Author
Anish Owin D'Souza, Gangel (Boliye)ಚಿಂತ್ನಾಂ ಧಾಂವ್ಲಿಂ ಆದ್ಲ್ಯಾ ತ್ಯಾ ಕಾಳಾಕ್,
ನಾತ್‍ಲ್ಲಿ ಚಡಿತ್ ಹುಮೆದ್ ಶಿಕೊಂಕ್.
ನಾ ಸಪಣ್ ದಾಕ್ತೆರ್, ಇಜ್ನೆರ್ ಜಾಂವ್ಚೆಂ ತ್ಯಾ ಭುರ್ಗ್ಯಾಂಕ್,
ಮುಖಾಮಳಾರ್ ಸದಾಂಚ್ ಪರ್ಜಳ್ತಾಲ್ಯೊ ಹಾಸೊ ಅಮ್ರುಕ್...
ಘೆವ್ನ್ ಬ್ಯಾಗ್ ವಸ್ತ್ರಾಚೆಂ ಪಾಟಿರ್,
ಪಾವ್ತೆಲ್ಯಾಂವ್ ಶಾಳಾಕ್ ಚಲೊನ್ ಮಯ್ಲಾಂ ಭರ್.
ದೀಷ್ಟ್ ಧಾಂವ್ತೆಲಿ ಸುಕ್ಣ್ಯಾಂ, ಮನ್ಜಾತಿಚೆರ್,
ನದರ್ ಪಡ್ತಾಲಿ ರೂಕ್-ಝಡಾಂಚ್ಯಾ ಫಳಾಂಚೆರ್...
ಲಿಪವ್ನ್ ಮೊರಾಚೆಂ ಪಾಕ್ ಬುಕಾಂತ್,
ಸೊಪ್ಣಾಂ ವಿವಿಧ್ ಆಟವ್ನ್ ಮತಿಂತ್.
"ಘರ್ ಕಾಮ್" ಮೆಸ್ತ್ರಿಚೆಂ ಕರುಂಕ್ ವಿಸ್ರಾಲ್ಯಾರ್,
ನಾ ಲೇಕ್ ಪಾಟೀರ್ ಪಡ್‍ಲ್ಯಾ ಮಾರಾಂಕ್.
ಮಾರ್ಚ್ ಮ್ಹಹಿನೊ, ಖರ್ಚುನ್ ಪರಿಕ್ಶೇಂತ್,
ಹಣೆಬರಪ್ ದಿಸ್ತಾಲೆ ಧಾ ತಾರಿಕೆರ್ ಎಪ್ರಿಲಾಂತ್.
ಪಾಚಾರ್ತಾಲೆ ಮುಖ್ಲೆ ದೀಸ್ ಮ್ಹಜೆಚ್ಯಾ ರಜೆಂತ್,
ಗಾಂವ್ ಭರ್ ಧಾಂವೊನ್ "ಗುದ್ಧೆಲಿ" ಘಾಲ್ಚ್ಯಾಂತ್.
ನಾತ್‍ಲ್ಲೆ ಆಟೆವಿಟೆ ಅಂತರ್ಜಾಳಿಂತ್,
ಮೆಳ್ಳಿ ನಾ ಮಾಹೆತ್ ಫಿಂರ್ಗಿ ಭಾಶೆಂತ್.
ಆದಿಂ ಆಸ್‍ಲ್ಲಿ ಗರ್ಜೆ ಪುರ್ತಿ, ಪ್ರಾಕೃತಿಕ್ ಜಾಣ್ವಾಯ್,
ಮೆಳ್ಚಿನಾ ಆತಾಂಚಾ ಹ್ಯಾ ಕೆಜಿ ಪಿಜಿಂತ್...
-ಅನಿಶ್ ಒವಿನ್ ಡಿ’ಸೋಜ, ಗಂಗೆಲ್ (ಬೊಳಿಯೆ)
Praveen Lobo, Omzoor
Meaningful poetry.. Superb. Keep writing
Reply
Anil Pinto
Nice one Anish
Reply
Nelson Shirva
Beautiful
Reply
Joyson
Superb Anish.....
Reply