Author
Dr. Flavia Castelinoಕೆದ್ನಾಂ ಶಾಂತ್ ಪ್ರಥ್ವಿ ಆಪ್ಲಿ ಸಕತ್ ದಾಕಯ್ತಾ ತೆದ್ನಾಂ ಮನಿಸ್ ಆಪ್ಲೆಂ ಅಸ್ತಿತ್ವ್ ಹೊಗ್ಡಾಯ್ತಾ. ಪಾಂಯಾ ಪದಾಂ ಮಸ್ತುನ್‌ ವೆಚೆಂ ತಣ್ ಜಶೆಂ ಪ್ರಥ್ವಿ ಮ್ಹನ್ಶ್ಯಾಕ್ ಲೆಕ್ತಾ. ಹ್ಯಾ ಕವಿತೆಂತ್ ಮತಿಕ್ ಸುಶೆಗ್ ದಿಂವ್ಚೊ ಪಾವ್ಸ್ ಕಶೆಂ ರಾತಿಚಿ ನೀದ್ ಧಾಂವ್ಡಾಯ್ತಾ ಮ್ಹಳ್ಳೆ ವಿಶಿಂ ಕವಿಯತ್ರಿ ಪಿಂತ್ರಾಯ್ತಾ. ಮನ್ಶ್ಯಾಚೆ ಕಾಳ್ಜಾ ಧಡ್ದಡೆ ಚಡೊನ್ ಪಿಸಾಂತುರ್ ಜಾಂವ್ಚೆ ಘಡಿಯೆ ಉದ್ಕಾಚೊ ಬುಳ್ಬುಳೊ ತಶೆಂ ಜಿಣೆಂ ಮ್ಹಳ್ಳೆಂ ಸತ್ ಕವಿತಾ ಸಾಂಗೊಂಕ್ ಆಶೆತಾ. (ಸಂಪಾದಕ್)
ಪೃಕೃತೆಚೊ ಕ್ರೋದ್
ಮೊಳ್ಬಾರ್ ಮೊಡಾಂನಿ ಧಾಡ್ ಘಾಲ್ಲಿ
ಭುಮಿರ್ ಗಾಡ್ ಕಾಳೊಕ್ ಭರ್‌ಲ್ಲೊ
ಝಡ್ ವಾರ್ಯಾ ಸಂಗೀ ಪಾವ್ಸ್ ವೊತ್ತಾಲೊ
ಧಗಿಚಾ ದಿಸಾನಿಂ ಆಶೆ ಘಡ್ತಾನಾ....
ತ್ಯಾ ರಾತಿಂ ಪಯ್ಸಿಲ್ಯಾನ್
ಮೊರಾಂಚಿ ಬೋಬಾಟ್ ಆಯ್ಕಾಲಿ
ಕೊಲ್ಯಾಚ್ಯಾ ಕುವಾ...ವಾ...ಸಂಗೀ
ಪೆಟ್ಯಾಂಚೆ ಬಾಂಗ್...
ಪೊಪಾಯೆ ರೂಕ್ ಹಾಲೊನ್
ಭರ್‌ಲ್ಲ್ಯಾ ಪೊಪಾಯಾಂ ಸಂಗಿ
ಪರ್ತಲ್ಲೊ.... ಕಡ್ಕ್... ಡ್ಕ್
ವ್ಹಡ್ ಆವಾಜ್ ಕಾನಾನಿಂ ಪಡ್ಲೊ!
ರುಕಾರ್ ಭರ್‌ಲ್ಲಿಂ ಜಾಂಬಾಂ
ಪಟಪಟ ಮ್ಹಣೊನ್ ಧರ್ನಿರ್ ಶೆವ್ಟಲಿಂ..
ಕಾಳ್ಯಾ ಮೊಳ್ಬಾರ್ ಜಗ್ಲಾಣೆ ದಿಸೊನ್
ದೊಳೆ ಬಂದ್ ಕರ್ತನಾ....
ಗುಡು ಗುಡು...ಡೂ...ಪಟಾರ್...
ಮ್ಹಣ್ ಅಂಗ್ಣಾಂತ್‍ಚ್ ಘಡ್ಗಡೊ ಮಾರ್ಲೊ!
