Author
Sannu Niddodiಮೊಗಾ ಉಜೊ...
ದರ‍್ಯಾಕ್ ವೆಂಗ್ತಾನಾ ತಾಂಬ್ಶೆಲೊ
ಉಬೆಕ್‌ಚ್ ಜಾಯ್ಜೆ, ತೊ ರಂಗ್ಶೆಲೊ.
ತಾಂಚೆ ಮಿಲನ್ ಸದಾಂಚೆಂ
ಸದಾಂ ಸಾಂಜೆರ್ ಸಾಂಗಾತಾಚ್ ನಿದ್ಚೆಂ.
ಸುರ‍್ಯೊ ಆನಿ ದರ‍್ಯೊ ಆತಾಂ ಏಕ್ ಜಾಲಿಂ
ಮಧುರ್ ಘಡಿ ದೆಕ್ತಚ್, ಮೊಡಾಂಯೀ ಲಜ್ಲಿಂ
ತಾಣಿಂಚ್ ಸಂಗಿಂ ಯೇವ್ನ್ ತಾಂಕಾಂ ಲಿಪಯ್ಲೆಂ
ಮಧುರ್ ಸುಖ್ ಭೊಗುಂಕ್ ಫಾವೊ ಕೆಲೆಂ.
ಸಮಾಧಾನೆನ್ ಜಿಯೆಂವ್ಕ್ ತರೀ ಸೊಡ್ತಿತ್ ?
ಹ್ಯಾ ಕುಶಿಂ ದಾಂಕಣ್. ತೆವ್ಶಿಲ್ಯಾನ್ ತಿಳ್ತಾತ್!
ಉದ್ಕಾ ಆನಿ ಉಜ್ಯಾ ಮಧೆಂ ಸಂಬಂಧ್ ?
ಸಾದ್ಯ್‌ಚ್ ನಾಂ ಸಂಸಾರಿಂ ಹೊ ಬಾಂಧ್!
ಮುಕ್ಲ್ಯಾ ದೆಖಿಕ್ ಮಾತ್ ತಿಂ ಏಕ್ ಜಾಲ್ಲಿಂ
ಪಾಟ್ಲ್ಯಾನ್ ಸಗ್ಳಿಂಚ್ ಖಂತಿನ್ ಬುಡ್‌ಲ್ಲಿಂ
ತೊಚ್ ವೆಗ್ಳಾಚಾರ್, ತೆಂಚ್ ಸದಾಂಚೆ ಜೀವನ್
ಸಾಂಜೆ ವೆಳಾರ್, ಘಡಿಯೆಚೆಂ ಮಾತ್ ಮಿಲನ್!
ಸನ್ನು ನಿಡ್ಡೋಡಿ
XXXXXXXXXXXXXXXXXXXXXXXXXXXXXXXXXXXXXXX
Moga uzo...
Doroeak vengtana tambxelo
ubekch zaije, to rongxelo.
Tanche milon sodanchem
sodam sanjer sangatach nidchem.
Suroeo ani doroeo atam ek zalim
modhur ghoddi dektoch, moddamyi lojlim
tanninch songim yeun tankam lipoilem
modhur sukh bhogunk favo kelem.
Somadhanen jieunko tori soddtit ?
hea kuxim dankonn. Teuxilean tilltat!
udka ani ujea modhem sombondh ?
sadych nam somsarim ho bandh!
muklea dekhik mat tim ek zal'lim
pattlean sogllinch khontin buddl'lim
toch vegllachar, tench sodanche jiun
sanje vellar, ghoddiechem mat milon!
son'nu nidd'ddoddi
Leave a comment