ಚಲಿ

ಇಸ್ಕೊಲಾಕ್ ರಜಾ ಆಸ್ಚ್ಯಾ ದಿಸಾ ಆಸ್ಲ್ಯಾರ್ ತಿಂ ಘರಾ

ಘರ್ಚಿ ಸಾಫ್ ಸಫಾಯ್ ಕರುನ್ ಪಾಶಾರ್ತಾ ಆಪ್ಲಿಂ ವ್ಹರಾಂ

ಕಳಿತ್ ಆಸ್ಲ್ಯಾರ್ ಪ್ರಾಯ್ ಭರ‍್ತಚ್ ಅಟ್ರಾ

ಆದೆವ್ಸ್ ಸಾಂಗೊಂಕ್ ಆಸ್ತಲೆಂ ಮ್ಹಣ್ ಆಪ್ಲ್ಯಾ ಹ್ಯಾ ಕುಳರಾ!

ಜಿಯೆಂವ್ಕ್ ಆಶೆತಾ ತಿ ಕುಶಾಲಿ

ಪುಣ್ ವ್ಹಡಿಲ್ ಆಡಯ್ತಾತ್ ಸಾಂಗೊನ್ ತುಂ ಏಕ್ ಚಲಿ

ತ್ಯಾ ದೆಕುನ್ ಆಪ್ಲ್ಯಾ ಸ್ವಪ್ಣಾಂಕ್ ತಿ ದಿತಾ ಬಲಿ

ಆನಿಂ ಜಿಯೆತಾ ಮಾಂಯ್ ಬಾಬಾಕ್ ಜಾವ್ನ್ ಮೊಗಾಳಿ

ವಾಟೆರ್ ಚಲ್ತಾನಾ ತಿಚ್ಯಾ ಸಾಂಗಾತಾ ಇಷ್ಟ್ ಆಸ್ಲ್ಯಾರ್

ಪಾಟ್ಲ್ಯಾನ್ ಕೆಂಡ್ತಾತ್ ಸಾಂಗೊನ್ ಜಾಲಾ ಪಳೆ ಆಯ್ಚೊ ಹೊ ಸಂಸಾರ್

ಎಕ್ಸುರಿ ತಿ ರಸ್ತ್ಯಾರ್ ಭೊಂವ್ಲ್ಯಾರ್

ಮಾನ್ ಕಾಡುಂಕ್ ರಾಕೊನ್ ರಾವ್ತಾತ್ ಆನಿಂ ಥೊಡೆ ದಳ್ದಿರ್!

ಅಸಲ್ಯಾ ಹ್ಯಾ ಕಲಿಯುಗಾಂತ್

ಜಿಣಿ ಜಿಯೆಜಯ್ ಪಡ್ತಾ ತಿಣೆಂ ಸೊಸ್ಣಿಕಾಯೆನ್

ತ್ಯಾ ದೆಕುನ್ ಆಮ್ಚ್ಯಾ ಹ್ಯಾ ಸಮಾಜೆಂತ್

ಆಮಿಂ ದೆಕೊಂಕ್ ಜಾಯ್ ತಿಕಾ ಗೌರವಾನ್!

ಅಶೋಕ್ ಡಾಯಸ್, ಬೈಂದೂರ್

*******************

Choli

iskolak roza aschea disa aslear tim ghora

ghorchi saf sofai korun paxarta aplim vhoram

kollit aslear prai bhoro‍toch ottra

adeus sangonk astolem mhonn aplea hea kullora!

jieunko axeta ti kuxali

punn vhoddil addoitat sangon tum ek choli

tea dekun aplea svopnnank ti dita boli

anim jieta mam-i babak zaun mogalli

vatter choltana tichea sangata ixtt aslear

pattlean kenddtat sangon zala polle aicho ho somsar

eksuri ti rostear bhomvlear

man kaddunk rakon rautat anim thodde dolldir!

osolea hea koliyugant

jinni jiezoi poddta tinnem sosnnikayen

tea dekun amchea hea somajent

amim dekonk zai tika gourovan!

Ashok Dais, Byndoor