Lavi, Ganjimata ಲಿಖ್ಣೆ ನಾಂವಾನ್ ಬೊರೊಂವ್ಚಿ ತಾರಾ ಲವೀನ ಫೆರ್ನಾಂಡಿಸ್ ಗಂಜಿಮಠಂತ್ ಲ್ಹಾನ್ ವ್ಹಡ್ ಜಾವ್ನ್ ಆಪ್ಲೆಂ M.A., B.Ed ಶಿಕಾಪ್ ಸಂಪೊವ್ನ್ ಆತಾಂ ಗವರ್ನ್ಮೆಂಟ್ ಹಾಯ್ಸ್ಕೂಲ್ ಕಿನ್ನಿಕಂಬ್ಳ-ಮಂಗ್ಳೂರ್ ಹಾಂಗಾ ಗ್ರಾಜ್ಯುಯೇಟ್ ಆಸಿಸ್ಟೆಂಟ್ ಜಾವ್ನ್ ವಾವ್ರ್ ಕರುನ್ ಆಸಾ.

ಸಭಾರ್ ವರ್ಸಾಂ ಥಾವ್ನ್ ಕೊಂಕ್ಣಿ ಸಾಹಿತ್ಯಾಂತ್ ದರಬಸ್ತ್ ವಾವ್ರ್ ಕರುನ್ ಆಸ್ಚ್ಯಾ ಲವಿ ಗಂಜಿಮಠನ್ ಸಭಾರ್ ಕವನಾಂ, ಮಟ್ವ್ಯೊ ಕಾಣಿಯೊ, ಲೇಖನಾಂ ಆನಿ ಪ್ರಬಂದ್ ಬೊರೊವ್ನ್ ಇನಾಮಾಂ ಆಪ್ಣಾಯ್ಲ್ಯಾಂತ್.

ತಿಚ್ಯಾ ಮಟ್ವ್ಯಾ ಕಾಣಿಯಾಂಚೊ ಪುಂಜೊ “ದಸ್ಕತ್ ಆನಿ ಹೆರ್ ಕಥಾ” ತಶೆಂಚ್ ಕಾದಂಬರಿ “ಚುಕ್ಲ್ಲಿಂ ಮೆಟಾಂ” ಹ್ಯಾ ಬುಕಾಂಕ್ ಕ್ರಮಾನ್ 2012 ಆನಿ 2018 ವ್ಯಾ ವರ್ಸಾಚಿ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ ಪುಸ್ತಕ್ ಪ್ರಶಸ್ತಿ ಫಾವೊ ಜಾಲ್ಯಾ.

ಆಂಕ್ರಿ ಪಂಗಡ್ ತಿಚೆ ಥಾವ್ನ್ ನಿರಂತರ್ ಸಾಹಿತಿಕ್ ವ್ಹಾಳೊ ವ್ಹಾಳೊಂದಿ ಮುಣೊನ್ ಆಶೇವ್ನ್ ತಿಚ್ಯಾ ಸಾಹಿತಿಕ್ ಪಯ್ಣಾಕ್ ತಿಕಾ ಸ್ವಾಗತ್ ಕರ್ತಾ.

**********

Lavi, Ganjimata likhnne namvan boromvchi Tara Lavina Fernandes, Ganjimata nth lhan vhodd zaun, aplem M.A., B.Ed xikap sompoun atam gournmentt haiskul Kinnikambla-Manglore hanga grajyuyett asisttentt zaun vaur korun asa.

Sobhar vorsam thaun konknni sahiteant dorobost vaur korun aschea Lavi, Ganjimata n sobhar kounam, mottveo kannio, lekhonam ani probond boroun inamam apnnaileant.

Tichea mottvea kanniancho punzo “doskot ani her kotha” toxench kadombori “chukl'lim mettam” hea bukank kroman 2012 ani 2018 vea vorsachi Karnataka Konakani Sahithya Academy pustok proxosti favo zalea.

Aankri pongodd tiche thaun nirontor sahitik vhallo vhallondi munnon axeun tichea sahitik poinnak tika svagot korta.