Sannu Monis, Boliye ಲಿಖ್ಣೆ ನಾಂವಾಖಾಲ್ ಬರೊಂವ್ಚೊ ಎಡ್ವರ್ಡ್ ಸನ್ನು ಮೊನಿಸ್ ಬೊಳಿಯೆ ಫಿರ್ಗಜೆಚೊ ಜಾವ್ನಾಸೊನ್ ಪ್ರಸ್ತುತ್ ಉಧ್ಯಾವರಾಂತ್ ವಸ್ತಿ ಕರ್ತಾ ಆನಿ ಆಬುದಾಭಿಂತ್ ಆಪ್ಲೊ ವಾವ್ರ್ ಕರುನ್ ಆಸಾ. ಕೊಂಕ್ಣಿ ಸಾಹಿತ್ಯಾಚ್ಯಾ ಚಡ್ತಾವ್ ಪ್ರಕಾರಾಂನಿ ಸನ್ನು ಮೊನಿಸ್ ಹಾಣೆ ಜಾಯ್ತೊ ವಾವ್ರ್ ಕೆಲಾ. ಏಕ್ ಬೊರೊ ನಾಟಕ್ ಕಲಾಕರ್ ಮಾತ್ರ್ ನಹಿಂ ಆಸ್ತಾಂ ನಾಮ್ಣೆಚೊ ನಾಟಕ್ ನಿರ್ದೇಶಕ್ ತೊ ಜಾವ್ನಾಸಾ. ಗಾಂವಾಂತ್, ಮುಂಬಯಾಂತ್ ತಶೆಂಚ್ ದುಬಾಯಾಂತ್ ತಾಚ್ಯಾ ನಿರ್ದೇಶನಾಖಾಲ್ ಜಾಯ್ತೆ ಯಶಸ್ಚಿ ನಾಟಕ್ ತಾಣೆ ಪ್ರದರ್ಶನ್ ಕರಯ್ಲ್ಯಾತ್. ಏಕ್ ಬೊರೊ ಗುಮಾಟ್ ವಾಜೊವ್ಪಿ ತೊ ಜಾವ್ನಾಸಾ ಆನಿ ಯು.ಎ.ಇಂತ್ ಜಾಲ್ಲ್ಯಾ ಜಾಯ್ತ್ಯಾ ಕಾರ್ಯಾಂನಿ ತಾಣೆ ತಾಚ್ಯಾ ಪಂಗ್ಡಾ ಸವೆಂ ಗುಮ್ಟಾಂ ಆನಿ ಗುಮ್ಟಾಂ ಪರಾಂಚಿ ರೂಚ್ ಪ್ರೇಕ್ಷಕಾಂಕ್ ಚಾಕೊಂಕ್ ದಿಲ್ಯಾ. ಏಕ್ ಉತ್ತೀಮ್ ಕವಿ ಆನಿ ಸಂಘಟಕ್ ಜಾವ್ನಾಸ್ಚ್ಯಾ ತಾಣೆ ಹಾಂಗಾ ಯು.ಎ.ಇಂತ್ ಜಾಯ್ತ್ಯೊ ಯಶಸ್ವಿ ಕವಿಘೋಷ್ಟಿ ಚಲೊವ್ನ್ ವ್ಹರುನ್ ಕೊಂಕ್ಣಿ ಕಾವ್ಯ್ ಕ್ಷೇತ್ರ್ ಹ್ಯಾ ಖಾಡಿ ಗಾಂವಾಂತ್ ಜಿವಾಳ್ ದವರುಂಕ್ ವರ್ತೊ ವಾವ್ರ್ ಕೆಲಾ. ತಾಣೆ ತಾಚ್ಯಾ ಪಂಗ್ಡಾ ಸವೆಂ ಕೊಂಕ್ಣೆಂತ್ ಪಯ್ಲ್ಯಾ ಪೌವ್ಟಿಂ ಮುಳ್ಳ್ಯಾಬರಿ ಜಾಲ್ಲೆಂ ಯಶಸ್ವಿ ಕಾರ್ಯೆಂ "ಗೀತ್ ಗಜಾಲ್" ಹಾಚ್ಯೊ ದೋನ್ ಆವ್ರತ್ತ್ಯೊ ಆಜೂನ್ ಕೊಂಕ್ಣಿ ಕಾವ್ಯ್ ರಸಿಕಾಂಚ್ಯಾ ಕಾಳ್ಜಾಂ ಮ್ಹನಾಂನಿ ಆಪ್ಲೊ ವಿಶೇಶ್ ಜಾಗೊ ಕರುನ್ ಘೆಂವ್ಚ್ಯಾಂತ್ ಯಶಸ್ವಿ ಜಾಲ್ಯಾತ್. ನವ್ಯಾ ಬರೊವ್ಪ್ಯಾಂಕ್ ಸದಾಂಚ್ ಮಾರ್ಗದರ್ಶನ್ ದಿಂವ್ಚ್ಯಾ ತಾಣೆಂ ದೊನ್ಶ್ಯಾಂ ವಯ್ರ್ ಕವಿತಾಂ ಬೊರಯ್ಲ್ಯಾಂತ್ ಮಾತ್ರ್ ನಂಯ್ ಆಸ್ತಾಂ "ಆಬೊಲಿಂ" ನಾಂವಾಖಾಲ್ ಎಕ್ ಕವಿತಾಂಚೊ ಬೂಕ್ ಉಗ್ತಾಡಾಕ್ ಹಾಡ್ಲಾ. "ಆಂಕ್ರಿ" ಜಾಳಿ ಜಾಗ್ಯಾಚೊ ಸಂಪಾದಕ್ ಜಾವ್ನಾಸ್ಚ್ಯಾ ತಾಕಾ ಆಂಕ್ರಿ ಪಂಗಡ್ ಸ್ವಾಗತ್ ಮುಣ್ತಾ ಆನಿ ತಾಚೆ ಥಾವ್ನ್ ಆನಿಕೀ ಕೊಂಕ್ಣೆಂತ್ ಜಾಯ್ತಿಂ ಕಾಮಾಂ ಜಾಂವ್ದಿತ್ ಮುಣೊನ್ ಆಶೆತಾ.

