ಸೊಧ್ನಾಂ

ಏಕ್ ಸೊಧ್ನೆರ್ ಗೆಲಾಂ ಹಾಂವ್

ವಾಟ್ ನೆಣಾಂ ಮ್ಹಾಕಾ

ಸೊಧುನ್‍ಚ್ ಆಸ್ಲೊಂ

ಕಾಳ್ಜಾಂತ್ ಬಿಡಾರ್ ಕರ್ಚ್ಯಾಕ್.

ಚಿಂತಾಂ ಕಿತೆಂ ಹಾಂವ್,

ಜಾಂವ್ಚ್ಯಾಕ್ ತುಜೊಚ್ ಮೊಗಾ

ಚಿಂತುನ್‍ಚ್ ತ್ಯಾ ಸೊಧ್ನೆರ್

ವಾಟ್ ಚುಕೊನ್ ರಾವ್ಲಾಂ ಹಾಂಗಾ.

ಪರತ್ ಪರತ್ ಚಿಂತ್ನಾಂ ತುಜಿಂ

ಚಲ್ತಾನಾ ಮೊಗಾಚೆ ವಾಟೆರ್

ಮ್ಹಜೆಂಚ್ ಮ್ಹಣೊನ್ ಘೆತ್ಲೆಂ ತುಕಾ

ಸಮ್ಕಾತಾನಾ ಕಾಳ್ಜಾ ವೆಳೆರ್.

ಉಗ್ಡಾಸ್ ಆಸಾ ಮ್ಹಾಕಾ

ವಿಶ್ವಾಸಿ ಚಲ್ತಾಂ ಮ್ಹಣೊನ್ ದಿಲ್ಲಿ ಭಾಸ್

ಅವ್ಕಾಸ್ ಆಜ್ ತುಕಾ

ಸುಟಂವ್ಕ್ ವೆಗ್ಳಾಚಾರಾ ಸಾಂಕ್ಳೆ ಪಾಸ್.

ತುಂ ಆಸ್ತಾನಾ ಬಗ್ಲೆರ್

ತುಂ ಜಾಲೆಂಯ್ ಸಸಾರ್

ಆತಾಂ ಹರ್ಯೆಕ್ ಘಡಿಯೆ ತುಕಾ

ಚಿಂತುನ್ ನಾಕಾ ಜಾಲಾ ಸಂಸಾರ್.

ಸೊದ್ನೆರ್ ಆಸಾಂ ಹಾಂವ್

ಉತ್ರೊನ್ ಗೆಲ್ಲ್ಯಾ ಮೊಗಾಚೊ

ಹರ್ಯೆಕ್ ರಾತಿಂ ಜಾಗೊ ಹಾಂವ್

ಚಾಂದ್ನ್ಯಾ ರುಪಿಂ ಯೆಂವ್ಚ್ಯಾ ತುಜ್ಯಾ ಯಾದಿಚೊ!

ಜೋಹನ್ ಕ್ರಿಸ್

**********

Sodhnam

ek sodhner gelam hamv

vatt nennam mhaka

sodhun‍ch aslom

kallzant biddar korcheak.

Chintam kitem hamv,

zamvcheak tuzoch moga

chintun‍ch tea sodhner

vatt chukon raulam hanga.

Porot porot chintnam tujim

choltana mogache vatter

mhojench mhonnon ghetlem tuka

somkatana kallza veller.

Ugddas asa mhaka

vixvasi choltam mhonnon dil'li bhas

ovkas az tuka

suttounko vegllachara sanklle pas.

Tum astana bogler

tum zalem-i sosar

atam horyek ghoddie tuka

chintun naka zala somsar.

Sodner asam hamv

utron gel'lea mogacho

horyek ratim zago hamv

chandnea rupim yemvchea tujea yadicho!

Johan Chris.