ಶಾಂತಿ ದೂತ್

ದೀಸ್ ತೊ ಉದೆಲೊ

ಸಂಸಾರ್ ದುಖಾನ್ ಬುಡ್ಲೊ

ಸೊಮಾರಾಚ್ಯಾ ತ್ಯಾ ಸಕಾಳಿಂ

ಲೋಕ್ ನಿದ್‍ಲ್ಲೊ ಉಟ್ಚ್ಯಾ ತ್ಯಾ ವೆಳಿಂ

ಶಾಂತಿಚೊ ದೂತ್ ಶಾಂತಿನ್ ನಿದ್ಲೊ

ಕಥೊಲಿಕ್ ಸಂಸಾರಾರ್ ಆಂಧ್ಕಾರ್ ಪಡ್ಲೊ

ಮೊಗಾಳ್ ಆಮ್ಚೊ ಪಾಪಾ ನಾಂ ಜಾಲೊ

ಸರ್ಗಿಂಚ್ಯಾ ಶಾಶ್ವತ್ ನಿವಾಸಾಕ್ ಪಾವ್ಲೊ

ಆಮ್ಚೊ ಪಾಪಾ

ಶಾಂತಿ ಖಾತಿರ್ ಉಲೊ ದಿಲೊ

ಪರಿಸರ್ ರಕ್ಷಣಾಕ್ ಕಮರ್ ಬಾಂದ್ಲೊ

ದುಬ್ಳ್ಯಾಂ ಮದೆಂ ದುಬ್ಳೊ ಜಾಲೊ

ಸರಳ್ ಜಿವಿತಾಕ್ ದೇಖ್ ಜಾಂವ್ಕ್ ಪಾವ್ಲೊ

ಧರ್ಮಾಂ ಮದ್ಲೊ ಆಂತರ್ ನಿವ್ರಾಂವ್ಕ್ ವಾವುರ‍್ಲೊ

ಥೊಡ್ಯಾಂಚ್ಯಾ ವಿರೋಧಾಕ್ ಕಾರಣ್ ಜಾಲೊ

ಆಮ್ಚೊ ಪಾಪಾ

ಸ್ತ್ರೀಯಾಂಚ್ಯಾ ಉದರ್ಗತೆಕ್ ವಾವುರ‍್ಲೊ

ಕೊನ್ಶಾಂತ್ ಆಸ್‍ಲ್ಲ್ಯಾಂಕ್ ಮುಖಾರ್ ಹಾಡ್ಲೊ

ಯುರೋಪಾ ಭಾಯ್ಲೊ ಪಯ್ಲೊ ಜಾಲೊ

ಶಾಂತಿಚೊ ಕುಂವರ್ ಜಾಲೊ

ಸಭಾರ್ ನವಾಲಾಂಕ್ ಕಾರಣ್ ಜಾಲೊ

ಮನ್ಶಾಪಣ್ ಉಕ್ಲುನ್ ಧರ್‌ಲ್ಲೊ

ಆಮ್ಚೊ ಪಾಪಾ

ಆಜ್ ನಿದ್ಲಾ ಪಾಪಾ ಶಾಂತಿನ್

ಘೆತ್ಲಾಂ ತಾಂಕಾಂ ಜೆಜುನ್ ತಾಚೆ ಆಧಿನ್

ಸರ್ಗಿಂಚ್ಯಾ ರಾಜ್ಯಾಂತ್

ಸಾಂತಾಂ ಭಕ್ತಾಂಚ್ಯಾ ಜಮ್ಯಾಂತ್

ಲಿಖ್ಣೆನ್ ಪಾಟೊಂವ್ಕ್ ಜಾಂವ್ಚಿ ನಾಂ ಹಿ ಶ್ರಧ್ದಾಂಜಲಿ

ಶಾಂತಿ, ಪರಿಸರ್, ಸ್ತ್ರೀ ಸಬಲಿಕರಣಾ ಪಾಟ್ಲ್ಯಾನ್ ಝುಜ್ಲೆಲ್ಯಾಕ್

ಉಜ್ವಾಡ್ ಫಾಂಕ್ತಲೊ ಸದಾಂಚ್ ಸಂಸಾರಾಕ್

ಆಮರ್ ಉರ್ತಲೊ ಸದಾಂಚ್ ಆಮ್ಚೊ ಪಾಪಾ

ಪ್ರಕಾಸ್ ಉಡುಪಿ

……………..

Xanti dut

dis to udelo

somsar dukhan buddlo

somarachea tea sokallim

lok nid‍l'lo uttchea tea vellim

xanticho dut xantin nidlo

kotholik somsarar andhkar poddlo

mogall amcho papa nam zalo

sorginchea xaxvot nivasak paulo

amcho papa

xanti khatir ulo dilo

porisor rokxonnak komor bandlo

dublleam modem dubllo zalo

soroll jivitak dekh zaunko paulo

dhormam modlo antor nivraunko vavuro‍lo

thoddeanchea virodhak karonn zalo

amcho papa

striyanchea udorgotek vavuro‍lo

konxant as‍l'leank mukhar haddlo

yuropa bhailo poilo zalo

xanticho kumvor zalo

sobhar novalank karonn zalo

monxaponn uklun dhor‌l'lo

amcho papa

az nidla papa xantin

ghetlam tankam jezun tache adhin

sorginchea rajeant

santam bhoktanchea zomeant

likhnnen pattounko zamvchi nam hi xrodhdanzoli

xanti, porisor, stri sobolikoronna pattlean zhujleleak

ujvadd fanktolo sodanch somsarak

amor urtolo sodanch amcho papa

Prakas Udupi

……………..

शांती दूत

दीस तो उदेलो

संसार दुखान बुडलो

सोमाराच्या त्या सकाळीं

लोक नीद‍ल्लो उटच्या त्या वेळीं

शांतिचो दूत शांतीन निदलो

कथोलीक संसारार आंधकार पडलो

मोगाळ आमचो पापा नां जालो

सर्गिंच्या शाश्वत निवासाक पावलो

आमचो पापा

शांती खातीर उलो दिलो

परिसर रक्षणाक कमर बांदलो

दुबळ्यां मदें दुबळो जालो

सरळ जिविताक देख जावंक पावलो

धर्मां मदलो आंतर निवरावंक वावूर‍्लो

थोड्यांच्या विरोधाक कारण जालो

आमचो पापा

स्त्रीयांच्या उदर्गतेक वावूर‍्लो

कोनशांत आस‍ल्ल्यांक मुखार हाडलो

युरोपा भायलो पयलो जालो

शांतिचो कुंवर जालो

सभार नवालांक कारण जालो

मनशापण उकलून धर‌ल्लो

आमचो पापा

आज निदला पापा शांतीन

घेतलां तांकां जेजून ताचे आधीन

सर्गिंच्या राज्यांत

सांतां भक्तांच्या जम्यांत

लिखणेन पाटोवंक जांवची नां ही श्रधदांजली

शांती, परिसर, स्त्री सबलिकरणा पाटल्यान झुजलेल्याक

उज्वाड फांक्तलो सदांच संसाराक

आमर उर्तलो सदांच आमचो पापा

प्रकास उडुपी