ಮಾಂಯ್ ಗಾಂವ್

ಗಾಂವ್ ತುಂ ಮ್ಹಜೊ ಬೈಂದೂರ್

ವರ್ಣುಂ ಕಶಿ ತುಜಿ ಹಾಂವ್ ಸೊಭಾಯ್

ಆಸಾತ್ ಸಬಾರ್ ಧರ್ಮಾಂಚೆ ಹಾಂಗಾಸರ್

ಪುಣ್ ಪಳೆಂವ್ಕ್ ಮೆಳಾನಾ ಕಸಲಿಚ್ ಕೋಮುವಾದಾಚಿ ಲಡಾಯ್!

ವ್ಹಾಳ್ತಾ ದರ್ಯೊ ತುಜ್ಯಾ ಕುಶೆನ್

ಪರ್ವತ್ ಆಸಾತ್ ತುಜ್ಯಾ ವೆಂಗೆಂತ್

ವಾವ್ರ್ ಕರ್ತಾತ್ ಸಬಾರ್ ತುಜ್ಯಾ ಮಾತ್ಯೆಂತ್

ಸಾಂಬಾಳ್ತಾತ್ ಆಪ್ಲ್ಯಾ ಕುಟ್ಮಾಕ್ ಭುಕೆಂತ್!

ಜಿಯೆತಾತ್ ಸಬಾರ್ ತುಜೆ ಭುರ್ಗೆ ಪರ್ದೆಶಾಂತ್

ಪುಣ್ ವಿಸ್ರನಾಂತ್ ಮಾಂಯ್ ಗಾಂವಾಂತ್ ಮೆಳ್ಳೆಲ್ಯಾ ಮೊಗಾಕ್

ಉಗ್ಡಾಸ್ ತಾಂಕಾಂ ಧೊಸ್ತಾ ತುಜ್ಯೆ ಥಾವ್ನ್ ಪಯ್ಸ್ ಸರುನ್

ಪುಣ್ ಸೊಸುನ್ ವರ್ತಾತ್ ಆಪ್ಲೊ ದಿಸ್ಪಡ್ತೊ ಗ್ರಾಸ್ ಜೊಡುನ್!

ಏ ಬೈಂದುರಾ, ಮಾಯಾ ಮೊಗಾಚ್ಯಾ ಬಿಡಾರಾ

ದೇವ್ ವೋತುಂದಿ ತುಜೆರ್ ಬೆಸಾಂವಾಚಿಂ ಲ್ಹಾರಾಂ

ದೊಡ್ತಿ ಜಾಂವ್ ತುಜಿ ಕೀರ್ತ್, ವರ್ತೆಂ ಜಾಂವ್ ತುಜೆಂ ನಾಂವ್

ಆನಿಂ ಸಾತ್ ಜಲ್ಮಾಂತ್ ಜಾ ತುಂ ಮ್ಹಜೊ ಮಾಂಯ್ ಗಾಂವ್!

ಅಶೋಕ್ ಡಾಯಸ್, ಬೈಂದೂರ್

*************************

Mam-i gamv

gamv tum mhozo boindur

vornnum koxi tuji hamv sobhai

asat sobar dhormanche hangasor

punn polleunko mellana kosolich komuvadachi loddai!

vhallta doreo tujea kuxen

porvot asat tujea vengent

vaur kortat sobar tujea matyent

samballtat aplea kuttmak bhukent!

jietat sobar tuje bhurge pordexant

punn visronant mam-i gamvant mell'llelea mogak

ugddas tankam dhosta tujye thaun pois sorun

punn sosun vortat aplo dispoddto gras zoddun!

e boindura, maya mogachea biddara

devo votundi tujer besamvachim lharam

doddti zamv tuji kirt, vortem zamv tujem namv

anim sat zolmant za tum mhozo mam-i gamv!

Ashok Dais, Byndoor