Suresh Saldanha, Sakleshpur ಲಿಖ್ಣೆಂ ನಾಂವಾನ್ ಬರಂವ್ಚೊ ಸುರೇಶ್ ಸಲ್ಡಾನ್ಹಾ ಫಾತಿಮಾಪುರ ಫಿರ್ಗಜೆಂತ್ ವಾಗೊನ್ ಆಪ್ಲೆಂ B.A, B Phl (Psychology) ಶಿಕಾಪ್ ಸಂಪವ್ನ್ ಆತಾಂ ಆಬುಧಾಬಿಂತ್ಲ್ಯಾ ಮುಸಾಫಾ ಶಹರಾಂತ್ ಆಪ್ಲೊ ವಾವ್ರ್ ಕರುನ್ ಆಸಾ. 1995 ಇಸ್ವೆ ಥಾವ್ನ್ ಬರಂವ್ಕ್ ಆರಂಭ್ ಕೆಲ್ಲೊ ಸುರೇಶ್ ಸಲ್ಡಾನ್ಹಾ ಆಜ್ ಕೊಂಕ್ಣೆಂತ್ ಜಾಯ್ತೊ ವಾವ್ರ್ ಕೆಲ್ಲ್ಯಾ ಕವಿಂಚ್ಯಾ ಪಂಗ್ತೆಂತ್ ಸೊಭ್ತಾ. ಕೊಂಕ್ಣೆಂತ್ಲ್ಯಾ ಸರ್ವ್ ಪ್ರಕಾರಾಂನಿ ಸುರೇಶ್ ಸಲ್ಡಾನ್ಹಾನ್ ಆಪ್ಲೊ ವಾವ್ರ್ ಕೆಲಾ. ಲಗ್ಭಗ್ 900 ಚ್ಯಾಕೀ ಚಡ್ತಿಕ್ ಕವಿತಾಂ, 45 ಚ್ಯಾಕಿ ಚಡ್ತಿಕ್ ಕನ್ನಡ ಕವಿತಾಂ ಲಿಖ್ಲ್ಯಾಂತ್ ಮಾತ್ರ್ ನಂಯ್ ಆಸ್ತಾಂ 40 ಕವಿತಾಂ ತರ್ಜುಮ್ಯೊ ಕೆಲ್ಯಾಂತ್. 12 ವಿವಿಧ್ ವಿಶಯಾಂಚೆರ್ ಲೇಖನಾಂ, 85 ಚುಟುಕಾಂ, 78 ಮೊಲಾಧಿಕ್ ಉತ್ರಾಂ, 4 ಮಟ್ವೆ ನಾಟಕ್, 12 ಪದಾಂ, 3 ಕೊಂಕ್ಣಿ ಭಕ್ತಿಕ್ ಗಿತಾಂ, 4 ಕನ್ನಡ ಭಕ್ತಿಕ್ ಗಿತಾಂ ತಾಣೆಂ ಎದೊಳ್ ರಚುನ್ ತಾಚೆಂ ಸಾಹಿತಿಕ್ ಜ್ಞಾನ್ ತಾಣೆಂ ಗ್ರೇಸ್ತ್ ಕರುನ್ ಘೆತ್ಲಾಂ. ಕುರೊವ್, ಮಿತ್ರ್, ಝೆಲೊ, ಪಯ್ಣಾರಿ, ದಿವೊ, ಜನ ನುಡಿ, ಕೊಂಕ್ಣಿ ಲವ್, ಆಂಕ್ರಿ, ಕೆ.ಸಿ.ಎಲ್.ಟಿ. ವೀಜ್ ಕೊಂಕಣಿ, ಕವಿತಾಝೆಲೊ, Face Book, Whatsapp Groups ಹಾಂತುಂ ಹಾಚೆಂ ದರಬಸ್ತ್ ಸಾಹಿತ್ಯ್ ಎದೊಳ್ ಪರ್ಗಟ್ ಜಾಲಾಂ. ಸಾಂ ಪಾವ್ಲ್ ಫಿರ್ಗಜ್ ಮುಸಾಫಾ ಹಾಚ್ಯಾ ಕೊಂಕ್ಣಿ ಲಿತುರ್ಜಿಕ್ ಆನಿ ಧಾರ್ಮಿಕ್ ಕಾರ್ಯಾಂನಿ ಆಪ್ಣಾಕ್ಚ್ ಸಮರ್ಪುನ್ ಸೆವಾ ದಿಂವ್ಚ್ಯಾ ಸುರೇಶ್ ಸಲ್ಡಾನ್ಹಾಕ್ ಆಂಕ್ರಿ ಪಂಗಡ್ ಸ್ವಾಗತ್ ಕರ್ತಾ ತಶೆಂಚ್ ತಾಚೆ ಥಾವ್ನ್ ಆನಿಕೀ ಜಾಯ್ತೊ ಸಾಹಿತಿಕ್ ವಾವ್ರ್ ಜಾಂವ್ದಿ ಮ್ಹಣೊನ್ ಆಶೆತಾ. 

**********

Suresh Saldanha, Sakleshpur likhnnem namvan boromvcho surex solddanha fatimapuro firgojent vagon aplem B.A, B Phl (Psychology) xikap sompoun atam abudhabintlea musafa xohorant aplo vaur korun asa. 1995 isve thaun borounko arombh kel'lo surex solddanha az konknnent zaito vaur kel'lea kovinchea pongtent sobhta. Konknnentlea sorv prokaramni surex solddanhan aplo vaur kela. Logbhog 900 cheaki choddtik kovitam, 45 cheaki choddtik kon'noddo kovitam likhleant matr nom-i astam 40 kovitam torzumeo keleant. 12 vividh vixoyancher lekhonam, 85 chuttukam, 78 moladhik utram, 4 mottve nattok, 12 podam, 3 konknni bhoktik gitam, 4 kon'noddo bhoktik gitam tannem edoll rochun tachem sahitik gonean tannem grest korun ghetlam. Kurovo, mitr, jhelo, poinnari, divo, zono nuddi, konknni lou, ankri, ke.Si.El.Tti. Viz konkonni, kovitajhelo, Face Book, Whatsapp Groups hantum hachem dorobost sahity edoll porgott zalam. Sam paul firgoz musafa hachea konknni liturjik ani dharmik kareamni apnnakch somorpun seva dimvchea surex solddanhak ankri pongodd svagot korta toxench tache thaun aniki zaito sahitik vaur zamvdi mhonnon axeta.