ಮ್ಹನ್ ಮ್ಹಜೆಂ ಪಿಸ್ವೊನ್ ಗೆಲಾಂ, ರಚ್ನಾರಾಕ್ ಜಾಂವ್ ಮಹಿಮಾ,

"ಕಾಟ್" ಜೀಣ್ ದಿಲಿಯ್, ಆರ್ಗಾಂ ತುಕಾ ಧನ್ಯಾ ದೆವಾ,

ನಾಂ ತರ್, ಖುಂಟುನ್ ಕಾಡ್ತೊ ಹೊ ಜೀವ್ ಮ್ಹಜೊ.

ಐನಿಶ್ ಬೊಳಿಯೆ.

**********

Katt pul

katt ful,

hamv, katt zalear kitem zalem?

sobhit rong mhakai asa angar.

Fulon ani dholon hamv‍m-i asam,

mhojeachch mhonak dhadhos kortam hamv.

Choli tori matear dourina,

bezar mhoka nam.

Divllamni provex nam tori

khont mhaka na.

Hamv sobhtam mhojea somsarant.

Bhromor hozar ubhe ponktir.

Sokall polleun fultam tori.

Sureak hamv bhul'leam.

Mhojea jiva bhitor hozar attavitte.

Bhromor matr somzonk.

Somsar sosar korta mhaka.

Kolakar tori pintrait koxem.

Ranam-moleanim dixtt choroit koxi?

atantam.

Xerant udgar uttla khoim.

"kitlem sobhayechem ful" mhonn ranant.

Punn, oplea monxamnim ucharlim tinchch utram.

"katt" tem ful.

Dukhlem mhojea mhonak?

hamv sobhit rongan.

Saks dit sogllem hem von.

Jinn hi mhoji, henchch kam',

monim roddon, paklleamnim sobhon,

sugondh suvad pachartam "katt" zaun,

sokallim thaun sanz, thondd varear dholon,

mhon mhojem pisvon gelam, rochnarak zamv mohima,

"katt" jinn diliy, argam tuka dhonea deva,

nam tor, khunttun kaddto ho jivo mhozo.

Inesh D'Souza, Boliye