ವನಮಹೋತ್ಸವ್!

ಇಗರ್ಜೆಚಾ ಮಯ್ದಾನಾರ್ ವನಮಹೋತ್ಸವಾಂತ್,

ಝಡಾಂ ಪ್ರದರ್ಶಿತ್ ಜಾಲ್ಲಿಂ ಹಜಾರ್.

ವೆದಿ ಕಾರ್ಯೆಂ ಸಂಪ್ತಚ್ ಝಡ್ ಘೆಂವ್ಕ್,

ರಾಸ್ ಪಡ್ಲೆ ಆಮ್ಚೆಂ ಫಿರ್ಗಜ್‍ಗಾರ್.

ನೆಣ್ತೊ ಹಾಂವ್ ತರೀ ಲೊಕಾಂಚ್ಯಾ ಖೆಟಿ ಮದ್ಗಾತ್,

ಧಯ್ರಾನ್ ರಿಗ್ಲೊ ಝಡ್ ಘೆಂವ್ಕ್.

ಉಸ್ವಾಸ್ ಮ್ಹಜೆಂ ಬಾಂದುಕ್ ಲಾಗ್ಲೊ,

ಸುರು ಜಾಲೆಂ ದೊಳ್ಯಾಂನಿ ದುಖಾಂ ಯೇಂವ್ಕ್.

ಜ್ಯೊರಾನ್ ಹಾವೆಂ ಹಾತ್ ಮುಕಾರ್ ಕೆಲೊ,

ಹಾತಾಕ್ ಮೆಳ್ಳಿ ಏಕ್ ಕಶಿ ರೊಂಪಿ.

ಝಡ್ ಪಳೆವ್ನ್ ಸಂತೋಸ್ ಮ್ಹಾಕಾ ಜಾಲೊ,

ಸೈಕಲ್ ಚಡ್ನ್ ಘರಾ ಗೆಲೊಂ ಧಾಂವಾಂ-ಧಾಂವಿಂ.

ಝಡ್ ಪಳೆವ್ನ್ ಪಪ್ಪ ಮ್ಹಜೊ ಉಪ್ರಾಟುನ್,

ಗಾಳಿ ಸೊವುಂಕ್ ಲಾಗ್ಲೊ ರಾಗಾರ್.

ಅಸ್ಚೊ ಅಮ್ಕಾಂ ದೋನ್ ಸೆಂಟ್ಸ್ ಜಾಗೊ,

ಖಂಯ್ ರೊಂವ್ಚೆ "ತುಜ್ಯಾ ಮಾತ್ಯಾರ್?".

ಪಪ್ಪಚಿಂ ನಿಷ್ಠುರ್ ಉತ್ರಾಂ ಅಯ್ಕೊನ್,

ಜಾಲೆಂ ಮ್ಹಜ್ಯಾ ಮತಿಕ್ ಬೆಜಾರ್.

ಮೆಳ್ಳೆಂ ಝಡ್ ಉಪಾಯಾವಿಣೆಂ,

ಉಡಯ್ಲೆಂ ಮಾರ್ಗಾ ದೆಗೆರ್.

ಆಜ್ ಮ್ಹಾಕಾ ಜಾಲ್ಯಾಂತ್ ಅಯ್ಶಿ,

ದಾದೊಸ್ಕಾಯ್ ಅಸಾ ಕಾಳ್ಜಾರ್.

ಉಡಯ್ಲೆಂ ರೊಂಪಿ ರೂಕ್ ಜಾಲಾ,

ತಾಕಾಯ್ ಜಾಲ್ಯಾ ಪ್ರಾಯ್ ಬಾವೆಸತ್ತರ್.

ಒನಿ, ಕಲ್ಮಾಡಿ

**********

vonomohotsou!

igorjecha moidanar vonomohotsovant,

zhoddam prodorxit zal'lim hozar.

Vedi karyem somptoch zhodd gheunko,

ras poddle amchem firgoz‍gar.

Nennto hamv tori lokanchea khetti modgat,

dhoiran riglo zhodd gheunko.

Usvas mhojem banduk laglo,

suru zalem dolleamni dukham yeunko.

Jeoran havem hat mukar kelo,

hatak mell'lli ek koxi rompi.

Zhodd polleun sontos mhaka zalo,

soikol choddn ghora gelom dhamvam-dhamvim.

Zhodd polleun poppo mhozo uprattun,

galli sovunk laglo ragar.

Oscho omkam don sentts zago,

khoim romvche "tujea matear?".

Poppochim nixtthur utram oykon,

zalem mhojea motik bezar.

Mell'llem zhodd upayavinnem,

uddoilem marga deger.

Az mhaka zaleant oyxi,

dadoskai osa kallzar.

Uddoilem rompi ruk zala,

takai zalea prai bavesot'tor.

Oni Kalmady