**********

Sannu Monis, Boliye likhnne namvakhal boromvcho Edward Sannu Monis, Boliye firgojecho zaunason prostut Udyavaranth vosti korta ani Abu Dhabint aplo vaur korun asa. Konknni sahiteachea choddtavo prokaramni Sannu Monis hanne zaito vaur kela. Ek boro nattok kolakor matr nohim astam namnnecho nattok nirdexok to zaunasa. Gamvant, mumboyant toxench dubayant tachea nirdexonakhal zaite yoxoschi nattok tanne prodorxon koroileat. Ek boro gumatt vazoupi to zaunasa ani U.A.E.nt zal'lea zaitea kareamni tanne tachea pongdda sovem gumttam ani gumttam poranchi ruch prekxokank chakonk dilea. Ek ut'tim' kovi ani songhottok zaunaschea tanne hanga yu.E.Int zaiteo yoxosvi kovighoxtti choloun vhorun konknni kauy kxetr hea khaddi gamvant jivall dourunk vorto vaur kela. Tanne tachea pongdda sovem konknnent poilea pouvttim mull'lleabori zal'lem yoxosvi karyem Geeth Ghazaal hacheo don aurot'teo azun konknni kauy rosikanchea kallzam mhonamni aplo vixex zago korun ghemvcheant yoxosvi zaleat. Novea boroupeank sodanch margodorxon dimvchea tannem donxeam voir kovitam boroileant matr nom-i astam "abolim" namvakhal ek kovitancho buk ugtaddak haddla. "ankri" zalli zageacho sompadok zaunaschea taka ankri pongodd svagot munnta ani tache thaun aniki konknnent zaitim kamam zamvdit munnon axeta.