ಯೆ ಪಾವ್ಸಾ

ಯೇ ಪಾವ್ಸಾ ವೆಗಿಂ ಯೇ

ಆತಾಂ ತುಜಿಂಚ್ ಕಾರ್ಭಾರಾಂ,

ಗಾಂವಾಂತ್ ಚಲ್ತಾತ್.

ಆಶೆಲ್ಲೊಂ ಆನಿ ನಿಶೆಲ್ಲೊಂ

ತುಜ್ಯಾ ಯಾದಿನಿಂ ಸುಕ್‍ಲ್ಲೊಂ.

ತೇ ದೀಸ್ !

ಯೇ ಪಾವ್ಸಾ ತುರಂತ್ ಯೇ.

ಪಾವ್ಸಾ, ತುವೆಂಚ್ ಆಮ್ಕಾಂ ಬಿಜಯಿಲ್ಲೆಂ

ಬಿಜ್‍ಲ್ಲ್ಯಾನ್‍ಚ್ ಎಕಾಮೆಕಾಚ್ಯಾ ವೆಂಗೆಂತ್

ತುಜ್ಯಾ ನಿಬಾನ್ ರೂಕಾ ಮುಳಾಂತ್ ರಾವಯಿಲ್ಲಿ

ತಿ ಘಡಿ!

ಯೇ ಪಾವ್ಸಾ ಜ್ಯೊರಾನ್ ಯೇ

ಭಂವಾರಿಂ ಕಾಳೊಕ್ ಪಡ್‍ಲ್ಲೊ

ಸುಕ್ಣಿ ಸಾವ್ಜಾಂ ಘೊಂಟೆರಾಕ್ ಪಾವ್‍ಲ್ಲಿಂ

ಫಕತ್ ಹಾಂವ್, ತುಂ ಆನಿ ಭಿರ್ಭಿರೊ.

ಥಂಡ್ ವಾರೆಂ, ಭಿತರ್ಲೊ ಕುಲ್ಕುಲೊ,

ಕಾಂಪ್ಚೆಂ ಆಂಗ್, ಧಾಂಪ್ಚೆ ದೊಳೆ,

ಎಕಾ ವೆಂಗೆಂತ್ ಆಸ್ತಾನಾ, ಪಾವ್ಸಾ ಥೆಂಬೆ

ಹಾಂವ್ ಸಂಸಾರ್ ವಿಸರ್ಲೊಂ

ಥೆಂಬೆ ರಾವ್ತಾನಾ ಹಾಂವ್ ನಿಸರ್ಲೊಂ.

ವೇಳ್ ಘಡಿ ಚಿಂತಾನಾ

ಹಾಂವ್ ನಿರ್ಭಾಗಿ ಜಾತಾಂ.

ಯೇ ಪಾವ್ಸಾ ಶಿರಿಂಧಾರೆನ್ ಯೇ

ಮ್ಹಜ್ಯಾ ಮತಿಚ್ಯಾ ಆನಂದಾಂತ್ ಜಿಯೆ

ಐವನ್ ಮೊಂತೇರೊ, ಬಹರೈನ್.

***********

Ye pausa

ye pausa vegim ye

atam tujinch karbharam,

gamvant choltat.

Axel'lom ani nixel'lom

tujea yadinim suk‍l'lom.

Te dis !

ye pausa turont ye.

Pausa, tuvench amkam bizoyil'lem

biz‍l'lean‍ch ekamekachea vengent

tujea niban ruka mullant rauyil'li

ti ghoddi!

ye pausa jeoran ye

bhomvarim kallok podd‍l'lo

suknni sauzam ghontterak pavo‍l'lim

fokot hamv, tum ani bhirbhiro.

Thondd varem, bhitorlo kulkulo,

kampchem ang, dhampche dolle,

eka vengent astana, pausa thembe

hamv somsar visorlom

thembe rautana hamv nisorlom.

Vell ghoddi chintana

hamv nirbhagi zatam.

Ye pausa xirindharen ye

mhojea motichea anondant jie

Ivan Montheiro, Bahrain