Author
Rikku Kiremಭಿಜೊಂಕ್ ಲಾಗ್ಲೆ ದೊಳೆ
ಭಿಜೊಂಕ್ ಲಾಗ್ಲೆ ದೊಳೆ
ಕುಡಿಕ್ ಕೂಡ್ ದೀವ್ನ್,
ಆರಾವ್ನ್ ಗೊಪಾಂತ್ ತುವೆಂ ಧರ್ತಾನಾ
ಜಿವಾಕ್ ಊಬ್ ದಿತಾನಾ.
ಕಾಳ್ಜಾ ಉಡಿ ಚಡ್ಲಿ
ದೊಳ್ಯಾಂಕ್ ದೊಳೆ ದೀವ್ನ್,
ತೊಂಡಾರ್ ಹಾಸೊ ತುವೆಂ ದಿತಾನಾ,
ಮನಾಕ್ ತ್ರಪ್ತಿ ಮೆಳ್ತಾನಾ.
ಮೊಗಾ ಆಂಕ್ರಿ ಪರತ್ ಫುಲ್ಲಿ
ಮ್ಹಜ್ಯಾ-ತುಜ್ಯಾ ಕಾಳ್ಜಾ ಥಾವ್ನ್,
ತುಜ್ಯಾ ಕಾಳ್ಜಾಕ್ ವೆಚಿ ವಾಟ್ ಮೆಳ್ತಾನಾ
ಪರತ್ ಏಕ್ ಪಯ್ಣ್ ಸುರು ಜಾತಾನಾ.
ಪರತ್ ಭಿಜೊಂಕ್ ಲಾಗ್ಲೆ ದೊಳೆ
ದಿಷ್ಟಿ ಪರ್ದ್ಯಾರ್ ಅಂದ್ಕಾರ್,
ಧಾಂಪಾಣ್ ಪಡೊನ್ ಯೆತಾನಾ
ಸಪ್ಣಾಂತ್ಲೊ ಹಾಂವ್ ಜಾಗೊ ಜಾತಾನಾ.
ರಿಕ್ಕು ಕಿರೆಂ
**********
Bhizonk lagle dolle
bhizonk lagle dolle
kuddik kudd diun,
araun gopant tuvem dhortana
jivak ub ditana.
Kallza uddi choddli
dolleank dolle diun,
tonddar haso tuvem ditana,
monak tropti melltana.
Moga ankri porot ful'li
mhojea-tujea kallza thaun,
tujea kallzak vechi vatt melltana
porot ek poinn suru zatana.
Porot bhizonk lagle dolle
dixtti pordear ondkar,
dhampann poddon yetana
sopnnantlo hamv zago zatana.
Rikku Kirem
Leave a comment