ಘರಾ ಭಿತರ್ ಚಿಡ್ಕ್.... ಚಿಡ್ಕ್...ಡ್ಕ್...
ದಿವ್ಯಾಂಚೆ ಸ್ವಿಚ್ ಹುಲ್ಪಲೆ!
ಘರಾಚೆ ಸಗ್ಳೆ ದಿವೆ ಪಾಲ್ವಲ್ಲೆ
ವಾರ್ಯಾಚ್ಯಾ ಲೋಟಾಚೊ ಆವಾಜ್
ಜಗ್ಲ್ಯಾಣ್ಯಾಚೊ ಉಜ್ವಾಡ್
ಘಡ್ಗಡ್ಯಾಚೊ ಘೊರೊಜ್...
ಪೆಟೆ ಕಾಂಪೊನ್ ಭಿತರ್
ಘುಡಾಕ್ ಧಾಂವ್ಲೆ
ಮಾಜ್ರಾಂ, ಕಾನ್ ಧಾಂಪುನ್...
ರಾಂದ್ಪಾಕುಡಾಚ್ಯಾ ಕೊನ್ಶ್ಯಾಕ್ ರಿಗ್ಲಿ!
ವ್ಹಡ್ ಆವಾಜ್ ಸೊಡ್ಲ್ಯಾರ್
ದುಸ್ರೆಂ ಕಿತೆಂಚ್ ಆಯ್ಕಾನಾ ಜಾಲೆಂ.
ಪೃಕೃತೆಚಾ ಕ್ರೋಧಾನ್
ಮನ್ಶ್ಯಾಕ್ ಅಭದ್ರ್ ಕೆಲ್ಲೆಂ!
ಆಮಿಂ ತೃಣ್ ಮಾತ್ರಾಚಿಂ
ರಚ್ನಾರಾ ಮುಖಾರ್...
ಪೃಕೃತೆ ಸಮೊರ್...
ನಶಿಬಾ ಸಂಗೀ!!!
ಉದ್ಕಾ ವಯ್ಲ್ಯಾ
ಬುಳ್ಬುಳ್ಯಾ ಪರಿಂ
ಕೆದ್ನಾ ನಾಂ ಜಾತೆಲ್ಯಾಂವ್
ಕೊಣ್‌ಚ್ ನೆಣಾ!
ಡಾ. ಫ್ಲಾವಿಯಾ ಕ್ಯಾಸ್ಟಲಿನೊ
WILFRED NAVEEN DSOVZA
Utkaso bulbulo jalari vodna,char disacha sounsaranth kitle themp jiyethay amche asthitv dakovn adevs magche chod bore,zavdi tho astitv amka Dilla talenthacho,amche bore chithamp ani Goonnan triphtiche jivith jeyon veche chod bore.flavia thuka sorv zoith Makta. Tuja kavithan burgaponnacho ugdas zagoylo.
Reply
Gerald Carlo
ಡೈನಾಸೊರಾಂ ಬರಿಂ ಮ್ಹನಿಸ್ ಅಪ್ರಸ್ತುತ್ ಜಾಂವ್ಚೊ ಕಾಳ್ ಲಾಗ್ಗಿಂ ಆಯ್ಲೇ ಬರಿಂ ದಿಸ್ತಾ.
Reply
Lilly Miranda
ಕವಿತಾ ಕಾಳ್ಜಾಕ್ ಲಾಗ್ಚೆ ತಸಲಿ ಜಾವ್ನಾಸಾ ಪ್ರಾಕ್ರತಿಕ್ ವಿಕೋಪಾಂಚೆರ್ ಮನ್ಶ್ಯಾಕ್ ಹತೋಟಿ ಸಾಂಬಾಳ್ನ್ ಘೆಂವ್ಕ್ ಕಷ್ಟ್ ತವಳ್ ಪೆಟ್ಯಾಂಚೊ ಬಾಂಗ್ ಗುಗಿಚೊ ಆವ್ಹಾಜ್ ತಾಕಾ ಬೆಷ್ಟಾಂವ್ಕ್ ಸಕ್ತಾ. ಕವಯಿತ್ರಿಕ್ ಸರ್ವ್ ಬರೆಂ ಮಾಗ್ತಾಂ
Reply
Anitha
Very nice
Reply
Violet Pinto
Lovely poem .
Reply