Author
Suresh Saldanha, Sakleshpurಜಾಗ್ವೊಣ್
ರಸ್ತ್ಯಾರ್ ತೆಂ ಚಲ್ತಾನಾ, ತಾಚ್ಯಾ ಹರ್ದ್ಯಾಚೆರ್
ನದರ್ ಘಾಲಿನಾಕಾ ಇಷ್ಟಾ,
ದೂಖ್ ಭೊಗತ್ ತಿಕಾ, ಆಪ್ಲ್ಯಾ ಧುವೆಚೆರ್ ಕೊಣಾಯ್ಚಿ
ದೀಷ್ಟ್ ಪಡಾನಾತ್ಲ್ಯಾಬರಿ,
ಸಕಾಳಿಂ ಫುಡೆಂಚ್, ಮೀಟ್-ಮಿರ್ಸಾಂಗ್ ವೊಳ್ನ್
ಉಜ್ಯಾಂತ್ ಉಡಯಿಲ್ಯಾ
ತ್ಯಾ ಆವಯ್ಚ್ಯಾ ಕಾಳ್ಜಾಕ್!
ತಾಕಾ ಪಳೆತಚ್, ತಾಚ್ಯಾ ವೊಂಠಾಂಚಿ
ರೂಚ್ ಚಾಕ್ಚಿ ತುಜಿ ತಿ ಪಿಸಾಯ್.
ಪಯ್ಸ್ ಧಾಂವ್ಡಾಯ್ ಇಷ್ಟಾ.
ತಾಕಾಚ್ ಮ್ಹಣೊನ್ ರಚ್ಲಲೊ, ರಾಯ್ ಕುಂವರ್ ಯೆತೊಲೊ
ಘೆವುನ್ ಅಪ್ಲೆ ಶಿಪಾಯ್.
ಮ್ಹಳ್ಳೆಂ ವಿಸ್ರನಾಕಾ ಇಷ್ಟಾ.
ತಾಚೆಂ ವಿಶಿಂ ಸಪ್ಣೆಂವ್ನ್, ನೀದ್ ತುಜಿ ಖಳೊನ್
ಭುಕ್ ತುಜಿ ಜಿರೊವ್ನ್
ಭಲಾಯ್ಕಿ ತುಜಿ, ವಿಭಾಡಿನಾಕಾ ಇಷ್ಟಾ.
ಕಿತ್ಯಾಕ್ ತೆಂ ಅಜೂನೀ ಪುಲೊಂಕ್ ಆಯ್ತೊ
ಜಾಲ್ಲೊ ಗುಲೊಬ್,
ಸೊಭೊನ್ ಆಸಾ, ಆಪ್ಲ್ಯಾ ವೊಡ್ತಾಂತ್
ತುಜ್ಯಾ ತಸಲ್ಯಾಚಿ ವಾಯ್ಟ್ ನದರ್ ತಾಚೆರ್
ಪಡ್ಚಿ ನಾಕಾ ಇಷ್ಟಾ.
ಹಾತ್ ಜೊಡ್ತಾಂ ಹಾಂವ್, ತುಜೆ ಕಡೆ ಇಷ್ಟಾ
ಆಜ್ ಥಾವ್ನ್, ತಾಚೊ ಪಾಟ್ಲಾವ್ ಕರಿನಾಕಾ
ತಾಚೊ ಸಾಂಗಾತ್ ಆಶೆನಾಕಾ
ತುಜ್ಯಾ ಸರ್ವ್ ಆಶೇಕ್, ಘಾಲ್ ತುಂ ವ್ಹೊಂಯ್
ಕಿತ್ಯಾಕ್‌ಗಿ ಮ್ಹಳ್ಯಾರ್,
ಆವಯ್ನ್ ತಾಚ್ಯಾ ಸಾಂಗ್ಲಾ ಮ್ಹಾಕಾ,
ಹಾಂವ್ಂಚ್ ಖಂಯ್ ತಿಚೊ
ಮುಖ್ಲೊ ಜಾಂವಯ್!
ಸುರೇಶ್ ಸಲ್ದಾನ್, ಸಕಲೇಶ್ಪುರ್
**********
Zagvonn
rostear tem choltana, tachea hordeacher
nodor ghalinaka ixtta,
dukh bhogot tika, aplea dhuvecher konnaichi
dixtt poddanatleabori,
sokallim fuddench, mitt-mirsang volln
ujeant uddoyilea
tea auychea kallzak!
taka polletoch, tachea vontthanchi
ruch chakchi tuji ti pisai.
Pois dhamvddai ixtta.
Takach mhonnon rochlolo, rai kumvor yetolo
ghevun ople xipai.
Mholl'llem visronaka ixtta.
Tachem vixim sopnnemvn, nid tuji khollon
bhuk tuji jiroun
bholaiki tuji, vibhaddinaka ixtta.
Kiteak tem ozuni pulonk aito
zal'lo gulob,
sobhon asa, aplea voddtant
tujea tosoleachi vaitt nodor tacher
poddchi naka ixtta.
Hat zoddtam hamv, tuje kodde ixtta
az thaun, tacho pattlavo korinaka
tacho sangat axenaka
tujea sorv axek, ghal tum vhom-i
kiteakgi mhollear,
auyn tachea sangla mhaka,
hamvnch khoim ticho
mukhlo zamvoi!
Suresh Saldanha, Sakleshpur
Leave a comment