Author
Clive Souz, Boliyeಮಾಂಯ್ ಬಿಡಿಯೊ ಬಾಂದ್ತಾಲಿ
ಸಂಗಿಂ ಲ್ಹಾನ್ ಲ್ಹಾನ್
ಸಪ್ಣಾಂ ಗುಂತಾಲಿ
ಪಾವ್ಸಾ ಪಯ್ಲೆಂ
ಪೊಂವ್ಚೆಂ ಪಾಕೆಂ
ಶಿವೊಂಕ್ ಚಿಂತಾಲಿ
ಆಶೆಕ್ ಕಾತರ್ನ್ ಖೊಲೊ
ಆರಾವ್ನ್ ಚೆಪುನ್ ಧುಮ್ಟಿ ಪಾಲೊ
ಬಿಡಿಯಾಂಚೊ ಕಾಟ್ ಬಾಂದ್ತಾಲಿ
ತಿಚ್ಯಾ ಹಾತಾಂನಿ ಪೊಶೆವ್ನ್ ಮಾತೆಂ
ನಿದ್ಚಿ ಆಶಾ ಮ್ಹಾಕಾ ಉಸ್ಕ್ಯಾರ್
ಪುಣ್ ಸದಾಂ ತೊಡ್ಪೆಂಚ್ ಖೆಳ್ತಾಲೆಂ
ಫೆಸ್ತಾ-ಪರ್ಬೆಕ್ ವೋರ್ನ್ ಪೊಳಿ
ಅಪ್ರೂಪ್ ತರಿ ಮಾಂಯ್
ಸಾಕ್ರೆ ಮಿಠಾಯ್ ಖಾವಯ್ತಾಲಿ
ಪಪ್ಪಾನ್ ಲಿಪೊನ್ ವೊಡ್ತಾನಾ ಬಿಡಿ
ಚಿಡ್ತಾಲಿ ಮಾಂಯ್
ಪೆಲ್ಯಾ ಘರಾ ಕಿತ್ಯಾಕ್ ಧುಂವರ್ ಘಾಲ್ತಾಲಿ?
ಪಪ್ಪಾಚ್ಯಾ ಸೊರ್ಯಾಕ್ ಲಾಗೊನ್
ಕೆನ್ನಾ ಭುರ್ಗ್ಯಾಂಚೊ ಫುಡಾರ್ ಚಿಂತುನ್
ಪಾಲಂವ್ ತಿ ಭಿಜಯ್ತಾಲಿ
ಹರ್ದ್ಯಾರ್ ಹಾತ್ ದವರ್ನ್ ಖೊಂಕ್ತಾಲಿ
ಮಾಂಯ್ ಆಪ್ಲ್ಯಾ
ಕಾಳ್ಜಾಕ್ ಭುಜಾಯ್ತಾಲಿ
ಪಾವ್ಸಾ ಮೊಡಾಂ ರಡೊಂಕ್ ಲಾಗ್ಲಿಂ
ಸಪ್ಣಾಂ ಸಂಗಿಂ ವ್ಹಾಳೊನ್ ಗೆಲಿಂ
ಮಾಂಯ್ಚಿ ತಸ್ವಿರ್ ವೊಣ್ತಿರ್ ಚಡ್ಲಿ.
ಲ್ಹಾನ್ ಲ್ಹಾನ್
ಸಪ್ಣಾಂ ಗುಂತಾಲಿ
ಮಾಂಯ್ ಬಿಡಿಯೊ ಬಾಂದ್ತಾಲಿ.
ಕ್ಲೈವ್ ಸೋಜ್, ಬೊಳಿಯೆ
Deena Prabha Sequeira
Beautifully written.... Really nice
Reply
Shanthi
That's very true . 👌👋
Reply
Saritha Serra
very nice... so beautifully written 👌👌
Reply
Joy Lozil Dsouza
Nice one
Reply
Monica Mathias
ಸೊಬಿತ್ ಉತ್ರಾಂನಿಂ ವಿಣ್ಲೆಲಿ ಕವಿತಾ ಅಶೆಂಚ್ಚ್ ವಾಳೊಂದಿ ಕ್ಲೈವ್ ಬಾಬ್.
Reply